完整藏文原文 · 德格版页 当前仅加载第 32 函德格 262b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་ཆེན་པོ་ནི་རྟག་ཏུ་བྱམས་པའི་ལུས་ཀྱི་ལས་དང་ལྡན་པ་ཡིན། དེ་བཞིན་དུ་བྱམས་པའི་ངག་གི་ལས་དང་། བྱམས་པའི་ཡིད་ཀྱི་ལས་དང་ལྡན་པ་ཡིན་ཏེ། རབ་འབྱོར་རྣམ་པ་དང་རྟགས་དང་། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་
D11.032.0262b01.01ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར་གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་སྒྲིབ་པ་ལྔ་དང་ལྷན་ཅིག་མི་གནས་སོ། །ལྔ་པོ་དག་གང་ཞེ་ན། འདི་ལྟ་སྟེ། འདོད་པ་ལ་འདུན་པ་དང་། གནོད་སེམས་དང་། རྨུགས་པ་དང་།
D11.032.0262b02.01གཉིད་དང་། རྒོད་པ་དང་། འགྱོད་པ་དང་། ཐེ་ཚོམ་དང་། ལྷན་ཅིག་མི་གནས་ཏེ། རབ་འབྱོར་རྣམ་པ་དང་རྟགས་དང་མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར་གཞན་ཡང་ཕྱིར་མི་ལྡོག་པའི་
D11.032.0262b03.01བྱང་ཆུབ་སེམས་དཔའ་སེམས་དཔའ་ཆེན་པོ་ལ་ནི་བག་ལ་ཉལ་ཐམས་ཅད་ཀྱི་ཐམས་ཅད་དུ་མེད་དེ། རབ་འབྱོར་རྣམ་པ་དང་། རྟགས་དང་མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར་གཞན་
D11.032.0262b04.01ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་འགྲོའམ་ལྡོག་ཀྱང་རུང་འཁྲུལ་པའི་སེམས་ཀྱིས་འགྲོ་བའམ། ལྡོག་པར་མི་བྱེད་ཀྱི་དེ་འགྲོའམ། ལྡོག་ན་ཡང་དྲན་པ་ཉེ་བར་གཞག་བཞིན་དུ་འགྲོའམ། ལྡོག་པར་བྱེད་དེ། དྲན་བཞིན་ཁོ་ནར་
D11.032.0262b05.01འགྲོའམ་ལྡོག་པར་བྱེད་དོ། །དྲན་པ་བཞིན་ཁོ་ནར་འཆག་པའམ། འགྲེང་བའམ། འདུག་པའམ། ཉལ་བར་བྱེད་དོ། །གྱ་ཚོམ་དུ་རྐང་པ་ས་ལ་མི་འཇོག །གྱ་ཚོམ་དུ་རྐང་པ་ས་ལ་མི་འདེག་གི་དྲན་བཞིན་ཁོ་ནར་རྐང་པ་ས་ལ་འཇོག་ཅིང་དྲན་བཞིན་ཁོ་ནར་རྐང་
D11.032.0262b06.01པ་ས་ལ་འདེག་ལ་མཐོང་བཞིན་དུ་སའི་ཕྱོགས་སུ་འགྲོ་སྟེ། རབ་འབྱོར་རྣམ་པ་དང་། རྟགས་དང་མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར་གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་
D11.032.0262b07.01