完整藏文原文 · 德格版页 当前仅加载第 92 函德格 312a 版页；藏文 NFD、目录标记与异常页序保留在来源切片中，重复版页行以稳定序号区分。
གཏོར་ན་ཕུག་ཐམས་ཅད་སྒོ་གདངས་པར་འགྱུར་རོ། །ཇི་ལྟར་དགའ་བར་འཇུག་པར་འགྱུར་རོ། །ལན་གསུམ་ཞུགས་ཀྱི་བར་དུ་སྒོ་གཏན་འཇུག་པའི་གནས་སུ་ཁྲོ་བོའི་ལྕགས་ཀྱུ་འབའ་ཞིག་བཟླས་བརྗོད་བྱས་ན་དེའི་ཚེ་ལྷའི་བུ་མོ་རྒྱན་ཐམས་ཅད་ཀྱིས་བརྒྱན་
D686.092.0312a01.01པ་བཟང་ཞིང་མཛེས་པ་བལྟ་བར་འོས་པ་མཆོག་ཏུ་མདོག་སྡུག་ཅིང་འཕྲིག་པ་དང་ལྡན་པ། དཔལ་གྱིས་ཤིན་ཏུ་དཔའ་ཞིང་འབར་བ། བཞིན་འཛུམ་པ། ལུས་ངོ་ཚ་ཚ་ལྟར་བྱེད་པ། འགྲོས་འགྱིང་བག་ཏུ་འོང་བར་འགྱུར་ཏེ། སྤྱི་བོ་ཡིད་ཙམ་བཏུད་ནས་གསེར་གྱི་སྣོད་རིན་
D686.092.0312a02.01པོ་ཆེས་བཀང་བ་ཐོགས་ཏེ་རིག་སྔགས་འཆང་ལ་འབུལ་བར་བྱེད་དོ། །རིག་སྔགས་འཆང་བས་ཅང་མི་སྨྲ་བར་བྱའོ། །རིན་པོ་ཆེའི་སྣོད་ཀྱང་བླང་བར་མི་བྱའོ། །གསང་སྔགས་འབའ་ཞིག་དྲན་པར་བྱ་ཞིང་ཡུངས་ཀར་གྱིས་གཞོན་ནུ་མ་ལ་བརྡེག་པར་བྱའོ། །ཅི་སྟེ་གཞོན་ནུ་མ་དེ་
D686.092.0312a03.01རྟུག་པ་འབྱིན་ཅིང་བཞིན་བསྒྱུར་བ་ཁྲོ་བོའི་གཟུགས་མཆུ་འཕྱང་བ། མཆེ་བ་གཙིགས་པ། སྐྲ་རལ་པ་སེར་ལ་གྱེན་དུ་བརྫེས་ལ་རལ་པ་ཅོད་པན་གྱིས་བརྒྱན་པར་སྟོན་ན་རིག་སྔགས་འཆང་བས་སྐྲག་པར་མི་བྱའོ། །ཁྲོ་བོའི་ལྕགས་ཀྱུ་འབའ་ཞིག་དྲན་པར་བྱའོ། །ཡང་ཡུངས་
D686.092.0312a04.01ཀར་གྱིས་མགོའི་སྤྱི་བོར་བརྡེག་ཅིང་ཁྲོས་པའི་གཟུགས་ཀྱིས་དྲན་པར་བྱས་ན། དེའི་ཚེ་དེ་ས་ལ་འགྱེལ་ཏེ་འགྲེ་ལྡོག་ཅིང་ཀྱེ་རིག་སྔགས་འཆང་ཐུགས་རྗེ་ཅན་ཁྱོད་རིག་སྔགས་འཆང་ཁྱབ་འཇུག་གི་གཟུགས་ཅན་གུམ་མོ་གུམ་མོ་ཞེས་སྒྲ་འབྱིན་ཏོ། །དེ་ནས་རིག་སྔགས་འཆང་
D686.092.0312a05.01བས་རྗེས་སུ་བརྟགས་ཏེ། གལ་ཏེ་ཁ་ཆུ་དབུ་བར་བྱུང་ན། རིག་སྔགས་འཆང་བས་དེ་བླངས་ལ་རྐང་པ་དང་བྱིན་པ་བསྐུས་ན་རླུང་གི་ཕུང་བོ་བདུན་པའི་རླུང་ལ་ཞོན་ཏེ་ནམ་མཁའ་ལ་འགྲོ་བར་འགྱུར་རོ། །རིག་སྔགས་འཆང་བའི་འཁོར་ལོས་སྒྱུར་བར་འགྱུར་ཞིང་རིག་སྔགས་
D686.092.0312a06.01འཆང་བའི་འཁོར་བརྒྱ་ཕྲག་བྱེ་བ་དགུ་བཅུ་རྩ་དགུས་བསྐོར་བར་འགྱུར་རོ། །སྐད་ཅིག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་མཐར་སོང་ཞིང་སླར་ཡང་འོང་བར་འགྱུར་རོ། །གལ་ཏེ་རེག་ན་ནི་སྐྱེས་ནས་ལོ་བཅུ་དྲུག་ལོན་པ་དང་འདྲ་ཞིང་སྐྲ་ཡིད་ཙམ་འཁྱིལ་ཞིང་འཁྱིལ་
D686.092.0312a07.01