完整藏文原文 · 德格版页 当前仅加载第 32 函德格 284b 版页；藏文 NFD、目录标记与异常页序保留在来源切片中，重复版页行以稳定序号区分。
ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་རྩ་བ་དུ་མ་དང་ལྡན་པ་ལགས་ན། ཅིའི་སླད་དུ་དུད་འགྲོའི་སྐྱེ་གནས་སུ་སྐྱེ་ཞིང་། དེ་བཞིན་གཤེགས་པས་ཉིད་ཀྱི་
D11.032.0284b01.01སྐྱེས་པའི་རབས་དེ་དག་འཁོར་བཞི་པོ་དག་གི་མདུན་དུ་བསྟན་པ་མཛད། དགེ་བའི་རྩ་བ་དེ་ལྟ་བུ་དེ་དག་ནི་སླད་རོལ་དུ་གྱུར་པ་ལགས་སོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར་
D11.032.0284b02.01བྱང་ཆུབ་སེམས་དཔའ་སེམས་དཔའ་ཆེན་པོ་ནི་མི་དགེ་བའི་ལས་ཀྱིས་དུད་འགྲོའི་སྐྱེ་གནས་སུ་སྐྱེ་བའི་ལུས་ཡོངས་སུ་འཛིན་པ་མ་ཡིན་གྱི། ལུས་གང་གིས་དོན་བྱེད་ནུས་པའི་ལུས་དེ་སེམས་ཅན་རྣམས་ཀྱི་དོན་གྱི་ཕྱིར་ཡོངས་སུ་འཛིན་ཏོ། །རབ་འབྱོར་བྱང་ཆུབ་
D11.032.0284b03.01སེམས་དཔའ་དུད་འགྲོའི་སྐྱེ་གནས་སུ་སྐྱེས་པ་ཐབས་ལ་མཁས་པ་གང་དང་ལྡན་པ་དང་། གསད་པ་གང་དག་ཡིན་པའི་གན་དུ་འགྲོ་ཞིང་། དེ་དག་དང་བདག་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བྱེད་པ་དང་། གསད་པ་དེ་དག་
D11.032.0284b04.01ལ་རྣམ་པར་འཚེ་བར་ཡང་མི་བྱེད་པའི་ཐབས་ལ་མཁས་པ་དེ་དགྲ་བཅོམ་པ་རྣམས་དང་། རང་སངས་རྒྱས་རྣམས་ལ་ཅིག་ཡོད་དམ། རབ་འབྱོར་རྣམ་གྲངས་དེས་ན་འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོས་ཡོངས་སུ་ཟིན་པ་ནི་སྙིང་རྗེ་ཆེན་
D11.032.0284b05.01པོ་ཡོངས་སུ་རྫོགས་པར་བྱེད་ཅིང་། སེམས་ཅན་གྱི་དོན་གྱི་ཕྱིར་དུད་འགྲོའི་སྐྱེ་གནས་སུ་སྐྱེ་ཡང་དུད་འགྲོའི་སྐྱེ་གནས་སུ་གྱུར་པའི་སྐྱོན་རྣམས་ཀྱིས་ཀྱང་མི་གོས་པ་དེ་ལྟར་རིག་པར་བྱའོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང་ལྡན་པ་རབ་
D11.032.0284b06.01འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་ཆོས་གང་དག་ལ་གནས་ནས། དུད་འགྲོའི་སྐྱེ་གནས་སུ་སྐྱེས་པའི་ལུས་རྣམས་ཡོངས་སུ་འཛིན་ལགས། བཅོམ་ལྡན་འདས་ཀྱིས་བཀའ་སྩལ་
D11.032.0284b07.01