完整藏文原文 · 德格版页 当前仅加载第 32 函德格 275b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་ཆེན་པོ་དེས་དོན་གྱི་དབང་འདི་མཐོང་བས་དམ་པའི་ཆོས་ཀྱི་ཆེད་དུ་རང་གི་སྲོག་ཀྱང་ཡོངས་སུ་གཏོང་བར་བྱེད་དོ། །རབ་འབྱོར་རྣམ་པ་དང་། རྟགས་དང་། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་
D11.032.0275b01.01པ་ཡིན་པར་རིག་པར་བྱའོ། །རབ་འབྱོར་གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཆོས་བསྟན་པའི་ཆོས་དེ་ལ་སོམ་ཉི་མེད་ཅིང་ཐེ་ཚོམ་མི་ཟ་སྟེ། ཆོས་
D11.032.0275b02.01དེ་ལ་ཡིད་གཉིས་གཅིག་ཙམ་ཡང་མི་སྐྱེད་དོ། །ཆོས་དེ་ཐོས་ཀྱང་འཛིན་ཏོ། །བཟུང་ནས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཀྱི་བར་དུ་ཆུད་ཟ་བར་མི་བྱེད་དོ། །དེ་ཅིའི་ཕྱིར་ཞེ་ན། འདི་ལྟར་གཟུངས་རབ་
D11.032.0275b03.01ཏུ་ཐོབ་པའི་ཕྱིར་རོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་གཟུངས་གང་ཐོབ་པས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱིར་མི་ལྡོག་པ་དེ་བཞིན་གཤེགས་པས་གསུངས་པའི་
D11.032.0275b04.01མདོ་སྡེ་རྣམས་ཆབ་མི་འཚལ་བར་བགྱིད་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་མི་ཟད་པའི་ཟ་མ་ཏོག་གི་གཟུངས་ཤིན་ཏུ་ཐོབ་པ་དང་། དེ་བཞིན་དུ་རྒྱ་མཚོའི་ཕྱག་རྒྱ་དང་། པད་མ་བཀོད་པའི་གཟུངས་ཤིན་ཏུ་ཐོབ་པས་ཕྱིར་མི་ལྡོག་པའི་བྱང་ཆུབ་
D11.032.0275b05.01སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པས་གསུངས་པའི་མདོ་སྡེ་རྣམས་ཐོས་ནས་ཆུད་ཟ་བར་མི་བྱེད་དོ། །གསོལ་པ། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པས་གསུངས་པའི་མདོ་སྡེ་
D11.032.0275b06.01ཁོ་ན་ཐོས་ནས་སོམ་ཉི་མ་མཆིས་ཤིང་ཐེ་ཚོམ་མི་འཚལ་ལ། གོང་དུ་ཡང་འཛིན་པར་བགྱིད་ཅིང་ཚུལ་བཞིན་ཡིད་ལ་བགྱིད་པའི་བར་དུ་བགྱིད་ལ། ཆབ་མི་འཚལ་བར་བགྱིད་དུ་བས་ཀྱི། ཉན་ཐོས་ཀྱིས་བཤད་པ་རྣམས་ལ་མ་ལགས་སམ། ལྷས་བཤད་
D11.032.0275b07.01