完整藏文原文 · 德格版页 当前仅加载第 32 函德格 129b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་ཕྱིན་པ་འདི་མཛད་པ་ཆེན་པོ་དང་། མཛད་པ་མི་མཉམ་པ་དང་མཉམ་པའི་བར་གྱིས་ཉེ་བར་གནས་པ་ཡིན་ཞེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་མཛད་པ་ཆེན་པོ་ནི་འདི་ཡིན་ཏེ། འདི་ལྟ་སྟེ། སེམས་ཅན་
D11.032.0129b01.01ཐམས་ཅད་བསྐྱབ་པར་བྱ་བའི་དོན་དང་། ཡོངས་སུ་མི་གཏང་བར་བྱ་བའི་དོན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉེ་བར་གནས་པ་ཡིན་ནོ། །རབ་འབྱོར་ཇི་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་འདི་མཛད་པ་བསམ་གྱིས་མི་ཁྱབ་པས་ཉེ་བར་གནས་པ་ཡིན་ཞེ་ན། རབ་
D11.032.0129b02.01འབྱོར་བསམ་གྱིས་མི་ཁྱབ་པ་ནི་འདི་ལྟ་སྟེ། ཡང་དག་པར་རྫོགས་པའི་སངས་རྒྱས་ཉིད་དང་། དེ་བཞིན་གཤེགས་པ་ཉིད་དང་། རང་བྱུང་ཉིད་དང་། ཐམས་ཅད་མཁྱེན་པ་ཉིད་ཡིན་ཏེ། རབ་འབྱོར་རྣམ་གྲངས་འདིས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དེ་
D11.032.0129b03.01བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་མཛད་པ་བསམ་གྱིས་མི་ཁྱབ་པས་ཉེ་བར་གནས་པ་ཡིན་ནོ། །རབ་འབྱོར་ཇི་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་འདི་མཛད་པ་གཞལ་དུ་མེད་པས་ཉེ་བར་གནས་པ་ཡིན་ཞེ་ན། རབ་འབྱོར་
D11.032.0129b04.01འགྲོ་བ་ལྔ་པོ་དག་ན། སེམས་ཅན་དུ་བསྡུ་བར་བསྡུས་པ་ལ་གང་ཡང་དག་པར་རྫོགས་པའི་སངས་རྒྱས་ཉིད་དམ། དེ་བཞིན་གཤེགས་པ་ཉིད་དམ། རང་བྱུང་བ་ཉིད་དམ། ཐམས་ཅད་མཁྱེན་པ་ཉིད་བསམ་པའམ། གཞལ་བར་ནུས་པའི་སེམས་ཅན་ནི་འགའ་
D11.032.0129b05.01ཡང་མེད་ལ། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་མཐུ་ཡིན་ཏེ། རབ་འབྱོར་རྣམ་གྲངས་དེས་ན། ཤེས་རབ་ཀྱི་ཕ་རོལ་ཏུ་ཕྱིན་པ་འདི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་མཛད་པ་གཞལ་དུ་མེད་པས་ཉེ་བར་གནས་པ་
D11.032.0129b06.01ཡིན་ནོ། །རབ་འབྱོར་ཇི་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་མཛད་པ་དཔག་ཏུ་མེད་པས་ཉེ་བར་གནས་པ་ཡིན་ཞེ་ན། རབ་འབྱོར་དཔག་ཏུ་མེད་པ་ནི་འདི་ལྟ་སྟེ། ཡང་དག་པར་རྫོགས་པའི་སངས་རྒྱས་ཉིད་དང་། དེ་བཞིན་གཤེགས་པ་ཉིད་དང་། རང་བྱུང་བ་ཉིད་དང་།
D11.032.0129b07.01