完整藏文原文 · 德格版页 当前仅加载第 32 函德格 136b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། དབང་པོ་ལྔ་དང་། སྟོབས་ལྔ་དང་། བྱང་ཆུབ་ཀྱི་ཡན་ལག་བདུན་དང་། འཕགས་པའི་ལམ་ཡན་ལག་བརྒྱད་པ་དང་། རྣམ་པར་ཐར་པའི་སྒོ་གསུམ་དང་། རྣམ་པར་ཐར་པ་བརྒྱད་དང་། མཐར་གྱིས་གནས་པའི་སྙོམས་པར་འཇུག་པ་དགུ་དང་། དེ་བཞིན་
D11.032.0136b01.01གཤེགས་པའི་སྟོབས་བཅུ་དང་། སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་ཀྱི་བར་དུ་ཐོས་ལ། ཆོས་གསལ་བར་སྟོན་པ་དེ་ལ་མ་དྲིས་ཤིང་ཡོངས་སུ་མ་ཞུས་པ་འདིར་སྐྱེས་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ན། ཤེས་རབ་ཀྱི་ཕ་རོལ་ཏུ་ཕྱིན་པ་
D11.032.0136b02.01ཟབ་མོ་འདི་ཉིད་ལ་སོམ་ཉི་ཉིད་དུ་གྱུར་ཅིང་། ཡིད་རྟུལ་བ་ཉིད་དང་། ཐེ་ཚོམ་ཉིད་དུ་གྱུར་ཏེ། སེམས་ཞུམ་པ་ཉིད་དུ་འགྱུར་རོ།། །།ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ། བམ་པོ་ཉི་ཤུ་གཅིག་པ། རབ་འབྱོར་གཞན་ཡང་བྱང་ཆུབ་སེམས་དཔའི་
D11.032.0136b03.01ཐེག་པ་པའི་གང་ཟག་གང་གིས་སྔོན་གྱི་ཚེ་རབས་དག་ཏུ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཐོས་ལ། འདི་ལྟ་སྟེ། ཉི་མ་གཅིག་གམ། གཉིས་སམ། གསུམ་འམ། བཞིའམ། ཉི་མ་ལྔར་ཡང་ཉམས་སུ་མ་བླངས་ཤིང་མ་བསྒོམས་པ་ནི་འདི་ལྟ་སྟེ། ཉི་མ་གཅིག་
D11.032.0136b04.01གམ། གཉིས་སམ། གསུམ་འམ། བཞིའམ། ཉི་མ་ལྔར་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལས་འཕྲོགས་པར་མི་འགྱུར་གྱི། དེའི་འོག་ཏུ་ནི་ཐེ་ཚོམ་གྱིས་འཕྲོགས་པར་འགྱུར་རོ། །དེ་ཅིའི་ཕྱིར་ཞེ་ན། རབ་འབྱོར་ནན་ཏན་སྙིང་པོར་མི་བྱེད་པའི་གང་ཟག་
D11.032.0136b05.01ནི་ཆོས་དེ་དག་མ་བསྒོམས་ཤིང་ནན་ཏན་མ་བྱས་པས་དེ་ལྟར་འགྱུར་བའི་ཕྱིར་རོ། །རབ་འབྱོར་བྱང་ཆུབ་སེམས་དཔའི་ཐེག་པ་པའི་གང་ཟག་དེ་ནི་ཐེག་པ་ལ་ཞུགས་ནས་རིང་པོ་མ་ལོན་པ་དང་། དགེ་བའི་བཤེས་གཉེན་གྱིས་ཡོངས་སུ་ཟིན་པ་མ་ཡིན་པ་དང་། སངས་རྒྱས་
D11.032.0136b06.01མང་པོ་ལ་བསྙེན་བཀུར་བྱས་པ་མ་ཡིན་པ་དེས་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཡི་གེར་མ་བྲིས་ཤིང་མ་བཟུང་ལ། མ་བཅངས་ཏེ། ཀུན་ཏུ་ཆུབ་པར་མ་བྱས་པ་དང་། མ་ཀླགས་པ་དང་། ཁ་ཏོན་དུ་མ་བྱས་པ་དང་། ལུང་མ་མནོས་པ་དང་། ཚུལ་བཞིན་དུ་ཡིད་
D11.032.0136b07.01