完整藏文原文 · 德格版页 当前仅加载第 32 函德格 95b 版页；藏文 NFD、目录标记与异常页序保留在来源切片中，重复版页行以稳定序号区分。
རྫུ་འཕྲུལ་ཆེ་བ། མཐུ་ཆེ་བ་འོང་བར་བྱ་བར་སེམས་པ་དེ་ལྟ་དེ་ལྟར་རིགས་ཀྱི་བུའམ་རིགས་ཀྱི་བུ་མོ་དེའི་མོས་པ་རྒྱ་ཆེན་པོར་འགྱུར་རོ། །དེའི་ཉེན་འཁོར་དུ་གཙང་སྦྲ་མི་བྱེད་པའི་བག་སྤྱད་པར་མི་བྱའོ། །རིགས་ཀྱི་བུའམ་རིགས་ཀྱི་བུ་མོ་དེས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་
D11.032.0095b01.01མཆོད་པའི་དོན་དུ་ས་ཕྱོགས་དེ་བདུག་པ་སྣ་ཚོགས་ཀྱིས་བདུག་པར་བྱ། མེ་ཏོག་སྣ་ཚོགས་དགྲམ་པར་བྱ། པོག་ཕོར་རྣམས་ནས་བདུག་པར་བྱ། དར་གྱི་ལྡ་ལྡི་གཙང་མ་བྲེ་བར་བྱ། བླ་རེ་སྣ་ཚོགས་བཟང་པོ་བྲེ་བར་བྱ། ས་ཕྱོགས་དེ་རྣམ་པ་དུ་མས་ལེགས་པར་བརྒྱན་པར་བྱའོ། །ཀུན་
D11.032.0095b02.01དགའ་བོ་གཞན་ཡང་རིགས་ཀྱི་བུའམ་རིགས་ཀྱི་བུ་མོ་དེ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་བཀུར་སྟི་བྱེད་ཅིང་། མཆོད་པ་བྱེད་པའི་ལུས་ངལ་བར་མི་འགྱུར། ལུས་བདེ་བ་དང་། སེམས་བདེ་བ་དང་། ལུས་ཡང་བ་ཉིད་དང་། ལུས་གཟི་བརྗིད་དང་ལྡན་པ་དང་། སེམས་གསལ་
D11.032.0095b03.01བར་འགྱུར་རོ། །ཡང་དེ་འདི་ལྟར་འདུ་ཤེས་པར་འགྱུར་ཏེ། ཉལ་བ་ན་རྨི་ལམ་སྡིག་པ་ཅན་དག་མཐོང་བར་མི་འགྱུར་རོ། །དེས་རྨི་ལམ་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལེགས་པར་
D11.032.0095b04.01བརྒྱན་པ། སྐུ་དཔེ་བྱད་བཟང་པོ་བརྒྱད་ཅུས་གསལ་བར་བྱས་པ། སྐུ་གསེར་གྱི་མདོག་ཅན་དགེ་སློང་གི་དགེ་འདུན་གྱིས་ཡོངས་སུ་བསྐོར་ཅིང་མདུན་གྱིས་བལྟས་ནས་ཆོས་སྟོན་པ་མཐོང་བར་འགྱུར་རོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་
D11.032.0095b05.01དེ་ལས་ཀྱང་འདི་ལྟ་སྟེ། ཕ་རོལ་ཏུ་ཕྱིན་པ་དྲུག་དང་། དྲན་པ་ཉེ་བར་གཞག་པ་བཞི་ནས། སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་ཀྱི་བར་གྱི་ཆོས་ཐོས་པར་འགྱུར་རོ། །ཕ་རོལ་ཏུ་ཕྱིན་པ་དེ་དག་གི་དོན་རྣམ་པར་དབྱེ་བ་ཐོས་པར་འགྱུར་རོ། །དེ་བཞིན་དུ་སངས་རྒྱས་ཀྱི་ཆོས་མ་
D11.032.0095b06.01འདྲེས་པ་{བཅྭ་,བཅོ་}བརྒྱད་ཀྱི་བར་གྱི་དོན་རྣམ་པར་དབྱེ་བ་ཐོས་པར་འགྱུར་རོ། །བྱང་ཆུབ་ཀྱི་ཤིང་ཡང་མཐོང་བར་འགྱུར་རོ། །བྱང་ཆུབ་སེམས་དཔའ་བྱང་ཆུབ་ཀྱི་ཤིང་དྲུང་དུ་འགྲོ་བ་མཐོང་བར་འགྱུར་རོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་
D11.032.0095b07.01