完整藏文原文 · 德格版页 当前仅加载第 32 函德格 281a 版页；藏文 NFD、目录标记与异常页序保留在来源切片中，重复版页行以稳定序号区分。
འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རིན་པོ་ཆེ་སྣ་བདུན་གྱིས་ཡོངས་སུ་བཀང་ནས། དཀོན་མཆོག་གསུམ་ལ་དབུལ་བར་འབུལ་ཏེ། ཕུལ་ནས་ཀྱང་བདག་གི་
D11.032.0281a01.01དགེ་བའི་རྩ་བ་འདིས་སངས་རྒྱས་ཀྱི་ཞིང་རིན་པོ་ཆེ་སྣ་བདུན་ལས་གྲུབ་པར་གྱུར་ཅིག་ཅེས་དགའ་བའི་ཡིད་ཀྱིས་དེ་ལྟར་ཡོངས་སུ་སྔོ་བར་བྱེད་དོ། །རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པའི་མཆོད་རྟེན་རྣམས་ལ་
D11.032.0281a02.01ལྷ་དང་མིའི་རོལ་མོའི་སྒྲ་དག་གིས་མཆོད་དེ། མཆོད་ནས་ཀྱང་དགེ་བའི་རྩ་བ་དེ་སེམས་ཅན་ཐམས་ཅད་དང་ཐུན་མོང་དུ་བྱས་ནས་བདག་གི་དགེ་བའི་རྩ་བ་འདིས་སངས་རྒྱས་ཀྱི་ཞིང་དེ་ན་ལྷའི་རོལ་མོའི་སྒྲ་རྟག་ཏུ་འབྱུང་བར་གྱུར་ཅིག་ཅེས་དེ་ལྟར་ཡོངས་སུ་སྔོ་བར་
D11.032.0281a03.01བྱེད་དོ། །རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ལྷའི་སྤོས་རྣམས་ཀྱིས་ཡོངས་སུ་བཀང་ནས་དེ་བཞིན་གཤེགས་པ་རྣམས་དང་། དེ་བཞིན་གཤེགས་པའི་མཆོད་རྟེན་རྣམས་
D11.032.0281a04.01ལ་རྟག་ཏུ་དབུལ་བ་ཕུལ་ཏེ། ཕུལ་ནས་ཀྱང་དགེ་བའི་རྩ་བ་དེ་སེམས་ཅན་ཐམས་ཅད་དང་ཐུན་མོང་དུ་བྱས་ནས། བདག་གི་དགེ་བའི་རྩ་བ་འདིས་སངས་རྒྱས་ཀྱི་ཞིང་དེར་ལྷའི་སྤོས་ཀྱི་དྲི་རྟག་ཏུ་འབྱུང་བར་གྱུར་ཅིག་ཅེས་དེ་ལྟར་ཡོངས་སུ་སྔོ་བར་བྱེད་དོ། །རབ་
D11.032.0281a05.01འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་དང་། རང་སངས་རྒྱས་རྣམས་དང་། དེ་བཞིན་གཤེགས་པའི་མཆོད་རྟེན་རྣམས་དང་། དེ་བཞིན་གཤེགས་པའི་ཉན་ཐོས་
D11.032.0281a06.01རྣམས་ལ་ཟས་རོ་བརྒྱ་དང་ལྡན་པ་འབུལ་བར་བྱེད་ཅིང་། ཕུལ་ནས་ཀྱང་བདག་གི་དགེ་བའི་རྩ་བ་འདིས་སངས་རྒྱས་ཀྱི་ཞིང་དེ་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པའི་སངས་རྒྱས་པ་དང་། སེམས་ཅན་ཐམས་ཅད་ལྷའི་ཞལ་ཟས་
D11.032.0281a07.01