完整藏文原文 · 德格版页 当前仅加载第 32 函德格 159b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཐོག་མ་དང་ཐ་མ་མེད་པ་སྟོང་པ་ཉིད་དང་། དོར་བ་མེད་པ་སྟོང་པ་ཉིད་དང་། རང་བཞིན་སྟོང་པ་ཉིད་དང་། ཆོས་ཐམས་ཅད་སྟོང་པ་ཉིད་དང་། རང་གི་མཚན་ཉིད་སྟོང་པ་ཉིད་དང་། མི་དམིགས་པ་སྟོང་པ་ཉིད་དང་། དངོས་པོ་མེད་པ་སྟོང་པ་ཉིད་དང་། ངོ་བོ་
D11.032.0159b01.01ཉིད་སྟོང་པ་ཉིད་དང་། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཟབ་པ་ཉིད་ཀྱི་ཕྱིར་ཆོས་འདི་ཟབ་བོ། །ལྷ་དག་དེ་བཞིན་དུ་དྲན་པ་ཉེ་བར་གཞག་པ་ཟབ་པ་ཉིད་ཀྱི་ཕྱིར་དང་། དེ་བཞིན་དུ་ཡང་དག་པའི་སྤོང་བ་དང་། རྫུ་འཕྲུལ་གྱི་རྐང་པ་དང་། དབང་པོ་དང་། སྟོབས་
D11.032.0159b02.01དང་། བྱང་ཆུབ་ཀྱི་ཡན་ལག་དང་། འཕགས་པའི་ལམ་ཡན་ལག་བརྒྱད་པ་ཟབ་པ་ཉིད་ཀྱི་ཕྱིར་ཆོས་འདི་ཟབ་བོ། །ལྷ་དག་དེ་བཞིན་གཤེགས་པའི་སྟོབས་བཅུ་ཟབ་པ་ཉིད་ཀྱི་ཕྱིར་ཆོས་འདི་ཟབ་བོ། །ལྷ་དག་དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་
D11.032.0159b03.01པ་{བཅྭ་,བཅོ་}བརྒྱད་ཀྱི་བར་དུ་ཟབ་པ་ཉིད་ཀྱི་ཕྱིར་དང་། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་ཟབ་པ་ཉིད་ཀྱི་ཕྱིར་ཆོས་འདི་ཟབ་བོ། །དེ་སྐད་ཅེས་བཀའ་སྩལ་པ་དང་། ལྷ་དེ་དག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་མ་བཅོམ་ལྡན་འདས་
D11.032.0159b04.01ཀྱིས་འཇིག་རྟེན་ཐམས་ཅད་དང་མི་འཐུན་པའི་ཆོས་འདི་བསྟན་ཏོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས་ཆོས་འདི་ནི་གཟུགས་གཟུང་བའམ། མི་གཟུང་བར་བགྱི་བའི་སླད་དུ་བསྟན་པ་མ་ལགས། ཚོར་བ་དང་། འདུ་ཤེས་དང་། འདུ་བྱེད་
D11.032.0159b05.01རྣམས་དང་། རྣམ་པར་ཤེས་པ་གཟུང་བའམ། མི་གཟུང་བར་བགྱི་བའི་སླད་དུ་བསྟན་པ་མ་ལགས། དེ་བཞིན་དུ་མིག་གཟུང་བའམ། མི་གཟུང་བར་བགྱི་བའི་སླད་དུ་བསྟན་པ་མ་ལགས། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་
D11.032.0159b06.01གཟུང་བའམ། མི་གཟུང་བར་བགྱི་བའི་སླད་དུ་བསྟན་པ་མ་ལགས། གཟུགས་རྣམས་གཟུང་བའམ། མི་གཟུང་བར་བགྱི་བའི་སླད་དུ་བསྟན་པ་མ་ལགས། དེ་བཞིན་དུ་སྒྲ་དང་། དྲི་དང་། རོ་དང་། རེག་བྱ་དང་། ཆོས་རྣམས་གཟུང་བའམ། མི་གཟུང་བར་
D11.032.0159b07.01