完整藏文原文 · 德格版页 当前仅加载第 32 函德格 304b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་དུ་འོག་མིན་གྱི་བར་གྱི་ལྷ་རྣམས་འཇིག་རྟེན་དུ་འབྱུང་བར་འགྱུར། དེ་བཞིན་དུ་རྒྱུན་དུ་ཞུགས་པ་རྣམས་དང་། ལན་ཅིག་ཕྱིར་འོང་བ་རྣམས་དང་། ཕྱིར་མི་འོང་བ་རྣམས་དང་། དགྲ་བཅོམ་པ་རྣམས་དང་། རང་སངས་རྒྱས་རྣམས་དང་། བྱང་ཆུབ་སེམས་
D11.032.0304b01.01དཔའ་རྣམས་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་འཇིག་རྟེན་དུ་འབྱུང་བར་འགྱུར། རྗེས་སུ་སངས་རྒྱས་པའི་ཡེ་ཤེས་རྣམས་འཇིག་རྟེན་ན་མཆིས་པར་འགྱུར། སེམས་ཅན་ཡོངས་སུ་སྨིན་པར་བགྱི་བ་དང་། སངས་རྒྱས་
D11.032.0304b02.01ཀྱི་ཞིང་ཡོངས་སུ་དག་པར་བགྱི་བའི་བར་དུ་འཇིག་རྟེན་ན་མཆིས་པར་འགྱུར། མི་དགེ་བའི་ཆོས་ཐམས་ཅད་ནི་ཡོངས་སུ་ཉམས་པར་འགྱུར། དགེ་བའི་ཆོས་བསྒོམ་པ་ཐམས་ཅད་ནི་ཡོངས་སུ་རྫོགས་པར་འགྱུར། ལྷའི་རིས་རྣམས་ནི་མངོན་པར་འཕེལ་བར་
D11.032.0304b03.01འགྱུར། ལྷ་མ་ཡིན་གྱི་རིས་རྣམས་ནི་ཡོངས་སུ་ཉམས་པར་འགྱུར། སངས་རྒྱས་ཀྱི་ཚུལ་རྒྱུན་མི་འཆད་པར་འགྱུར། ཆོས་ཀྱི་ཚུལ་དང་། དགེ་འདུན་གྱི་ཚུལ་རྒྱུན་མི་འཆད་པར་འགྱུར། འཇིག་རྟེན་ན་ཆོས་ཀྱི་འཁོར་ལོ་བསྐོར་བའི་བར་དུ་མཆིས་པར་འགྱུར་ལགས་
D11.032.0304b04.01སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེ་དེ་བཞིན་ཏེ། ལེགས་པར་སྨྲས་སོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཡུན་རིང་པོ་ཇི་སྲིད་དུ་འཇིག་རྟེན་ན་སྤྱོད་པར་འགྱུར་བ་ཡུན་རིང་པོ་དེ་སྲིད་དུ་འཇིག་རྟེན་ན་སངས་རྒྱས་དཀོན་མཆོག་ནུབ་པར་མི་འགྱུར་རོ། །
D11.032.0304b05.01དེ་བཞིན་དུ་སྦྱར་ཏེ། འཇིག་རྟེན་ན་ཆོས་ཀྱི་འཁོར་ལོ་བསྐོར་བའི་བར་དུ་ཡོད་པར་འགྱུར་རོ། །དེ་ཅིའི་ཕྱིར་ཞེ་ན། ཀུན་དགའ་བོ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཐ་ན་ཐོས་པ་ཙམ་ཡང་དོན་ཆེན་པོ་ཡིན་ན། གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་པ་དང་། འཆང་བ་
D11.032.0304b06.01དང་། ཀློག་པ་དང་། ཀུན་ཆུབ་པར་བྱེད་པ་དང་། ཚུལ་བཞིན་དུ་ཡིད་ལ་བྱེད་པ་དང་། འདི་ལྟ་སྟེ། མེ་ཏོག་དང་། འབྲས་བུ་དང་། སྤོས་དང་། བྱུག་པ་དང་། ཕྱེ་མ་དང་། བདུག་པ་དང་། མར་མེ་དང་། གདུགས་དང་། རྒྱལ་མཚན་དང་། བ་དན་དག་དང་།
D11.032.0304b07.01