完整藏文原文 · 德格版页 当前仅加载第 32 函德格 289a 版页；藏文 NFD、目录标记与异常页序保留在来源切片中，重复版页行以稳定序号区分。
ཟག་དེ་ལྟ་བུ་དག་ལ། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་སྒྲོགས་པར་ཡང་རྗེས་སུ་ཡི་མི་རང་ཞིང་ང་ནི་དེ་དག་ཐོས་པར་ཡང་མངོན་པར་མི་དགའ་ན་མཐོང་བ་ལྟ་ཅི་སྨོས་ཏེ། ལྷན་ཅིག་གནས་པ་ལྟ་སྨོས་ཀྱང་ཅི་དགོས། དེ་ཅིའི་ཕྱིར་ཞེ་ན། ཀུན་དགའ་
D11.032.0289a01.01བོ་གང་ཟག་དེ་ལྟ་བུ་དག་ནི་དམ་པའི་ཆོས་སུན་པར་བྱེད་པ་ཡིན་ཏེ། ཤིང་རུལ་ལྟ་བུ་དང་། ནག་པོའི་ཕྱོགས་པ་དག་ཡིན་ནོ། །ཀུན་དགའ་བོ་གང་དག་གང་ཟག་དེ་ལྟ་བུ་དག་མཉན་པར་བྱ་བར་སེམས་པ་དེ་དག་ཀྱང་མི་ཚུལ་བའི་ཕོངས་པར་འགྱུར་རོ། །ཀུན་དགའ་བོ་གང་ལ་ལ་ཤེས་
D11.032.0289a02.01རབ་ཀྱི་ཕ་རོལ་ཏུ་ཕྱིན་པ་སུན་པར་བྱེད་པའི་གང་ཟག་དེ་ནི་མཐར་ཐུག་པ་ཡིན་པར་ཁོང་དུ་ཆུད་པར་བྱ་སྟེ། དམ་པའི་ཆོས་སུན་པར་བྱེད་པའི་སྐྱོན་ཆགས་པ་དེ་ནི་སེམས་ཅན་དམྱལ་བ་པ་དང་། དུད་འགྲོའི་སྐྱེ་གནས་པ་དང་། གཤིན་རྗེའི་འཇིག་རྟེན་པའི་གང་ཟག་ཡིན་ནོ། །
D11.032.0289a03.01གསོལ་པ། བཙུན་པ་བཅོམ་ལྡན་འདས་དམ་པའི་ཆོས་སུན་པར་བགྱིད་པའི་གང་ཟག་ངན་སོང་དུ་སྐྱེས་པ་དེའི་ལུས་ཀྱི་ཚད་བཅོམ་ལྡན་འདས་ཀྱིས་བཀའ་མ་སྩལ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དམ་པའི་ཆོས་སུན་པར་བྱེད་པའི་
D11.032.0289a04.01གང་ཟག་ངན་སོང་དུ་སྐྱེས་པ་དེའི་ལུས་ཀྱི་ཚད་བརྗོད་པ་ཞོག་ཤིག །དེ་ཅིའི་ཕྱིར་ཞེ་ན། དམ་པའི་ཆོས་སུན་པར་བྱེད་པའི་གང་ཟག་དེའི་ལུས་ཀྱི་ཚད་ཐོས་ན། ཁ་ནས་ཁྲག་སྐྱུག་པའམ། འཆི་བར་འགྱུར་བའམ། འཆི་བ་ལ་ཐུག་པ་ཙམ་གྱི་སྡུག་བསྔལ་དུ་འགྱུར་ཏེ།
D11.032.0289a05.01དེ་ཐོས་ནས་མྱ་ངན་གྱི་ཟུག་རྔུ་སྙིང་ལ་ཟུག་པ་དང་། སྐམ་པ་དང་རྙིས་པར་གྱུར་ན་མི་རུང་ཞེས། དམ་པའི་ཆོས་སུན་པར་བྱེད་པའི་གང་ཟག་དེའི་ལུས་ཀྱི་ཚད་འདི་ལྟ་བུར་འགྱུར་རོ་ཞེས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་སྐབས་དབྱེ་བ་མ་མཛད་དོ། །དེ་
D11.032.0289a06.01ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་དམ་པའི་ཆོས་སུན་པར་བགྱིད་པ་ངན་སོང་དུ་སྐྱེས་པའི་ལུས་ཅི་འདྲ་བ་ཞིག་ཏུ་འགྱུར་ཞིང་། ལུས་ཅི་འདྲ་བ་ཞིག་ཡོངས་སུ་འཛིན་པར་འགྱུར་ལགས། བཅོམ་
D11.032.0289a07.01