完整藏文原文 · 德格版页 当前仅加载第 32 函德格 151a 版页；藏文 NFD、目录标记与异常页序保留在来源切片中，重复版页行以稳定序号区分。
རྟག་པ་དང་། བདེ་བ་དང་། བདག་དང་། སྡུག་པའི་བར་དུ་གཏན་མེད་ཅིང་མི་དམིགས་ཏེ། དེའི་ཕྱིར་དེ་དག་གི་འགྲོ་བའམ། འོང་བ་ལྟ་ག་ལ་ཡོད་པའི་ཕྱིར་རོ། །རབ་འབྱོར་ཆོས་ཐམས་ཅད་ནི་འདོད་ཆགས་ཀྱི་གཞི་ཅན་དང་། ཞེ་སྡང་གི་གཞི་ཅན་
D11.032.0151a01.01དང་། གཏི་མུག་གི་གཞི་ཅན་ཏེ། ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར་འདོད་ཆགས་ཀྱི་གཞི་དང་། ཞེ་སྡང་གི་གཞི་དང་། གཏི་མུག་གི་གཞི་གཏན་མེད་ཅིང་མི་དམིགས་ན། དེ་དག་གི་འགྲོ་བའམ། འོང་བ་ལྟ་ག་ལ་ཡོད་པའི་ཕྱིར་རོ། །རབ་འབྱོར་
D11.032.0151a02.01ཆོས་ཐམས་ཅད་ནི་ལྟ་བའི་རྣམ་པའི་གཞི་ཅན་ཏེ། ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར་ལྟ་བའི་རྣམ་པའི་གཞི་གཏན་མེད་ཅིང་མི་དམིགས་ན། དེ་དག་གི་འགྲོ་བའམ། འོང་བ་ལྟ་ག་ལ་ཡོད་པའི་ཕྱིར་རོ། །རབ་འབྱོར་དེ་བཞིན་དུ་ཆོས་ཐམས་ཅད་ནི་དེ་
D11.032.0151a03.01བཞིན་ཉིད་ཀྱི་ཚུལ་ཅན་དང་། ཆོས་ཀྱི་དབྱིངས་ཀྱི་ཚུལ་ཅན་དང་། ཡང་དག་པའི་མཐའི་ཚུལ་ཅན་དང་། མཉམ་པ་ཉིད་ཀྱི་ཚུལ་ཅན་དང་། བསམ་གྱིས་མི་ཁྱབ་པའི་དབྱིངས་ཀྱི་ཚུལ་ཅན་ཏེ། ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར་དེ་བཞིན་ཉིད་
D11.032.0151a04.01དང་། ཆོས་ཀྱི་དབྱིངས་དང་། ཡང་དག་པའི་མཐའ་དང་། ཆོས་མཉམ་པ་ཉིད་དང་། བསམ་གྱིས་མི་ཁྱབ་པའི་དབྱིངས་གཏན་མེད་ཅིང་མི་དམིགས་ན། དེ་དག་གི་འགྲོ་བའམ། འོང་བ་ལྟ་ག་ལ་ཡོད་པའི་ཕྱིར་རོ། །རབ་འབྱོར་ཆོས་ཐམས་ཅད་ནི་གཡོ་བ་མེད་པའི་ཚུལ་
D11.032.0151a05.01ཅན་ཏེ། ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར་གང་འགྲོ་བའམ། འོང་བར་འགྱུར་བའི་གཡོ་བ་ཉིད་གང་ཡང་མེད་ཅིང་མི་དམིགས་པའི་ཕྱིར་རོ། །རབ་འབྱོར་ཆོས་ཐམས་ཅད་ནི་གཟུགས་ཀྱི་ཚུལ་ཅན་ནོ། །རབ་འབྱོར་དེ་བཞིན་དུ་ཆོས་ཐམས་ཅད་ནི་
D11.032.0151a06.01ཚོར་བའི་ཚུལ་ཅན་དང་། འདུ་ཤེས་ཀྱི་ཚུལ་ཅན་དང་། འདུ་བྱེད་རྣམས་ཀྱི་ཚུལ་ཅན་དང་། རྣམ་པར་ཤེས་པའི་ཚུལ་ཅན་ཏེ། ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར་གཟུགས་མེད་ཅིང་མི་དམིགས་པ་དང་། དེ་བཞིན་དུ་ཚོར་བ་དང་། འདུ་ཤེས་དང་།
D11.032.0151a07.01