完整藏文原文 · 德格版页 当前仅加载第 92 函德格 250a 版页；藏文 NFD、目录标记与异常页序保留在来源切片中，重复版页行以稳定序号区分。
འཕགས་པ་དོན་ཡོད་པའི་ཞགས་པའི་ཆོ་ག་ཞིབ་མོའི་རྒྱལ་པོ། བམ་པོ་བཅུ་དགུ་པ། ལྡོང་རོས་དང་། ཐིང་ཤུན་གྱི་ཕྱེ་མ་དང་། ཡུངས་ཀར་དང་། མ་ཧཱ་ཏཻ་ལ་དང་། ཨ་རྐའི་འོ་མ་དང་། ཕ་གུའི་འོ་མ་དང་། གཅིག་ཏུ་སྦྱར་རོ། །ཉའི་མིག་མཁྲིས་པ་དང་བཅས་
D686.092.0250a01.01པ་དང་། ནཱ་ག་པུས་པ་དང་། པདྨའི་ཆུ་བ་རྣམས་ཀྱང་ལྷན་ཅིག་ཏུ་ཕྱེ་མ་ཞིབ་མོར་བྱའོ། །ཕྱེ་མ་སྔ་མ་ལེགས་པར་སྦྱར་ལ་ཆུས་རིལ་བུར་བྱས་པ་དང་། ཕྱེ་མས་གཞན་ཡང་བཅང་ངོ་། །ཕྱེ་མས་འདི་དང་པདྨ་ཆེན་པོའི་ཕྱེ་མ་བཅང་བ་ལྷན་ཅིག་ཏུ་བསྲེས་པའི་ཕྱེ་མས་ལུས་བསྐུས་ལ་ཕྱོགས་
D686.092.0250a02.01བཞིར་ཡུངས་ཀར་གཏོར་ཏེ། རིལ་བུ་ཁར་བཅུག་ལ་ཧཱུྃ་ཞེས་བྱ་བ་བསྡམས་ཏེ་བརྗོད་ན་དེའི་ལུས་ལས་ཆུ་འཛག་ཅིང་། དེ་ཁོ་ན་བཞིན་དུ་རྣ་བ་གཉིས་ཀྱང་ལྷ་རྫས་ཀྱི་ཆུ་འབྱུང་བར་སྣང་། ལུས་ལས་སྤོས་ཀྱི་རིགས་ཡིད་དུ་འོང་བ་རབ་ཏུ་སིམ་པར་བྱེད་པ་འབྱུང་བ་ནི་ནད་ཐམས་ཅད་གྲུབ་
D686.092.0250a03.01པར་སྣང་སྟེ། རྒྱལ་བའི་ཕྱག་བཞིན་ནོ། །ཡུངས་ཀར་གྱི་ཕྱེ་མ་བླངས་ཏེ་ནམ་མཁའ་ལ་གཏོར་ལ་རིལ་བུ་ལག་པས་བསྐོར་ན་ཆར་ཆེན་པོ་འབབ་པར་འགྱུར་རོ། །རིལ་བུ་ནམ་མཁའ་ལ་འཕངས་ན་མི་འབབ་བོ། །གཡུལ་ཆེན་པོ་འགྱེད་པའི་ནང་དུ་ཕྱེ་མ་དེ་ཡུངས་ཀར་དང་
D686.092.0250a04.01བསྲེས་ཏེ་ནམ་མཁའ་ལ་གཏོར་ལ་རིལ་བུ་དེ་ཡང་ཁར་བཅུག་སྟེ། སྟེང་དུ་བལྟས་ལ་ཧཱུྃ་ཞེས་བྱ་བའི་སྒྲས་བོས་ལ། གནམ་ལྕགས་ཆེན་པོ་འབབ་སྟེ་ཡིད་མི་འཆད་པ་དང་སྡུག་བསྔལ་བསྐྱེད་པར་འགྱུར་རོ། །ཆུའི་ནང་དུ་ཞུགས་ཏེ་ཕྱེ་མ་དེ་གཏོར་ལ་ཡུངས་ཀར་དང་། རིལ་བུ་ཆུའི་
D686.092.0250a05.01ནང་དུ་གདབ་པར་བྱ། ཕྱོགས་བཞིར་ཡུངས་ཀར་གཏོར་ཏེ། ཏཻ་ལས་ལུས་ལ་བསྐུས་ན་ཀླུ་ཆེན་པོའི་གཟུགས་སུ་སྣང་ངོ་། །རིལ་བུ་དང་ཡུངས་ཀར་མེའི་མདོག་ལྟ་བུ་ཆུ་དང་བསྲེས་པའི་ཡུངས་ཀར་ནམ་མཁའ་ལ་གཏོར་ན་འབྲུག་སྒྲ་ཆེན་པོ་འབྱུང་ཞིང་གློག་ཆེན་པོ་གསལ་བ་སྣང་
D686.092.0250a06.01བར་འགྱུར་རོ། །ཆུའི་ནང་ནས་བྱུང་ན་མི་སྣང་བར་འགྱུར་རོ། །ཁྲོན་པའི་ནང་དུ་བཏབ་ན་ཆུ་ལུད་ནས་ཕྱོགས་ཀུན་ཏུ་ཆུ་འབབ་པར་འགྱུར་རོ། །རྫ་མའམ། བུམ་པའམ། རྫེའུའམ། རིལ་བ་བྷྲྀངྒ་རའམ། རིལ་བ་ལ་ཕྱེ་མས་བྱུགས་ཏེ། དེའི་སྟེང་དུ་ཡུངས་ཀར་གྱིས་
D686.092.0250a07.01