完整藏文原文 · 德格版页 当前仅加载第 92 函德格 228a 版页；藏文 NFD、目录标记与异常页序保留在来源切片中，重复版页行以稳定序号区分。
ཁམས་སམ། མངོན་པར་དགའ་བར་སྐྱེས་ཏེ་འདི་ལ་དོགས་པ་དང་། ཡིད་གཉིས་བསྐྱེད་པར་མི་བྱ་ཞིང་། ཐེ་ཚོམ་བསྐྱེད་པར་མི་བྱའོ། །ཞེས་སོ། །མ་མོའི་དཀྱིལ་འཁོར་གྱི་ཁྱིམ་ལ་བདུགས་ན། ནག་པོ་ཆེན་པོ་ལ་སོགས་པ། མ་མོའི་ཚོགས་ཀྱིས་
D686.092.0228a01.01ཡོངས་སུ་བསྐོར་བ། དབང་དུ་གྱུར་པར་འགྱུར་ཏེ། མདུན་དུ་ཉེ་བར་གནས་པར་བྱེད་དོ། ལྷ་དང་། ཀླུ་དང་། གནོད་སྦྱིན་དང་། སྲིན་པོ་ཐམས་ཅད་དང་། ནག་པོ་ཆེན་པོའི་གཟུགས་བརྙན་གྱི་སྤྱི་བོའི་གཙུག་ཏུ་འདུག་ན། བདུགས་པ་ཙམ་གྱི་མོད་ལ། ཁ་ནས་ཁྲག་སྐྱུག་གོ། །
D686.092.0228a02.01རིག་སྔགས་འཆང་གིས་དེ་བླངས་ཏེ། ཐིག་ལེ་བྱས་ནས་ནམ་མཁའ་ལ་ལྡིང་བར་བྱེད་དོ། །མིག་ལ་བྱུགས་ན་མི་སྣང་བར་འགྱུར་ཏེ། བདེ་བླག་ཏུ་འབྱུང་པོའི་བདག་པོ་ཆེན་པོར་འགྱུར་རོ། །ལྟོ་བར་ཡོངས་སུ་བྱུགས་ན། གནོད་སྦྱིན་དང་སྲིན་པོའི་དཔོན་པོའོ། །ལུས་མཐའ་དག་ལ་
D686.092.0228a03.01བྱུགས་ན། སྟོབས་དང་། བརྩོན་འགྲུས་དང་། རྩལ་ཆེན་པོ་ནག་པོ་ཆེན་པོ་དང་མཚུངས་པའི་ཤུགས་སུ་འགྱུར་ཏེ། དེ་ཉིད་ཀྱི་གཟུགས་སུ་འགྱུར་རོ། །འཁོར་གྱི་ཚོགས་ཆེན་པོར་ཡང་འགྱུར་རོ། །ཚངས་པ་ལ་བདུགས་ན། བདུགས་པ་ཙམ་གྱི་མོད་ལ། འོ་མ་འཛག་པ་བླང་བར་བྱ་
D686.092.0228a04.01སྟེ། ལུས་ལ་བྱུག་པར་བྱའོ། །ཚངས་པ་དང་འདྲ་བའི་སྟོབས་དང་ཞུགས་སུ་འགྱུར་ཏེ་ནམ་མཁའ་ལ་འགྲོ་བར་བྱེད་དོ། །ཁྱབ་འཇུག་ལ་བདུགས་ན། བདུགས་པ་ཙམ་གྱི་མོད་ལ་ལུས་ལ་པ་ལཱ་ཤའི་ཁ་དོག་གི་དྲིའི་ཆུ་འཛག་སྟེ། རིག་སྔགས་འཆང་གི་ལུས་ལ་བྱུག་པར་བྱའོ། །
D686.092.0228a05.01སྲེད་མེད་ཀྱི་བུའི་གཟུགས་དང་། སྟོབས་དང་། ཤུགས་འཆང་བར་འགྱུར་ཏེ། ལག་ན་འཁོར་ལོ་ཐོགས་པས་ནམ་མཁའ་ལ་འགྲོའོ། །དབང་ཕྱུག་ཆེན་པོ་ལ་བདུགས་ན། དབང་ཕྱུག་ཆེན་པོའི་ལུས་ལ་རྡུལ་འབྱུང་སྟེ། རིག་སྔགས་འཆང་གི་ལུས་ལ་བྱུག་པར་བྱའོ། །དབང་
D686.092.0228a06.01ཕྱུག་ཆེན་པོའི་གཟུགས་སུ་འགྱུར་ཏེ། ལག་ན་མདུང་རྩེ་གསུམ་དང་། སྟོབས་དང་། བརྩོན་འགྲུས་དང་། རྩལ་གྱིས་འབྱུང་པོའི་བདག་པོ་ཆེན་པོར་འགྱུར་ཏེ་ནམ་མཁའ་ལ་འགྲོའོ། །ཐམས་ཅད་ལ་དོན་ཡོད་རྒྱལ་པོའི་བཟླས་བརྗོད་ལན་གསུམ་གསུམ་རྣམ་པར་སྦྱིན་པར་བྱའོ། །
D686.092.0228a07.01