完整藏文原文 · 德格版页 当前仅加载第 32 函德格 167b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ཅག་ནི་འདི་ལྟར་ཚུལ་ཁྲིམས་དང་ལྡན་པའོ། །ཚུལ་ཁྲིམས་ནི་འདི་ལྟར་བསྲུང་བར་བྱའོ། །དེ་བཞིན་དུ་འདི་ནི་བཟོད་པའོ། །བདག་ཅག་ནི་འདི་ལྟར་བཟོད་པ་དང་ལྡན་པའོ། །འདི་ལྟར་བཟོད་པ་འདི་བསྐྱེད་པར་བྱའོ། །དེ་བཞིན་དུ་འདི་ནི་བརྩོན་འགྲུས་
D11.032.0167b01.01སོ། །བདག་ཅག་ནི་འདི་ལྟར་བརྩོན་འགྲུས་དང་ལྡན་པའོ། །འདི་ལྟར་བརྩོན་འགྲུས་འདི་བརྩམ་པར་བྱའོ། །དེ་བཞིན་དུ་འདི་དག་ནི་བསམ་གཏན་ནོ། །བདག་ཅག་ནི་འདི་ལྟར་བསམ་གཏན་པའོ། །འདི་ལྟར་བསམ་གཏན་འདི་དག་ལ་སྙོམས་པར་འཇུག་པར་
D11.032.0167b02.01བྱའོ་སྙམ་དུ་དེ་ལྟ་བུའི་འདུ་ཤེས་ཅན་དག་ཏུ་གྱུར་ཏོ། །དེ་དག་གིས་ནི་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་མ་ཟིན་པ་དང་། ཐབས་ལ་མཁས་པས་ཡོངས་སུ་མ་ཟིན་པར་སྦྱིན་པ་དག་བྱིན། ཚུལ་ཁྲིམས་དག་བསྲུངས། བཟོད་པ་དག་བསྐྱེད། བརྩོན་འགྲུས་
D11.032.0167b03.01དག་བརྩམས། བསམ་གཏན་དག་ལ་སྙོམས་པར་ཞུགས་ཏེ། དེ་དག་གིས་ནི་འདུ་ཤེས་ཐ་དད་པ་ཉིད་མེད་པ་གང་གིས་བྱང་ཆུབ་སེམས་དཔའི་སྐྱོན་མེད་པ་ལ་འཇུག་པར་འགྱུར་བའི་འདུ་ཤེས་ཐ་དད་པ་ཉིད་མེད་པ་མ་ཐོབ་པས། དེ་དག་ནི་བྱང་ཆུབ་སེམས་དཔའི་
D11.032.0167b04.01སྐྱོན་མེད་པ་ལ་མ་ཞུགས་ཀྱི། རྒྱུན་དུ་ཞུགས་པའི་འབྲས་བུ་རྗེས་སུ་ཐོབ་ནས། དེ་བཞིན་དུ་དགྲ་བཅོམ་པ་ཉིད་ཀྱི་བར་དུ་ཐོབ་པར་གྱུར་ཏོ། །ཤ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་བྱང་ཆུབ་ཀྱི་ལམ་རྣམ་པར་ཐར་པའི་སྒོ་སྟོང་པ་ཉིད་དེ་
D11.032.0167b05.01ཡང་ཡོད། མཚན་མ་མེད་པ་ཡང་ཡོད། རྣམ་པར་ཐར་པའི་སྒོ་སྨོན་པ་མེད་པ་ཡང་ཡོད་མོད་ཀྱི། འོན་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་མ་ཟིན་པ་དང་། ཐབས་ལ་མཁས་པ་དང་བྲལ་བའི་ཕྱིར། ཡང་དག་པའི་མཐའ་མངོན་སུམ་དུ་བྱས་ནས། ཉན་ཐོས་
D11.032.0167b06.01སམ། རང་སངས་རྒྱས་སུ་འགྱུར་རོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང་ལྡན་པ་ཤ་ར་དྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཅིའི་སླད་དུ་ཉན་ཐོས་སམ། རང་སངས་རྒྱས་ཀྱི་ཐེག་པ་པའི་གང་ཟག་དག་སྟོང་པ་ཉིད་དང་།
D11.032.0167b07.01