完整藏文原文 · 德格版页 当前仅加载第 92 函德格 62a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷའི་ལ་དུས་བཀང་ནས་དབུལ་བར་བགྱིད་དོ། །དེ་ནས་རིག་སྔགས་འཆང་གིས་ཡུངས་ཀར་ལ་ལན་བདུན་བཟླས་ཏེ། ཁྱེའུ་དེའི་ལག་ཏུ་གཏོར་རོ། །ཁྱེའུ་དེས་རིག་སྔགས་འཆང་ལ་སྨྲས་པ། རིག་སྔགས་འཆང་ཁྱོད་ཅི་ཞིག་དོན་དུ་གཉེར། རིག་སྔགས་
D686.092.0062a01.01འཆང་གིས་འདོད་པ་ཐམས་ཅད་བྱིན་ཅིག་ཅེས་བརྗོད་པར་བགྱིའོ། །དེས་སྨྲས་པ། རིག་སྔགས་འཆང་སྣོད་ཀྱི་ལ་དུ་ཁྱེར་ཅིག་དང་། འདིས་ཁྱོད་ཀྱི་དགོས་པ་དཔག་ཏུ་མེད་པ་འགྲུབ་པར་འགྱུར་རོ། །འདི་ནི་ཁྱོད་ཀྱི་བཅུད་ཀྱི་མཆོག་ཡིན་ནོ། །རིག་སྔགས་འཆང་ལོང་ཤིག །
D686.092.0062a02.01འདི་ནི་ཁྱོད་ཀྱི་གྲུབ་པའི་མཆོག་ཡིན་ནོ། །དེ་ནས་རིག་སྔགས་འཆང་གིས་སྣོད་གང་བ་དེ་བླངས་ཏེ། ཁྱེའུ་ལ་ཡང་ཁྱེད་ཀྱིས་ཁོ་བོའི་གྲོགས་གྱིས་ཤིག་ཅེས་བརྗོད་པར་བགྱིའོ། །ཁྱེའུ་ཡིས་སྨྲས་པ། དགོས་པ་ཐམས་ཅད་སྒྲུབ་པའི་གྲོགས་བགྱིའོ། །རིག་སྔགས་འཆང་གང་གི་ཚེ་
D686.092.0062a03.01དགོས་པ་བྱུང་བ་དེའི་ཚེ། གུ་གུལ་དང་། ཙནྡན་ལྷན་ཅིག་བསྲེས་ལ་མར་དང་ཡུངས་ཀར་སྦྱར་ནས། དོན་ཡོད་ལྕགས་ཀྱུས་ལན་བདུན་བཟླས་ཏེ་སྦྱིན་སྲེག་བགྱིའོ། །ཨརྐའི་ཤིང་གི་མེ་སྦར་རོ། །སྦྱིན་སྲེག་བགྱིས་པ་ཙམ་གྱི་མོད་ལ། བདག་བཀུག་པས་མོད་ལ་མཆིས་ནས་དགོས་
D686.092.0062a04.01པ་ཐམས་ཅད་བསྒྲུབ་པར་བགྱིའོ། །ལས་ཐམས་ཅད་བགྱིའོ། །ཇི་སྲིད་འཚོའི་བར་དུ་བསྙེན་བཀུར་བགྱིས་མཆིས་ཤིང་བཀུར་སྟིར་སྤྱད་པར་བགྱིའོ། །བགེགས་དང་ལོག་འདྲེན་དང་། འབྱུང་པོ་དང་གནོད་སྦྱིན་དང་། སྲིན་པོ་ཐམས་ཅད་བཟློག་པར་བགྱིའོ། །དེ་ནས་རིག་སྔགས་འཆང་གིས་
D686.092.0062a05.01ལ་དུ་དེ་ལ་རེག་པར་བགྱིས་ན། ནམ་མཁའ་ལ་འཕུར་ནས། རིག་སྔགས་འཆང་གི་རིགས་ཐམས་ཅད་ཟིལ་གྱིས་གནོན་པར་འགྱུར་རོ། །རིག་སྔགས་འཆང་ཐམས་ཅད་ཀྱི་འཁོར་ལོས་སྒྱུར་བར་འགྱུར་རོ། །རིག་སྔགས་འཆང་གི་འཁོར་ལོས་སྒྱུར་བ་ས་ཡ་ཕྲག་གཉིས་དང་། བྱེ་
D686.092.0062a06.01བ་ཕྲག་བདུན་གྱིས་ཡོངས་སུ་བསྐོར་བར་འགྱུར་རོ། །ཚེའི་ཚད་ལྷའི་བསྐལ་པ་དྲུག་ཁྲིར་འགྱུར་རོ། །སྐྲ་ཅུང་ཟད་འཁྱིལ་བར་ཡང་འགྱུར་རོ། །ལ་དུ་ལྷུང་བཟེད་ཀྱི་ནང་དུ་སྩལ་ཏེ། འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་བཞག་ནས། དོན་ཡོད་རྒྱལ་པོའི་ཁྲོ་བོས་དབང་
D686.092.0062a07.01