完整藏文原文 · 德格版页 当前仅加载第 92 函德格 53a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་ཀླུའི་རྒྱལ་པོ་བཙུན་མོའི་འཁོར་དང་བཅས་པ་མཆིས་ནས་རིག་སྔགས་འཆང་ལ་མངོན་སུམ་དུ་སྨྲ་བས་རིག་སྔགས་འཆང་ཞུགས་ཤིག་ཅེས་སྨྲ་བར་འགྱུར་རོ། །དེ་ནས་རིག་སྔགས་འཆང་གིས་སྦྲུལ་གྱི་ཞགས་པ་བཟུང་སྟེ་བསྐོར་ནས་འཇུག་པར་བགྱིའོ། །དེ་ནས་རིགས་
D686.092.0053a01.01སྔགས་འཆང་གིས་ཀླུའི་སྐྱོན་དེ་མི་མཐོང་ཞིང་ནུབ་པར་འགྱུར་རོ། །འཁྲུལ་འཁོར་དང་། སྒོ་གླེགས་དང་། གཏན་པ་ཐམས་ཅད་གཏུབས་ཤིང་བཅད་པར་འགྱུར་རོ། །ཞུགས་པ་ཙམ་གྱི་མོད་ལ་ཀླུའི་བུ་མོ་གཟུགས་བཟང་མོ་མཛེས་མ་རྒྱན་ཐམས་ཅད་ཀྱིས་བརྒྱན་ཅིང་བཀླུབས་མ་མཛེས་མ་
D686.092.0053a02.01མཆིས་ནས། རིན་པོ་ཆེའི་ཕྲེང་བ་ཐོགས་ཏེ། རིགས་སྔགས་འཆང་ལ་དབུལ་བར་བགྱིད་དོ། །རིགས་སྔགས་འཆང་གིས་བླངས་ནས་སྤྱི་བོ་ལ་བཞག་སྟེ། བཞག་པ་ཙམ་གྱི་མོད་ལ་ཀླུའི་བུ་མོ་ནམ་མཁའ་ལ་འཕུར་ནས་ནུ་མ་གཉིས་ནས་འོ་མ་ཟགས་པ་དང་། རིག་སྔགས་འཆང་གིས་
D686.092.0053a03.01བཟེད་ནས་བཏུང་བར་བགྱི་སྟེ། ཚེ་ཉི་ཁྲི་ཐུབ་པར་འགྱུར་རོ། །སྐྲ་ཅུང་ཟད་འཁྱིལ་བར་ཡང་འགྱུར་རོ། །ཀླུའི་རྒྱལ་པོ་ཞེས་བགྱི་བ་ཐམས་ཅད་ཀྱི་བདག་པོ་འཁོར་ལོས་སྒྱུར་བར་འགྱུར་རོ། །མཐུ་དང་བརྩོན་འགྲུས་ཆེན་པོས་ཕ་རོལ་གནོན་པར་འགྱུར་རོ། །དེ་ནས་རིག་སྔགས་འཆང་
D686.092.0053a04.01གིས་སྦྲུལ་གྱི་ཞགས་པ་བཞག་ལ། དོན་ཡོད་རྒྱལ་པོའི་སྙིང་པོ་ཤིང་ཀ་ར་བཱི་རའི་ལྕུག་མ་ལ་བཟླས་ནས་བྱ་བ་པར་བགྱི་སྟེ། གང་དང་གང་གི་མིང་ནས་དྲངས་ཤིང་ཡིད་ལ་བསམས་པས་མོད་ལ་ཐམས་ཅད་འགྲུབ་པར་འགྱུར་རོ། །ཆར་མི་འབབ་པའི་དུས་སུ་སྦྲུལ་གྱི་ཞགས་པ་གནས་མཐོན་
D686.092.0053a05.01པོར་བསྐོར་བར་བགྱི་སྟེ། ལན་ཅིག་བསྐོར་བ་ཙམ་གྱིས་ཆར་གྱི་རྒྱུན་ཆེན་པོ་འབབ་པར་འགྱུར་རོ། །ཧ་ཅང་ཆར་ཆེས་པའི་དུས་སུ་སྦྲུལ་གྱི་ཞགས་པ་གནས་མཐོན་པོར་བཞག་ན་ཆར་ཧ་ཅང་ཆེ་བ་ལས་འཆད་པར་འགྱུར་རོ། །གྲང་བའམ། རླུང་ངམ། སེར་བ་འབབ་པའི་དུས་སུ་ནང་པར་སྔར་
D686.092.0053a06.01ཀླུའི་ཞགས་པ་ཕྱོགས་བཞིར་བསྐོར་ན། དཔག་ཚད་བརྒྱ་ཁོར་ཁོར་ཡུག་ཏུ་སེར་བ་འབབ་པར་མི་འགྱུར་རོ། །གྲང་བའི་རླུང་དང་སེར་བ་ཐམས་ཅད་བཅིངས་པར་འགྱུར་རོ། །ལོ་ཁྱུད་འཁོར་ཚང་བར་མཚམས་ཆེན་པོ་བཅིངས་པར་འགྱུར་རོ། །ཉིན་གཅིག་བཞིན་དོན་ཡོད་རྒྱལ་པོའི་སྙིང་
D686.092.0053a07.01