完整藏文原文 · 德格版页 当前仅加载第 32 函德格 259b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་པ་ལ་མངོན་པར་ཞེན་ཏོ། །དེ་དག་གཟུགས་ལ་མངོན་པར་ཞེན་ཅིང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་མངོན་པར་ཞེན་པས་བདག་ཏུ་འཛིན་པ་དང་། བདག་གིར་འཛིན་པ་ལ་སྤྱོད་ཅིང་། དེ་ལ་ཡང་མངོན་པར་ཞེན་ཏོ། །མངོན་པར་ཞེན་
D11.032.0259b01.01ནས་ཀྱང་ཡང་གཟུགས་སྐྱེད་པར་བྱེད་ཅིང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྐྱེད་པར་བྱེད་དེ། དེ་དག་ནི་སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་།
D11.032.0259b02.01སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་ལས་ཡོངས་སུ་མི་འགྲོལ། འགྲོ་བ་ལྔའི་འཁོར་བའི་འཁོར་ལོ་ལས་ཡོངས་སུ་མི་འཐར་རོ། །དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། གཟུགས་སྟོང་ངམ་འོན་ཏེ་
D11.032.0259b03.01མི་སྟོང་ཞེས་བྱ་བར་ཁས་མི་ལེན་ཅིང་། ཉེ་བར་མི་ལེན་ལ་རྣམ་པར་འཁྲུག་པར་ཡང་མི་བྱེད་དོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྟོང་ངམ། འོན་ཏེ་མི་སྟོང་ཞེས་བྱ་བར་ཁས་མི་ལེན་ཅིང་། ཉེ་བར་མི་ལེན་ལ་རྣམ་པར་འཁྲུག་
D11.032.0259b04.01པར་ཡང་མི་བྱེད་དོ། །དེ་བཞིན་དུ་སྦྱར་ཏེ། བྱང་ཆུབ་ཀྱི་བར་དུ་སྟོང་ངམ། འོན་ཏེ་མི་སྟོང་ཞེས་བྱ་བར་ཁས་མི་ལེན་ཅིང་ཉེ་བར་མི་ལེན་ལ། རྣམ་པར་འཁྲུག་པར་ཡང་མི་བྱེད་དོ། །དེ་ཅིའི་ཕྱིར་ཞེ་ན། སྟོང་པ་ཉིད་ནི་འདི་ལྟ་སྟེ། འདི་ནི་གཟུགས་སོ། །འདི་ནི་རྣམ་པར་ཤེས་
D11.032.0259b05.01པའི་བར་རོ། །འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་ཡིན་ནོ་ཞེས་གཟུགས་རྣམ་པར་འཁྲུག་པར་ཡང་མི་བྱེད་དོ། །ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་རྣམ་པར་འཁྲུག་པར་མི་བྱེད་པའི་ཕྱིར་རོ། །རབ་འབྱོར་དཔེར་ན་
D11.032.0259b06.01ནམ་མཁས་ནི་ནམ་མཁའ་རྣམ་པར་འཁྲུགས་པར་མི་བྱེད་དེ། ནང་གི་ནམ་མཁའི་ཁམས་ཀྱིས་ཀྱང་ཕྱི་རོལ་གྱི་ནམ་མཁའི་ཁམས་རྣམ་པར་འཁྲུགས་པར་མི་བྱེད་ལ། ཕྱི་རོལ་གྱི་ནམ་མཁའི་ཁམས་ཀྱིས་ཀྱང་ནང་གི་ནམ་མཁའི་ཁམས་རྣམ་པར་འཁྲུགས་པར་མི་བྱེད་དོ། །རབ་
D11.032.0259b07.01