完整藏文原文 · 德格版页 当前仅加载第 92 函德格 290a 版页；藏文 NFD、目录标记与异常页序保留在来源切片中，重复版页行以稳定序号区分。
དེར་སྲོག་གི་བར་ཆད་དུ་འགྱུར་བར་མི་བགྱིད་དོ། །ཇི་སྟེ་ཕོ་ཉ་མོར་གྱུར་ན་ཕྱོགས་བཅུ་ཐམས་ཅད་དུ་མཆི་སྟེ། ལྷའི་འཇིག་རྟེན་དུ་མཆིའོ། །ཀླུའི་འཇིག་རྟེན་དུ་མཆིའོ། །ལྷ་མ་ཡིན་གྱི་གནས་སུ་མཆིའོ། །ནམ་མཁའ་ལྡིང་གི་གནས་སུ་མཆིའོ། །མི་འམ་ཅིའི་གནས་སུ་
D686.092.0290a01.01མཆིའོ། །ལྟོ་འཕྱེ་ཆེན་པོའི་གནས་སུ་མཆིའོ། །གནོད་སྦྱིན་དང་སྲིན་པོའི་གནས་སུ་མཆིའོ། །འབྱུང་པོའི་གནས་སུ་མཆི་ཞིང་ཐམས་ཅད་དུ་ཕོ་ཉའི་བྱ་བ་བགྱིས་ནས་སླར་མཆིའོ། །སྐད་ཅིག་གིས་དཔག་ཚད་སྟོང་དུ་མཆི་ཞིང་མཆིའོ། །སྐད་ཅིག་གིས་དཔག་ཚད་སྟོང་དུ་ཐམས་ཅད་དུ་
D686.092.0290a02.01ཕྱིན་ནས་ཕོ་ཉའི་བྱ་བ་བགྱིད་དོ། །ཇི་སྲིད་སའི་འོག་གི་བར་དུ་འཇུག་ཅིང་ཕྱིར་ཡང་མཆིའོ། །བྱ་བ་ཤིན་ཏུ་ཡོངས་སུ་རྫོགས་པར་བགྱིས་ནས་བག་ཡོད་པས་ཡང་ལས་ཐམས་ཅད་བགྱི་སྟེ། ཉིན་གཅིག་བཞིན་དུ་མཆོད་ཡོན་དང་། རྐང་པ་བཀྲུ་བ་སྩལ་བར་བགྱིའོ། །ཐམས་ཅད་ཀྱི་
D686.092.0290a03.01གནས་ཐམས་ཅད་དུ་ཕྱིན་ཅིང་བྱ་བ་འགྲུབ་པ། བླ་ན་མ་མཆིས་པར་འགྱུར་རོ། །དེ་ནས་གནོད་སྦྱིན་མོ་དགུག་པར་འཚལ་ན་རིག་སྔགས་འཆང་དེས་གཞན་གྱིས་མ་རེག་པའི་ཤིང་ལེབ་སར་པ་ལ་གནོད་སྦྱིན་དང་། གནོད་སྦྱིན་མོ་རྒྱན་ཐམས་ཅད་ཀྱིས་བརྒྱན་པ་བྲི་བར་བགྱི་ཞིང་
D686.092.0290a04.01གནས་དབེན་ཞིང་འཁྲུག་པ་མ་མཆིས་པ་གཙང་མའི་གནས་སུ་གཞག་པར་བགྱིའོ། །རིག་སྔགས་འཆང་གཙང་མ་ཤིན་ཏུ་ཁྲུས་བགྱིས་པས་གོས་གཙང་མ་བགོས་པས་འོ་མ་དང་། འབྲས་ཐུག་པོ་ཆེའི་ཆན་གྱི་གཏོར་མ་སྩལ་བར་བགྱིའོ། །ཤིང་ཀ་ར་བཱི་རའི་མེ་སྦར་བ་ལ་ཡུངས་ཀར་
D686.092.0290a05.01དང་། གུ་གུལ་དང་། རའི་ཁྲག་དང་། ཞུན་མར་དང་བསྲེས་པའི་སྦྱིན་སྲེག་སྟོང་རྩ་བརྒྱད་བགྱིའོ། །སྟོང་རྩ་བརྒྱད་རྫོགས་པ་དང་། མེ་ཏོག་དམར་པོ་སྩལ་ན་གནོད་སྦྱིན་མོ་དེ་ཡང་རང་གི་གཟུགས་ཀྱིས་མདུན་ན་མཆིས་ཏེ། རིག་སྔགས་འཆང་སློངས་ཤིག་ཅེས་སྨྲ་བར་འགྱུར་རོ། །
D686.092.0290a06.01རིག་སྔགས་འཆང་གིས་ཁྱོད་ངའི་ཅི་བགྱི་ཞེས་བྱ་བ་བྱེད་པ་ཡིན་ནོ། །ངའི་ལས་ཐམས་ཅད་བྱེད་པ་ཡིན་ནོ། །ང་ལ་དབྱིག་མང་པོ་བྱིན་ཅིག་ཅེས་བརྗོད་པར་བགྱིའོ། །དེའི་ཚེ་གནོད་སྦྱིན་དང་གནོད་སྦྱིན་མོ་དེ་ལྟར་ལེགས་སོ་ཞེས་སྨྲས་ནས་མི་སྣང་བར་འགྱུར་རོ། །གང་གི་ཚེ་དགོས་པ་བྱུང་བ་
D686.092.0290a07.01