完整藏文原文 · 德格版页 当前仅加载第 92 函德格 224a 版页；藏文 NFD、目录标记与异常页序保留在来源切片中，重复版页行以稳定序号区分。
སོར་ཐོབ་བོ། །ཀུན་ནས་དོན་ཡོད་པའི་དཀྱིལ་འཁོར་གྱི་གསང་བ་དེ་བཞིན་གཤེགས་པ་ཐམས་ཅད་ཀྱི་དམ་ཚིག་སོ་སོར་ཐོབ་བོ། །དེ་བཞིན་གཤེགས་པ་ཐམས་ཅད་ཀུན་ཏུ་གཟིགས་པའི་རྒྱལ་མཚན་ཞེས་བྱ་བ། བྱང་ཆུབ་སེམས་དཔའི་དབང་བསྐུར་བ་སོ་སོར་ཐོབ་
D686.092.0224a01.01བོ། །བྱང་ཆུབ་སེམས་དཔའ་ཐམས་ཅད་དང་རྟག་ཏུ་ཡང་འགྲོགས་ཤིང་གནས་པ་དང་། དེ་བཞིན་གཤེགས་པ་ཐམས་ཅད་ཀྱིས་ལུང་བསྟན་པར་འགྱུར་རོ། །ཞེས་སོ་མིག་སྨན་གྱི་དཀྱིལ་འཁོར་གྱི་ཆོ་གའོ།། །།དེ་ནས་བདུག་པ་རིམ་པར་ཕྱེ་བའི་ཆོ་ག་བཤད་པར་བྱ་སྟེ།
D686.092.0224a02.01རིག་སྔགས་འཆང་ཐམས་ཅད་ཀྱི་མཆོག་ཏུ་རྨད་དུ་བྱུང་བ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་མཆོད་པའི་དོན་དང་། དེ་བཞིན་ཉིད་དུ་འཇིག་རྟེན་གསུམ་པོ་ཐམས་ཅད་འགུགས་པ་གྲུབ་པ་དང་། ལྷ་ཐམས་ཅད་སྤྱན་དྲང་བ་དང་། དབང་པོ་དང་། ཚངས་པ་དང་།
D686.092.0224a03.01ཁྱབ་འཇུག་དང་། དབང་ཕྱུག་ཆེན་པོ་རྣམས་བསྡིགས་པར་བྱེད་པ། གནོད་སྦྱིན་དང་། སྲིན་པོ་དང་། ཤ་ཟ་དང་། གདོན་མ་རུངས་པ་དེ་རྣམས་ཐམས་ཅད་བདུག་པའི་དྲིས་འབྲོས་པར་བྱེད་པར་ཐེ་ཙོམ་མེད་དོ། །བགེགས་དང་ལོག་པར་འདྲེན་པ་ཉིད་དང་། སྡང་བ་དང་། དེ་
D686.092.0224a04.01བཞིན་དུ་བདུད་ཀྱང་རུང་སྟེ། བདུག་པའི་དྲིས་རྣམ་པར་ཞིག་པར་འགྱུར་ཞིང་། ཡན་ལག་དང་ཉིང་ལག་རྣམ་པར་འཐོར་བར་བྱེད་དོ། །རང་གི་དམག་དང་། ཕ་རོལ་གྱི་དམག་ཚོགས་དང་། ཤིན་ཏུ་འགྲས་པ་དང་། ཕྱིར་རྒོལ་བ་དང་། དེ་བཞིན་དུ་དགྲ་བོ་ཉིད་དང་། སྐྱེ་བོ་སྡང་
D686.092.0224a05.01བ་དང་། གང་དུ་འཐབ་པ་དང་། རྩོད་པ་དང་། འགྱེད་པ་དང་། གཡུལ་ཉིད་ཀྱང་བདུག་པའི་དྲིས་ཐམས་ཅད་རབ་ཏུ་ཞི་བར་འགྱུར་བར་ཐེ་ཚོམ་མེད་དོ། །གལ་ཏེ་སྐྱེས་པའམ། བུད་མེད་དམ། ཁྱེའུ་འམ། བུ་མོའམ། དགེ་སྦྱོང་ངམ། བྲམ་ཟེ་ཉིད་དང་། དེ་བཞིན་
D686.092.0224a06.01དུ་དགེ་བསྙེན་དང་། དགེ་བསྙེན་མ་དང་། དགེ་སློང་དང་། དགེ་སློང་མ་དང་། རྒྱལ་པོ་འམ། རྒྱལ་ཕྲན་དང་། དེ་བཞིན་དུ་རྒྱལ་མོ་དང་། བཙུན་མོའི་འཁོར་ཀྱང་རུང་སྟེ། ལེགས་པར་ཁྲུས་བྱས། གོས་གཙང་མ་བགོས་ནས་བདུག་སྤོས་འདིས་བདུགས་ན་གང་གིས་
D686.092.0224a07.01