完整藏文原文 · 德格版页 当前仅加载第 32 函德格 287a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་དང་ལྡན་པའི་འཁོར་དེས་ཀྱང་དགེ་སློང་ཤ་ར་དྭ་ཏིའི་བུ་དང་། རབ་འབྱོར་གྱིས་ཞུས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་ལེའུ་འདི་ཉིད་ཚིག་དང་ཡི་གེའི་འབྲུ་ལྷག་ཆད་མེད་པ་འདི་དག་གིས་སྟོན་པའི་སངས་རྒྱས་བཅོམ་ལྡན་འདས་གང་གཱའི་ཀླུང་
D11.032.0287a01.01གི་བྱེ་མ་སྙེད་དག་ཕྱོགས་བཅུ་ཀུན་ཏུ་མཐོང་ངོ་། །སངས་རྒྱས་ཀྱི་ཞིང་ཐམས་ཅད་དུ་ཡང་ཨ་ལ་ལ་སེམས་ཅན་དཔག་ཏུ་མེད་གྲངས་མེད། བསམ་གྱིས་མི་ཁྱབ་མཚུངས་པ་མེད་པ་དག་གིས་ཆོས་མངོན་པར་རྟོགས་པར་གྱུར་པ་འདི་ནི་འཇིག་རྟེན་དུ་སངས་
D11.032.0287a02.01རྒྱས་བཅོམ་ལྡན་འདས་རྣམས་ཀྱིས་ཆོས་ཀྱི་འཁོར་ལོ་བསྐོར་བ་གཉིས་པ་ཡིན་ནོ། །ཞེས་དེ་ལྟ་བུའི་སྒྲ་དེ་སངས་རྒྱས་ཀྱི་ཞིང་དེ་དག་ཐམས་ཅད་ཀྱི་འཁོར་གྱི་དཀྱིལ་འཁོར་རྣམས་སུ་བྱུང་བར་གྱུར་ཏོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས་མངོན་པར་བྱང་
D11.032.0287a03.01ཆུབ་པའི་ལེའུ་ཞེས་བྱ་སྟེ་སུམ་ཅུ་གཉིས་པའོ།། །།དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་སེམས་ཅན་གྱི་རིས་ན་སེམས་ཅན་གང་ཤེས་རབ་ཀྱི་ཕ་རོལ་ཏུ་ཕྱིན་
D11.032.0287a04.01པ་ཟབ་མོ་བཤད་པ་འདི་ལ་དད་པ་མི་སྐྱེད། དགའ་བ་དང་། དང་བ་དང་། ལྷག་པའི་བསམ་པས་མོས་པ་མི་སྐྱེད་ཅིང་། ལུས་དང་སེམས་ཀྱིས་ཀྱང་ཚོགས་པ་སྩོལ་བར་མི་བགྱིད་ལ། འཁོར་དེ་ནས་ཀྱང་མཆི་བར་བགྱིད་ཅིང་། གོང་དུ་ཡང་སྤོང་ལ་
D11.032.0287a05.01སྤོང་བར་བགྱིད་པ་འགའ་མཆིས་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་སེམས་ཅན་གྱི་རིས་ན་སེམས་ཅན་གང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་བཤད་པ་འདི་ལ་དད་པ་མི་སྐྱེད་ཅིང་། དགའ་བ་དང་། དང་བ་དང་།
D11.032.0287a06.01ལྷག་པའི་བསམ་པས་མོས་པ་མི་སྐྱེད་ལ། ལུས་དང་སེམས་ཀྱིས་ཚོགས་པ་སྦྱིན་པར་མི་བྱེད་ཅིང་འཁོར་དེ་ནས་འགྲོ་བར་བྱེད་པ་དེ་ནི་ཡོད་དོ། །དེ་ཅིའི་ཕྱིར་ཞེ་ན། འདི་ལྟར་དེ་ནི་སྔོན་གྱི་མཐར་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བཤད་པའི་ཚེ་
D11.032.0287a07.01