完整藏文原文 · 德格版页 当前仅加载第 32 函德格 247b 版页；藏文 NFD、目录标记与异常页序保留在来源切片中，重复版页行以稳定序号区分。
ཉེ་བར་གཞག་པ་རྣམས་སམ། འཕགས་པའི་ལམ་ཡན་ལག་བརྒྱད་པའི་བར་རམ། རྣམ་པར་ཐར་པའི་སྒོ་གསུམ་འམ་དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་མངོན་པར་ཞེན་པར་མི་བྱེད་དེ་དེ་དག་ལ་མངོན་པར་ཞེན་པར་མི་བྱེད་པས་ཆོས་གང་
D11.032.0247b01.01ལ་ཡང་ཆགས་པ་མེད་དོ། །དཔེར་ན་དེ་བཞིན་གཤེགས་པའི་སྤྲུལ་པ་ནི་སྦྱིན་པ་ཡང་སྦྱིན་པར་བྱེད་ལ། སྦྱིན་པའི་འབྲས་བུ་ཡང་ཉམས་སུ་མྱོང་བར་བྱེད་སྦྱིན་པའི་འབྲས་བུ་ལ་ཡང་མི་གནས་ཏེ། སེམས་ཅན་རྣམས་ཡོངས་སུ་མྱ་ངན་ལས་བཟླ་བ་ཁོ་ནའི་དོན་དུ་ཕ་རོལ་
D11.032.0247b02.01ཏུ་ཕྱིན་པ་དྲུག་གི་བར་ལ་སྤྱོད་ཅིང་། དེ་བཞིན་དུ་ཟག་པ་དང་བཅས་པ་དང་ཟག་པ་མེད་པ་དང་འཇིག་རྟེན་པ་དང་འཇིག་རྟེན་ལས་འདས་པ་དང་། འདུས་བྱས་དང་འདུས་མ་བྱས་ཀྱི་ཆོས་རྣམས་ཀྱི་བར་ལ་སྤྱོད་མོད་ཀྱི། ཆོས་གང་ལ་ཡང་མི་གནས་སོ། །རབ་འབྱོར་དེ་བཞིན་
D11.032.0247b03.01དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། ཆོས་ཐམས་ཅད་ལ་སྤྱོད་མོད་ཀྱི་ཆོས་གང་ལ་ཡང་མི་གནས་ཤིང་ཆགས་པ་མེད་དོ། །དེ་ཅིའི་ཕྱིར་ཞེ་ན། འདི་ལྟར་དེས་ཆོས་ཐམས་ཅད་ཀྱི་ཆོས་ཀྱི་མཚན་ཉིད་ལེགས་པར་རྟོགས་པའི་ཕྱིར་རོ།། །།
D11.032.0247b04.01ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་སུམ་ཅུ་པ། དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་གལ་ཏེ་ཆོས་ཐམས་ཅད་མཚན་མ་མ་མཆིས་པའི་མཆོག་ལགས་ཏེ། མཚན་མ་ནི་བཏགས་
D11.032.0247b05.01པ་ཙམ་ཀུན་ཏུ་རྟོག་པ་ལས་བྱུང་བ་ལགས་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། ཇི་ལྟར་བདག་ཀྱང་དགེ་བའི་ཆོས་རྣམས་ལས་ཁྱད་པར་དུ་འཐོབ་པར་འགྱུར་ལ། གཞན་དག་ཀྱང་དགེ་བའི་ཆོས་ཁྱད་པར་དུ་འཐོབ་
D11.032.0247b06.01པ་ལ་སྦྱོར་བར་བགྱིད་ཅིང་། དགེ་བའི་ཆོས་རྣམས་ཀྱིས་ས་ནས་ས་ཡོངས་སུ་རྫོགས་པར་བགྱིད་ལ། སེམས་ཅན་རྣམས་ཀྱང་ཐེག་པ་གསུམ་པོ་དག་ལ་སྦྱོར་བར་བགྱིད་ཅིང་། རབ་ཏུ་འགོད་པར་བགྱིད་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་
D11.032.0247b07.01