完整藏文原文 · 德格版页 当前仅加载第 92 函德格 287b 版页；藏文 NFD、目录标记与异常页序保留在来源切片中，重复版页行以稳定序号区分。
བཟའ་བ་དང་། གསང་སྔགས་སྣ་ཚོགས་སྒྲུབ་པའི་དངོས་གྲུབ་དང་། འཇིགས་པ་ཆེན་པོ་བརྒྱད་ཞི་བར་བྱ་བ་དང་། དགུག་པ་དང་། དྲན་པ་དེ་ཐམས་ཅད་སྩོལ་བར་བགྱིད་དོ། །གཞན་ཡང་ཇི་ལྟར་ཡིད་ལ་བགྱིད་པ་དེ་ཐམས་ཅད་སྩོལ་བར་བགྱིད་དོ། །དེ་དག་ཐམས་ཅད་ཀྱི་དགོས་པ་
D686.092.0287b01.01ཐམས་ཅད་དོན་ཡོད་པའི་ཞགས་པའི་ལྕགས་ཀྱུའི་སྙིང་པོས་འདྲེན་ཅིང་། དོན་ཡོད་པའི་ཞགས་པས་བཅིང་བར་འགྱུར་རོ། །བསམས་པ་དང་། དོན་དུ་གཉེར་བ་དང་། ཡིད་ལ་རེ་བའི་དགོས་པ་དེ་ཐམས་ཅད་ཤིན་ཏུ་རིང་པོ་ནས་ཀྱང་དོན་ཡོད་པའི་ཞགས་པས་བཅིངས་ནས་ཐམས་ཅད་དྲངས་ཏེ་
D686.092.0287b02.01ལག་ཏུ་ཐོབ་པར་འགྱུར་རོ། །སྒྲུབ་པ་མཆོག་གི་དངོས་གྲུབ་ཀྱི་དེ་ཁོ་ན་ཉིད་ཐམས་ཅད་འགྲུབ་པར་འགྱུར་ཏེ། མི་སྣང་བར་གྱུར། རིག་སྔགས་འཆང་ནམ་མཁའ་ལ་མཆེ་བར་འགྱུར་རོ། །འཇིག་རྟེན་གྱི་ཁམས་གང་དུ་སངས་རྒྱས་ཀྱི་ཞིང་གང་དང་གང་དུ་མཆི་འཚལ་བ་དེ་དང་དེ་ཐམས་ཅད་དུ་མཆི་བར་
D686.092.0287b03.01གྱུར་ཏེ་ཐམས་ཅད་དུ་གཙོ་བོར་འགྱུར། ཐམས་ཅད་དུ་མཆོད་པར་འགྱུར་རོ། །ཅི་སྟེ་རྨི་ལམ་དུ་མཐོང་བར་འཚལ་ན་གུ་གུལ་ལ་ལན་བརྒྱ་རྩ་བརྒྱད་ཡོངས་སུ་བཟླས་ནས། ཉལ་ཀར་འཕགས་པ་སྤྱན་རས་གཟིགས་དབང་ཕྱུག་ལ་བདུག་སྤོས་སུ་ཕུལ་ཏེ་ཉལ་ན། འཕགས་པ་སྤྱན་རས་
D686.092.0287b04.01གཟིགས་དབང་ཕྱུག་རྒྱལ་པོའི་ཆ་བྱད་དུ་མཐོང་བ་སྩོལ་ཅིང་། གང་བསམས་པ་དང་། གང་དུ་གཉེར་བ་དང་། གང་དྲིས་པ་དེ་ཐམས་ཅད་སྨྲ་བར་འགྱུར་རོ། །ཇི་ལྟར་བསམས་པའི་མཆོག་སྩོལ་ཅིང་སྒྲིབ་པ་དང་སྡིག་པ་ཐམས་ཅད་མ་མཆིས་པར་འགྱུར་རོ། །སྟོབས་དང་། བརྩོན་
D686.092.0287b05.01འགྲུས་དང་། མདངས་འཇུག་པར་འགྱུར་རོ། །ཚངས་པ་དགུག་པར་འཚལ་ཞིང་མཐོང་བར་འཚལ་ན། དེའི་ཚེ་ཤིང་ཨརྒའི་འོ་མ་དང་། གུ་གུལ་དང་། རྒྱ་སྐྱེགས་ཀྱིས་རིལ་བུར་བགྱིས་པ་ལ་བཟླས་བརྗོད་བརྒྱ་རྩ་བརྒྱད་བགྱིས་ལ། ཚངས་པ་ལ་བདུག་སྤོས་སུ་ཕུལ་ནས།
D686.092.0287b06.01ཚངས་པ་རང་གི་གཟུགས་ཀྱིས་མདུན་ན་མ་མཆིས་ཤིང་མཆོག་འཚལ་བ་ཐམས་ཅད་རྗེས་སུ་སྩོལ་ཏོ། །ཚངས་པའི་འཇིག་རྟེན་ལ་ཐུག་པའི་བར་གྱི་ཚངས་པའི་གནས་དང་། གཞལ་མེད་ཁང་མཐོང་བར་འགྱུར་ཞིང་ཚངས་པའི་གཟུགས་ཀྱི་ཆ་བྱད་འཆང་བའི་མཆོག་སྩོལ་བར་འགྱུར་
D686.092.0287b07.01