完整藏文原文 · 德格版页 当前仅加载第 32 函德格 238a 版页；藏文 NFD、目录标记与异常页序保留在来源切片中，重复版页行以稳定序号区分。
བར་བྱ་བ་དང་། ངས་ཉན་ཐོས་རྣམས་ལ་ངེས་པར་འབྱིན་པ། ངེས་པར་འབྱེད་པ་དེ་བྱེད་པ་སྡུག་བསྔལ་ཡང་དག་པར་ཟད་པར་འབྱུང་བར་འགྱུར་བ་ལམ་གང་བཤད་པ་དེ་ལ་ལམ་འདི་ནི་ངེས་པར་འབྱིན་པ་མ་ཡིན། ངེས་པར་རྟོགས་པ་མ་ཡིན།
D11.032.0238a01.01བྱེད་པ་པོའི་སྡུག་བསྔལ་ཡང་དག་པར་ཟད་པར་འགྱུར་བ་མ་ཡིན་ཞེས་དགེ་སྦྱོང་ངམ། བྲམ་ཟེའམ། ལྷའམ། བདུད་དམ། འགའ་ཞིག་བདག་ལ་རྒོལ་བའི་རྒྱུ་དེ་ཡང་དག་པར་རྗེས་སུ་མི་མཐོང་ཞེས་རྒྱ་ཆེར་སྦྱར་བར་བྱ་བ་སྟེ། དེ་དག་ནི་དེ་བཞིན་གཤེགས་
D11.032.0238a02.01པའི་མི་འཇིགས་པ་བཞི་ཞེས་བྱའོ། །སོ་སོ་ཡང་དག་པར་རིག་པ་བཞི་གང་ཞེ་ན། འདི་ལྟ་སྟེ། དོན་སོ་སོ་ཡང་དག་པར་རིག་པ་དང་། ཆོས་སོ་སོ་ཡང་དག་པར་རིག་པ་དང་། ངེས་པའི་ཚིག་སོ་སོ་ཡང་དག་པར་རིག་པ་དང་། སྤོབས་པ་སོ་སོ་ཡང་དག་པར་
D11.032.0238a03.01རིག་པ་སྟེ། དེ་དག་ནི་སོ་སོ་ཡང་དག་པར་རིག་པ་བཞི་ཞེས་བྱའོ། །བྱམས་པ་ཆེན་པོ་གང་ཞེ་ན། དེ་བཞིན་གཤེགས་པ་སེམས་ཅན་ཐམས་ཅད་ལ་དགྲ་བོ་དང་། མཛའ་བཤེས་ལ་འདྲ་བར་མཛད་པ་གང་ཡིན་པ་སྟེ། དེ་ནི་བྱམས་པ་ཆེན་པོ་ཞེས་བྱའོ། །
D11.032.0238a04.01དེ་ལ་སྙིང་རྗེ་ཆེན་པོ་གང་ཞེ་ན། སེམས་ཅན་མ་ཡིན་པའི་སེམས་ཅན་རྣམས་ལ་བྱམས་པ་མི་གཏོང་བ་གང་ཡིན་པ་སྟེ། དེ་ནི་སྙིང་རྗེ་ཆེན་པོ་ཞེས་བྱའོ། །སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་གང་ཞེ་ན། འདི་ལྟ་སྟེ། དེ་བཞིན་གཤེགས་པ་ལ་
D11.032.0238a05.01འཁྲུལ་པ་མེད་པ་དང་། ཅ་ཅོ་མེད་པ་དང་། བསྙེལ་བ་མེད་པ་དང་། སེམས་མཉམ་པར་མ་བཞག་པ་མེད་པ་དང་། ཐ་དད་པའི་འདུ་ཤེས་མེད་པ་དང་། སོ་སོར་མ་བརྟགས་པའི་བཏང་སྙོམས་མེད་པ་དང་། འདུན་པ་ཉམས་པ་མེད་པ་དང་། བརྩོན་
D11.032.0238a06.01འགྲུས་ཉམས་པ་མེད་པ་དང་། དྲན་པ་ཉམས་པ་མེད་པ་དང་། ཏིང་ངེ་འཛིན་ཉམས་པ་མེད་པ་དང་། ཤེས་རབ་ཉམས་པ་མེད་པ་དང་། རྣམ་པར་གྲོལ་བ་ཉམས་པ་མེད་པ་དང་། རྣམ་པར་གྲོལ་བའི་ཡེ་ཤེས་མཐོང་བ་ཉམས་པ་མེད་པ་དང་། འདས་པའི་དུས་
D11.032.0238a07.01