完整藏文原文 · 德格版页 当前仅加载第 32 函德格 30a 版页；藏文 NFD、目录标记与异常页序保留在来源切片中，重复版页行以稳定序号区分。
བཅུ་གཅིག་པའོ།། །།དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཐབས་ལ་
D11.032.0030a01.01མི་མཁས་པས་གཟུགས་ལ་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །ཡང་གལ་ཏེ་གཟུགས་ལ་རྟག་ཅེས་བགྱི་བའམ། མི་རྟག་ཅེས་
D11.032.0030a02.01བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །དེ་བཞིན་དུ་གལ་ཏེ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་རྟག་ཅེས་བགྱི་བའམ། མི་རྟག་ཅེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །དེ་བཞིན་དུ་གལ་ཏེ་
D11.032.0030a03.01གཟུགས་ལ་བདེ་ཞེས་བགྱི་བའམ། སྡུག་བསྔལ་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །དེ་བཞིན་དུ་གལ་ཏེ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་བདེ་ཞེས་བགྱི་བའམ། སྡུག་བསྔལ་ཞེས་བགྱི་བར་སྤྱོད་ན། དེ་ནི་
D11.032.0030a04.01མཚན་མ་ལ་སྤྱོད་པ་ལགས་སོ། །གལ་ཏེ་གཟུགས་ལ་བདག་མཆིས་ཞེས་བགྱི་བའམ། བདག་མ་མཆིས་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །དེ་བཞིན་དུ་གལ་ཏེ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་བདག་
D11.032.0030a05.01མཆིས་ཞེས་བགྱི་བའམ། བདག་མ་མཆིས་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །གལ་ཏེ་གཟུགས་ལ་སྟོང་ཞེས་བགྱི་བའམ། མི་སྟོང་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །དེ་བཞིན་དུ་གལ་ཏེ་ཚོར་བ་དང་། འདུ་ཤེས་དང་།
D11.032.0030a06.01འདུ་བྱེད་རྣམས་དང་། རྣམ་པར་ཤེས་པ་ལ་སྟོང་ཞེས་བགྱི་བའམ། མི་སྟོང་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། །གལ་ཏེ་གཟུགས་ལ་མཚན་མ་མཆིས་ཞེས་བགྱི་བའམ། མཚན་མ་མ་མཆིས་ཞེས་བགྱི་བར་སྤྱོད་ན་དེ་ནི་མཚན་མ་ལ་སྤྱོད་པ་ལགས་སོ། །དེ་བཞིན་
D11.032.0030a07.01