完整藏文原文 · 德格版页 当前仅加载第 32 函德格 169b 版页；藏文 NFD、目录标记与异常页序保留在来源切片中，重复版页行以稳定序号区分。
དང་པོ་བསྐྱེད་ཕྱིན་ཆད་རྣམ་པ་ཐམས་ཅད་མཁྱེན་པ་ཉིད་ཀྱི་སེམས་བསྐྱེད་པ་དང་མ་བྲལ་བར་སྦྱིན་པ་སྦྱིན་པར་བྱེད། ཚུལ་ཁྲིམས་སྲུང་། བཟོད་པ་སྐྱེད། བརྩོན་འགྲུས་རྩོམ། བསམ་གཏན་དག་ལ་སྙོམས་པར་འཇུག་པ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་དང་།
D11.032.0169b01.01ཐབས་ལ་མཁས་པ་དང་མ་བྲལ་བས་འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་གཟིགས་པ་གང་
D11.032.0169b02.01ཡིན་པ་དེ་མཚན་མར་མི་འཛིན་ལ། དེ་སྟོང་པ་ཉིད་ཀྱི་ཏིང་ངེ་འཛིན་མཚན་མར་མི་འཛིན། མཚན་མ་མེད་པའི་ཏིང་ངེ་འཛིན་དང་། སྨོན་པ་མེད་པའི་ཏིང་ངེ་འཛིན་མཚན་མར་མི་འཛིན་ཏེ། དེ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་ཉེ་བ་ཡིན་པར་རིག་པར་
D11.032.0169b03.01བྱའོ། །དེ་ཅིའི་ཕྱིར་ཞེ་ན། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དེས། སེམས་དང་པོ་བསྐྱེད་ཕྱིན་ཆད་སྦྱིན་པ་བྱིན་ཡང་མཚན་མར་མ་བཟུང་། ཚུལ་ཁྲིམས་བསྲུངས་ཀྱང་མཚན་མར་མ་བཟུང་། བཟོད་པ་བསྐྱེད་ཀྱང་མཚན་མར་མ་བཟུང་།
D11.032.0169b04.01བརྩོན་འགྲུས་བརྩམས་ཀྱང་མཚན་མར་མ་བཟུང་། བསམ་གཏན་དག་ལ་སྙོམས་པར་ཞུགས་ཀྱང་མཚན་མར་མ་བཟུང་། ཤེས་རབ་བསྒོམས་ཀྱང་མཚན་མར་མ་བཟུང་ལ། འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་
D11.032.0169b05.01འདས་རྣམས་ཀྱི་ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་གཟིགས་པ་མཚན་མར་མ་བཟུང་བའི་ཕྱིར་ཏེ། ཤ་ར་དྭ་ཏིའི་བུ་གང་མཚན་མ་དང་བྲལ་བའི་སེམས་ཀྱིས་སྦྱིན་པ་གཏོང་། ཚུལ་ཁྲིམས་སྲུང་།
D11.032.0169b06.01བཟོད་པ་སྐྱེད། བརྩོན་འགྲུས་རྩོམ། བསམ་གཏན་དག་ལ་སྙོམས་པར་འཇུག་པ་ནས། རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་སྤྱོད་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཐབས་ལ་མཁས་པ་ཡིན་ནོ། །གསོལ་པ། བདག་གིས་བཅོམ་ལྡན་
D11.032.0169b07.01