完整藏文原文 · 德格版页 当前仅加载第 32 函德格 5b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་སྐད་ཅེས་བཀའ་སྩལ་ཏོ། །ཤ་ར་དྭ་ཏིའི་བུ་སྦྱིན་པའི་ཕ་རོལ་ཏུ་ཕྱིན་པ་ནི་འཇིག་རྟེན་པ་ཡང་ཡོད། འཇིག་རྟེན་ལས་འདས་པ་ཡང་ཡོད། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་
D11.032.0005b01.01རོལ་ཏུ་ཕྱིན་པ་དང་། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་འཇིག་རྟེན་པ་ཡང་ཡོད། འཇིག་རྟེན་ལས་འདས་པ་ཡང་ཡོད་དོ། །ཤ་ར་དྭ་ཏིའི་བུས་གསོལ་པ། སྦྱིན་པའི་ཕ་རོལ་ཏུ་ཕྱིན་པ་འཇིག་རྟེན་པ་ནི་གང་ལགས། སྦྱིན་པའི་ཕ་རོལ་ཏུ་ཕྱིན་པ་འཇིག་རྟེན་ལས་འདས་པ་
D11.032.0005b02.01ནི་གང་ལགས། བཀའ་སྩལ་པ། ཤ་ར་དྭ་ཏིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་ཕོད་པ་སྦྱིན་བདག་ཏུ་གྱུར་པ་དེ་དགེ་སྦྱོང་དང་། བྲམ་ཟེ་དང་། བཀྲེན་པ་དང་། འདྲོན་པ་དང་། སྡུག་འཕོངས་པ་དང་། སློང་བ་རྣམས་ལ་ཟས་འདོད་པ་དག་ལ་ཟས་སྦྱིན་པར་
D11.032.0005b03.01བྱེད། སྐོམ་འདོད་པ་དག་ལ་སྐོམ་སྦྱིན་པར་བྱེད་པ་ནས། དེ་བཞིན་དུ་སྦྱར་ཏེ། གོས་དང་། སྤོས་དང་། ཕྲེང་བ་དང་། བྱུག་པ་དང་། མལ་ཆ་དང་། སྟན་དང་། ཁྱིམ་འདོད་པའི་བར་དག་ལ་སྦྱིན་པར་བྱེད་པ་དང་། གནས་འདོད་པ་དག་ལ་གནས་སྦྱིན་པར་བྱེད་ཅིང་། སྨན་འདོད་
D11.032.0005b04.01པ་རྣམས་ལ་སྨན། ཡོ་བྱད་འདོད་པ་རྣམས་ལ་ཡོ་བྱད་སྦྱིན་པར་བྱེད་པ་དང་། དེ་བཞིན་དུ་སློང་བ་རྣམས་ལ་མིའི་ཡོ་བྱད་གང་ཡང་རུང་བ་དག་སྦྱིན་པར་བྱེད་པ་དང་། དེ་བཞིན་དུ་བུ་ཕོ་སྦྱིན་པར་བྱེད་པ་དང་། བུ་མོ་སྦྱིན་པར་བྱེད་པ་དང་། ཆུང་མ་དང་། སླས་ཀྱི་འཁོར་དག་སྦྱིན་པར་བྱེད་པ་
D11.032.0005b05.01དང་། དེ་བཞིན་དུ་མགོ་དང་། མིག་དག་དང་། རྣ་བ་དང་། སྣ་དང་། རྐང་པ་དང་། ལག་པ་དང་། ཡན་ལག་དང་། ཉིང་ལག་དག་སྦྱིན་པར་བྱེད་ཅིང་། དེ་དག་ཀྱང་དངོས་པོའི་བདག་ཉིད་དུ་གནས་ནས་ཡོངས་སུ་གཏོང་བར་བྱེད་ལ། དེ་འདི་སྙམ་དུ་ཡང་སེམས་ཏེ། བདག་ནི་
D11.032.0005b06.01སྦྱིན་པར་བྱེད་པའོ། །འདི་དག་ནི་ལེན་པར་བྱེད་པ་དག་གོ། །ཀྱེ་བདག་ནི་སེར་སྣ་མེད་པའོ། །བདག་ནི་སྦྱིན་བདག་ཡིན་ནོ། །བདག་ནི་སློངས་མོ་སྟེར་བའོ། །ཀྱེ་བདག་ནི་ཐམས་ཅད་ཡོངས་སུ་གཏོང་བའོ། །བདག་ནི་སངས་རྒྱས་བཅོམ་ལྡན་འདས་རྣམས་ལ་བཀུར་སྟི་བྱེད་པའོ། །
D11.032.0005b07.01