完整藏文原文 · 德格版页 当前仅加载第 32 函德格 2a 版页；藏文 NFD、目录标记与异常页序保留在来源切片中，重复版页行以稳定序号区分。
འདུས་མ་བྱས་རྣམས་དང་། ཟག་པ་དང་བཅས་པ་རྣམས་དང་། ཟག་པ་མེད་པའི་ཆོས་རྣམས་ལ་མི་ཤེས་པ་མི་འཇུག་ལ། འཇིག་རྟེན་པའི་ཆོས་རྣམས་ལ་མི་ཤེས་པ་ཡང་མི་འཇུག །འཇིག་རྟེན་ལས་འདས་པའི་ཆོས་རྣམས་དང་།
D11.032.0002a01.01འདུས་བྱས་རྣམས་དང་། འདུས་མ་བྱས་རྣམས་དང་། ཟག་པ་དང་བཅས་པ་རྣམས་དང་། ཟག་པ་མེད་པའི་ཆོས་རྣམས་ལ་མི་ཤེས་པ་ཡང་མི་འཇུག་ཅིང་དེ་ཡང་མི་དམིགས་པའི་ཚུལ་གྱིས་མི་འཇུག་པ་སྟེ། ཤ་ར་དྭ་ཏིའི་བུ་དེ་ནི་བྱང་ཆུབ་སེམས་
D11.032.0002a02.01དཔའ་སེམས་དཔའ་ཆེན་པོ་གང་ལ་གནས་ན། བྱང་ཆུབ་སེམས་དཔའི་སྐྱོན་མེད་པ་ལ་འཇུག་པའི་ཐེག་པ་ཡིན་ཏེ། ཉི་ཚེ་བའི་ཐེག་པ་འདི་ལྟ་སྟེ། ཉན་ཐོས་ཀྱི་ཐེག་པའམ། རང་སངས་རྒྱས་ཀྱི་ཐེག་པས་ངེས་པར་འབྱུང་བ་མ་ཡིན་པ་ཡིན་ནོ། །དེ་ཅིའི་ཕྱིར་ཞེ་ན། ཐེག་
D11.032.0002a03.01པ་ཆེན་པོ་ཡང་གཞན་ལ། གོ་ཆ་ཆེན་པོ་ཡང་གཞན་མ་ཡིན་ཏེ། གོ་ཆ་ཆེན་པོ་ཉིད་ཐེག་པ་ཆེན་པོ་ཡིན་ལ། ཐེག་པ་ཆེན་པོ་ཉིད་ཀྱང་གོ་ཆ་ཆེན་པོ་ཡིན་པའི་ཕྱིར་ཏེ། ཐེག་པ་ཆེན་པོ་གང་ཡིན་པ་དང་། གོ་ཆ་ཆེན་པོ་གང་ཡིན་པ་དེ་ནི་བྱང་ཆུབ་སེམས་དཔའི་
D11.032.0002a04.01སྐྱོན་མེད་པ་ཡིན་ནོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤ་ར་དྭ་ཏིའི་བུས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཇི་ཙམ་གྱིས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ཆེན་པོ་ལ་ཡང་དག་པར་གནས་པ་ཞེས་བརྗོད་པར་བགྱི་
D11.032.0002a05.01ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཤ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། །ཤ་ར་དྭ་ཏིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པ་ན། ཤེས་རབ་ཀྱི་
D11.032.0002a06.01