完整藏文原文 · 德格版页 当前仅加载第 32 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། རྣམ་པར་གཡེངས་པའི་ཕ་རོལ་ཏུ་འགྲོ་བར་འགྱུར་རོ། །རབ་འབྱོར་དཔེར་ན་སའི་ཕྱོགས་གང་ན་གསེར་རམ། དངུལ་འབྱུང་བ་དེ་དག་ནི་ཉུང་ངོ་། །རབ་འབྱོར་དེ་བཞིན་དུ་འདི་ལྟ་སྟེ། གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་ཅིང་སྤྱད་པ་འདི་ལ་སློབ་
D11.032.0193b01.01པ་དེ་དག་ནི་ཉུང་གི །དེ་བས་ནི་སེམས་ཅན་གང་དག་ཉན་ཐོས་དང་། རང་སངས་རྒྱས་ཀྱི་ས་ལ་སློབ་པ་དེ་དག་ནི་ཆེས་མང་ངོ་། །རབ་འབྱོར་དཔེར་ན་འཁོར་ལོས་སྒྱུར་བར་འགྱུར་བའི་ལས་ཡང་དག་པར་བླངས་ཏེ་གནས་པ་དེ་དག་ནི་ཉུང་གི །དེ་བས་ནི་གང་དག་ཁམས་
D11.032.0193b02.01ཀྱི་རྒྱལ་པོར་འགྱུར་བའི་ལས་ཡང་དག་པར་བླངས་ཏེ་གནས་པ་དག་ནི་ཆེས་མང་ངོ་། །རབ་འབྱོར་དེ་བཞིན་དུ་སེམས་ཅན་གང་དག་རྣམ་པ་ཐམས་ཅད་མཁྱེན་པ་ཉིད་ཀྱི་ལམ་དུ་ཡང་དག་པར་མངོན་སུམ་དུ་ཞུགས་པ་དེ་དག་ནི་ཉུང་གི །དེ་བས་ནི་སེམས་ཅན་གང་དག་
D11.032.0193b03.01ཉན་ཐོས་དང་། རང་སངས་རྒྱས་ཀྱི་ལམ་དུ་ཡང་དག་པར་མངོན་སུམ་དུ་ཞུགས་པ་དེ་དག་ནི་ཆེས་མང་ངོ་། །རབ་འབྱོར་བྱང་ཆུབ་སེམས་དཔའི་ཐེག་པ་པའི་གང་ཟག་གང་དག་ཡིན་པ་དེ་དག་ལས་ཀྱང་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་
D11.032.0193b04.01དག་པར་ཞུགས་པ་དང་། གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་དག་ནི་ཆེས་ཉུང་གི །དེ་བས་ནི་བྱང་ཆུབ་སེམས་དཔའི་ཐེག་པ་པའི་གང་ཟག་གང་དག་ཉན་ཐོས་དང་། རང་སངས་རྒྱས་ཀྱི་སར་ལྟུང་
D11.032.0193b05.01བར་འགྱུར་བ་དག་ནི་ཆེས་མང་ངོ་། །རབ་འབྱོར་བྱང་ཆུབ་སེམས་དཔའི་ཐེག་པ་པའི་གང་ཟག་གང་དག་ཐེ་ཚོམ་མེད་པར་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་སྤྱོད་པར་འགྱུར་བ་དེ་དག་ནི་ཕྱིར་མི་ལྡོག་པའི་ས་ལ་འཇུག་པར་འགྱུར་རོ། །གང་དག་ཐེ་ཚོམ་མེད་པ་དེས་
D11.032.0193b06.01སྤྱོད་པར་མི་འགྱུར་བ་དག་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་མི་འགྱུར་རོ། །རབ་འབྱོར་དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱིར་མི་ལྡོག་པའི་ས་ལ་འཇུག་པར་འདོད་པ་དང་། ཕྱིར་མི་ལྡོག་པའི་སའི་གྲངས་སུ་
D11.032.0193b07.01