完整藏文原文 · 德格版页 当前仅加载第 32 函德格 271b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པ་དང་། རྟགས་དང་མཚན་མ་དེ་དག་བསྟན་གྱིས་དེ་དག་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་དོ། །བཙུན་པ་དེ་ལྟར་འཚལ་ལོ་ཞེས་ཚེ་དང་ལྡན་པ་རབ་འབྱོར་གྱིས་བཅོམ་ལྡན་འདས་ཀྱི་ལྟར་མཉན་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །
D11.032.0271b01.01རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པ་ནི། རྫོགས་པའི་བྱང་ཆུབ་ཀྱི་ཡིད་ལ་བྱེད་པ་དག་དང་མ་བྲལ་བས་ཕུང་པོའི་སྦྱོར་བ་དག་ལ་བརྩོན་པར་མི་གནས་ཁམས་དང་སྐྱེ་མཆེད་ཀྱི་སྦྱོར་བ་དག་ལ་བརྩོན་པར་མི་གནས་སོ། །
D11.032.0271b02.01དེ་ཅིའི་ཕྱིར་ཞེ་ན། རབ་འབྱོར་འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དེས་ཕུང་པོ་དང་ཁམས་དང་སྐྱེ་མཆེད་སྟོང་པ་ཉིད་དུ་ལེགས་པར་བསྒོམས་པ་ཡིན་ཞིང་། ལེགས་པར་ཡིད་ལ་བྱས་པའི་ཕྱིར་རོ། །དེ་རྒྱལ་པོའི་གཏམ་གྱི་སྦྱོར་བ་ལ་བརྩོན་པར་མི་གནས་སོ། །དེ་
D11.032.0271b03.01ཅིའི་ཕྱིར་ཞེ་ན། འདི་ལྟར་དེ་ནི་སྟོང་པ་ཉིད་ལ་ལེགས་པར་གནས་པས་ཆོས་གང་ལ་ཡང་ངན་པའམ། མཆོག་ཏུ་གྱུར་པ་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་ཆོམ་རྐུན་གྱི་གཏམ་གྱི་སྦྱོར་བ་ལ་ཡང་བརྩོན་པར་མི་གནས་སོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་རང་
D11.032.0271b04.01གི་མཚན་ཉིད་ཀྱིས་སྟོང་པའི་ཆོས་ཐམས་ཅད་ལ་ཡང་། ཆོས་གང་ལ་ཡང་བསྡུ་བའམ། དབྲོག་པ་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་དམག་གི་གཏམ་གྱི་སྦྱོར་བ་ལ་ཡང་བརྩོན་པར་མི་གནས་སོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་རང་བཞིན་གྱིས་སྟོང་པ་
D11.032.0271b05.01ཉིད་ལ་ལེགས་པར་གནས་པས། ཆོས་གང་ལ་ཡང་ཉུང་ངུ་ཉིད་དུའམ། མང་པོ་ཉིད་དུ་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་སངས་རྒྱས་ཀྱི་གཏམ་གྱི་སྦྱོར་བ་ལ་ཡང་བརྩོན་པར་མི་གནས་སོ། །དེ་ཅིའི་ཕྱིར་ཞེ་ན། འདི་ལྟར་ཆོས་ཐམས་ཅད་ཀྱི་སྟོང་པ་ཉིད་ལ་
D11.032.0271b06.01ལེགས་པར་གནས་པས་ཆོས་གང་ལ་ཡང་{སྩོགས་,སོགས་}པ་ཡང་དག་པར་རྗེས་སུ་མི་མཐོང་བའི་ཕྱིར་རོ། །དེ་གྲོང་དང་། གྲོང་ཁྱེར་དང་། གྲོང་རྡལ་དང་། རྒྱལ་པོའི་ཕོ་བྲང་འཁོར་གྱི་གཏམ་གྱི་སྦྱོར་བ་ལ་ཡང་བརྩོན་པར་མི་གནས་སོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་ནམ་མཁའ་སྟོང་པ་
D11.032.0271b07.01