完整藏文原文 · 德格版页 当前仅加载第 32 函德格 283b 版页；藏文 NFD、目录标记与异常页序保留在来源切片中，重复版页行以稳定序号区分。
རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཅི་ནས་ཀྱང་སངས་རྒྱས་ཀྱི་ཞིང་ཡོངས་སུ་དག་པ་དེར་སེམས་ཅན་དེ་དག་དེར་སྐྱེས་ནས་འདི་ལྟ་སྟེ། འཇིག་རྟེན་པ་རྣམས་སམ། འཇིག་རྟེན་ལས་འདས་པ་རྣམས་སམ། ཟག་པ་དང་བཅས་པ་རྣམས་སམ།
D11.032.0283b01.01ཟག་པ་མེད་པ་རྣམས་སམ། འདུས་བྱས་རྣམས་སམ། འདུས་མ་བྱས་རྣམས་སམ། ཆོས་གང་ལ་ཡང་ཡིད་གཉིས་ཟ་བར་མི་འགྱུར་བ་ནས། སེམས་ཅན་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་འགྱུར་བའི་བར་དུ་དེ་ལྟར་
D11.032.0283b02.01སངས་རྒྱས་ཀྱི་ཞིང་ཡོངས་སུ་དག་པར་བྱེད་དོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་ཅི་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་དག་པ་ཉིད་ཀྱི་ཚོགས་ལ་ངེས་པ་ལགས་སམ།
D11.032.0283b03.01འོན་ཏེ་ཉན་ཐོས་ཀྱི་ཚོགས་ལ་ངེས་པ་ལགས་སམ། འོན་ཏེ་རང་སངས་རྒྱས་ཀྱི་ཚོགས་ལ་ངེས་པ་ལགས་སམ། བཙུན་པ་བཅོམ་ལྡན་འདས་ཚོགས་གང་ལ་ངེས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་བྱང་ཆུབ་སེམས་དཔའ་སེམས་
D11.032.0283b04.01དཔའ་ཆེན་པོ་ནི་ཉན་ཐོས་ཀྱི་ཚོགས་ལ་ངེས་པ་མ་ཡིན། རང་སངས་རྒྱས་ཀྱི་ཚོགས་ལ་ངེས་པ་མ་ཡིན་གྱི། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཡང་དག་པར་རྫོགས་པའི་སངས་རྒྱས་ཀྱི་ཚོགས་ལ་ངེས་པ་ཡིན་ནོ། །གསོལ་པ། བཙུན་
D11.032.0283b05.01པ་བཅོམ་ལྡན་འདས་ཅི་དང་པོ་སེམས་བསྐྱེད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ངེས་པ་ཞེས་བགྱིའམ། འོན་ཏེ་སྲིད་པ་ཐ་མ་པ་ངེས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དང་པོ་སེམས་བསྐྱེད་པའི་བྱང་ཆུབ་སེམས་
D11.032.0283b06.01དཔའ་སེམས་དཔའ་ཆེན་པོ་ཡང་ངེས་པ་ཡིན་ནོ། །ཕྱིར་མི་ལྡོག་པ་དང་སྲིད་པ་ཐ་མ་པ་ཡང་ངེས་པ་ཡིན་ནོ། །གསོལ་པ། བཙུན་པ་བཅོམ་ལྡན་འདས་ཅི་ཡང་དག་པ་ཉིད་དུ་ངེས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་དམྱལ་བ་རྣམས་སུ་སྐྱེ་
D11.032.0283b07.01