完整藏文原文 · 德格版页 当前仅加载第 32 函德格 274b 版页；藏文 NFD、目录标记与异常页序保留在来源切片中，重复版页行以稳定序号区分。
ཞིག་བྱ་ཞེས་ཟེར་ཞིང་། རྣམ་གྲངས་དུ་མས་ཉན་ཐོས་ཀྱི་སའམ། རང་སངས་རྒྱས་ཀྱིས་ཡང་དག་པར་འཛིན་དུ་འཇུག་ཀྱང་། བྱང་ཆུབ་སེམས་དཔའ་སེམས་དཔའ་ཆེན་པོ་དེ་འདི་སྙམ་དུ་འདི་ནི་དེ་བཞིན་གཤེགས་པའམ། དེ་བཞིན་གཤེགས་པའི་ཉན་ཐོས་མ་ཡིན་གྱི། ཀྱེ་མ་
D11.032.0274b01.01འདི་ནི་བདུད་དམ་བདུད་སྡིག་ཅན་གྱིས་སྤྲུལ་པའི་མི་ཞིག་བདག་གི་གན་དུ་འོངས་ནས་ཉན་ཐོས་ཀྱི་སའམ། རང་སངས་རྒྱས་ཀྱིས་འཛིན་དུ་འཇུག་པ་ཡིན་གྱི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི། བྱང་ཆུབ་སེམས་དཔའ་སེམས་དཔའ་
D11.032.0274b02.01ཆེན་པོ་ཉན་ཐོས་ཀྱི་སའམ། རང་སངས་རྒྱས་ཀྱི་ས་ཡང་དག་པར་འཛིན་དུ་འཇུག་པར་མི་མཛད་དོ་སྙམ་དུ་སེམས་ན། རབ་འབྱོར་རྣམ་པ་དང་རྟགས་དང་། མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པ་ཡིན་པར་རིག་པར་བྱའོ། །རབ་
D11.032.0274b03.01འབྱོར་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་དག་ཤིན་ཏུ་རྒྱས་པའི་མདོ་སྡེ་དག་ཀློག་ཅིང་ཁ་ཏོན་དུ་བྱེད་པའི་དྲུང་དུ་བདུད་དམ་བདུད་སྡིག་ཅན་གྱིས་བྱིན་གྱིས་བརླབས་པའི་མི་ཞིག་འོངས་ནས་འདི་སྐད་ཅེས། ཀྱེ་རིགས་ཀྱི་བུ་གང་ལ་ཁྱོད་སྤྱོད་པའི་མདོ་སྡེ་དེ་དག་ནི་དེ་བཞིན་
D11.032.0274b04.01གཤེགས་པས་བཤད་པའི་ཤིན་ཏུ་རྒྱས་པའི་མདོ་སྡེ་མ་ཡིན། ཉན་ཐོས་ཀྱིས་བཤད་པ་མ་ཡིན་གྱི་བདུད་ཀྱིས་བཤད་པ་དང་གཞན་མུ་སྟེགས་ཅན་གྱིས་བཤད་པ་ཡིན་ཏེ། དེ་དག་ནི་ཤིན་ཏུ་རྒྱས་པའི་མདོ་སྡེ་མ་ཡིན་ནོ་ཞེས་ཟེར་ན། དེ་ལ་བྱང་ཆུབ་སེམས་དཔའ་སེམས་དཔའ་
D11.032.0274b05.01ཆེན་པོ་དེས་ཀྱེ་མ་གང་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་འབྲལ་བར་བྱེད་ཅིང་བྱང་ཆུབ་ཀྱི་ལམ་ལས་འདུན་པ་ཟློག་པར་བྱེད་པ་འདི་ནི་བདུད་དམ་བདུད་སྡིག་ཅན་གྱིས་བྱིན་གྱིས་བརླབས་པའི་མི་ཞིག་ཡིན་ནོ་སྙམ་དུ་རིག་པར་བྱེད་ན། རབ་འབྱོར་བྱང་ཆུབ་སེམས་དཔའ་
D11.032.0274b06.01སེམས་དཔའ་ཆེན་པོ་དེ་ནི་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པར་རིག་པར་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་ཕྱིར་མི་ལྡོག་པའི་ས་ལ་གནས་
D11.032.0274b07.01