完整藏文原文 · 德格版页 当前仅加载第 32 函德格 298a 版页；藏文 NFD、目录标记与异常页序保留在来源切片中，重复版页行以稳定序号区分。
པ་བྱེད་པ་དེ་གཉིས་གང་བསོད་ནམས་མང་དུ་སྐྱེད་སྙམ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་གིས་ཇི་ལྟར་བཅོམ་ལྡན་འདས་ཀྱིས་
D11.032.0298a01.01གསུངས་པའི་དོན་འཚལ་བ་ལྟར་ན། གང་གིས་དེ་བཞིན་གཤེགས་པའི་རིང་བསྲེལ་ཡུངས་འབྲུ་ཙམ་གཞན་ལ་སྩལ་པ་དེ་ཉིད་ཆེས་བསོད་ནམས་མང་དུ་སྐྱེད་ལགས་སོ། །དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་དོན་གྱི་དབང་
D11.032.0298a02.01འདི་གཟིགས་ནས་རྡོ་རྗེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ཏེ། རྡོ་རྗེ་ལྟ་བུའི་སྐུ་བཤིག་པ་མཛད་དོ། །དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས་གང་ལ་ལ་ཞིག་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་རིང་བསྲེལ་ཡུངས་འབྲུ་ཙམ་ལ་
D11.032.0298a03.01མཆོད་པ་རྣམ་པ་སྣ་ཚོགས་ཀྱིས་མཆོད་པ་བགྱིད་པ་དེའི་དགེ་བའི་རྩ་བ་དེ་མཐར་ཐུག་པར་མི་འགྱུར་གྱི། སྡུག་བསྔལ་ཐམས་ཅད་མཐར་བགྱིད་པར་འགྱུར་བའི་སླད་དུའོ། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་
D11.032.0298a04.01འདི་སྐད་ཅེས་བཀའ་སྩལ་ཏོ། །ཀུན་དགའ་བོ་དེ་དེ་བཞིན་ནོ། །ཇི་སྐད་སྨྲས་པ་དེ་བཞིན་ཏེ། ཀུན་དགའ་བོ་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཡི་གེར་བྲིས་སམ། ཡི་གེར་འདྲིར་བཅུག་ནས། གླེགས་
D11.032.0298a05.01བམ་དུ་བྱས་ཏེ། མེ་ཏོག་ནས། བ་དན་གྱི་བར་དག་དང་། རོལ་མོའི་སྒྲ་སྣ་ཚོགས་ཀྱིས་བསྟི་སྟང་དུ་བྱེད། བླ་མར་བྱེད། རི་མོ་བྱེད། མཆོད་པ་བྱེད་པ་བས་གཞན་གང་ལ་ལ་ཞིག་གིས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ཡི་གེར་བྲིས་སམ། ཡི་གེར་འདྲིར་བཅུག་
D11.032.0298a06.01སྟེ། ཆོས་ལ་དགའ་བས་གཞན་དག་ལ་བྱིན་ན་རིགས་ཀྱི་བུའམ། རིགས་ཀྱི་བུ་མོ་དེའི་བསོད་ནམས་དེ་ཉིད་ཆེས་མང་དུ་སྐྱེད་དོ། །ཀུན་དགའ་བོ་གཞན་ཡང་རིགས་ཀྱི་བུའམ། རིགས་ཀྱི་བུ་མོ་གང་ལ་ལས་བསམ་པ་ཐག་པ་ནས་བླ་ན་མེད་པ་ཡང་དག་པར་
D11.032.0298a07.01