完整藏文原文 · 德格版页 当前仅加载第 32 函德格 241b 版页；藏文 NFD、目录标记与异常页序保留在来源切片中，重复版页行以稳定序号区分。
གཡས་སུ་འཁྱིལ་པ་དག་ཡིན་ནོ། །ཕྱག་དང་ཞབས་ཡོངས་སུ་རྒྱས་པ་དག་ཡིན་ནོ། །སངས་རྒྱས་བཅོམ་ལྡན་འདས་རྣམས་ནི་ཕྱག་དང་ཞབས་ཇི་ལྟར་དགོངས་པ་བཞིན་དང་ལྡན་པ་དག་ཡིན་ནོ། །ཕྱག་གི་མཐིལ་མཉམ་པ་དག་ཡིན་ནོ། །ཕྱག་གི་རི་མོ་བར་མ་ཆད་པ་
D11.032.0241b01.01དག་ཡིན་ནོ། །ཕྱག་གི་རི་མོ་མཐོ་བ་དག་ཡིན་ནོ། །སྐུ་ལ་དྲི་མ་མེད་ཅིང་དྲི་མི་ཞིམ་པ་མེད་པ་དག་ཡིན་ནོ། །མདོག་གསལ་བ་དག་ཡིན་ནོ། །སྐྱེ་མཆེད་ཀྱི་སྒོ་བཟང་བ་དག་ཡིན་ནོ། །ཞལ་ཟླ་བ་ཉ་བ་ལྟ་བུ་དག་ཡིན་ནོ། །གསོང་པོར་གསུང་བ་དག་ཡིན་ནོ། །ཞལ་
D11.032.0241b02.01ཁྲོ་གཉེར་གྱི་རིམ་པ་མེད་པ་དག་ཡིན་ནོ། །སྤུའི་ཁུང་བུ་ཐམས་ཅད་ནས་དྲི་ཡིད་དུ་འོང་བ་འབྱུང་བ་དག་ཡིན་ནོ། །དེ་དག་གི་ཞལ་གྱི་དྲི་ཞིམ་པ་དག་ཡིན་ནོ། །སེང་གེའི་སྟབས་སུ་གཤེགས་པ་དག་ཡིན་ནོ། །གླང་པོ་ཆེའི་དབང་པོའི་སྟབས་སུ་གཤེགས་པ་དག་ཡིན་
D11.032.0241b03.01ནོ། །ངང་པའི་སྟབས་སུ་གཤེགས་པ་དག་ཡིན་ནོ། །དབུ་གདུགས་དང་འདྲ་བ་དག་ཡིན་ནོ། །གསུང་སྙན་ཅིང་རྣམ་པ་ཐམས་ཅད་ཡོངས་སུ་རྫོགས་པ་དག་ཡིན་ནོ། །ཚེམས་མཆེ་བ་རྣོ་བ་དང་ལྡན་པ་དག་ཡིན་ནོ། །ཤངས་མཐོ་བ་དག་ཡིན་ནོ། །ལྗགས་དམར་
D11.032.0241b04.01བ་དག་ཡིན་ནོ། །སངས་རྒྱས་བཅོམ་ལྡན་འདས་རྣམས་ནི་ལྗགས་སྲབ་ཅིང་ཆེ་བ་དག་ཡིན་ནོ། །སྤུ་མཐོན་ཏིང་ཅན་དག་ཡིན་ནོ། །སྤུ་གཙང་བ་དག་ཡིན་ནོ། །སྤྱན་ཡངས་པ་དག་ཡིན་ནོ། །བུ་གའི་སྒོ་རྣམས་ཡོངས་སུ་མ་ཉམས་པ་དག་ཡིན་ནོ། །ཕྱག་དང་ཞབས་
D11.032.0241b05.01ཀྱི་མཐིལ་དམར་བ་དག་ཡིན་ནོ། །ལྟེ་བ་མ་བྱེ་བ་དག་ཡིན་ནོ། །དཀུ་མ་རྙོངས་པ་དག་ཡིན་ནོ། །ཕྱལ་ཕྱང་ངེ་བ་དག་ཡིན་ནོ། །སངས་རྒྱས་བཅོམ་ལྡན་འདས་རྣམས་ནི་སྐུ་ལ་གཉེར་མ་མེད་པ་དག་ཡིན་ནོ། །ཚིགས་མཛེས་པ་དག་ཡིན་ནོ། །ཚིགས་རིང་བ་དག་
D11.032.0241b06.01ཡིན་ནོ། །ཕྱག་དང་ཞབས་ཡོངས་སུ་དག་པ་དག་ཡིན་ནོ། །འོད་འདོམ་གང་མཉམ་པ་དག་ཡིན་ནོ། །འོད་ཀྱིས་གསལ་བར་མཛད་ཅིང་གཤེགས་པ་དག་ཡིན་ནོ། །ལྷ་དང་མི་གང་དག་དེ་དག་གི་སྐུ་མཐོང་བ་དེ་དག་ཚིམ་པར་འགྱུར་རོ། །སྲོག་ཆགས་ཐམས་
D11.032.0241b07.01