完整藏文原文 · 德格版页 当前仅加载第 32 函德格 120a 版页；藏文 NFD、目录标记与异常页序保留在来源切片中，重复版页行以稳定序号区分。
པ་མ་ལགས། མཚན་མ་མ་མཆིས་པ་ནི་ཆོས་གང་ཡང་སྐོར་བར་བགྱིད་པའམ། ལྡོག་པར་བགྱིད་པ་མ་ལགས། སྨོན་པ་མ་མཆིས་པ་ནི་ཆོས་གང་ཡང་སྐོར་བར་བགྱིད་པའམ། ལྡོག་པར་བགྱིད་པ་མ་ལགས་པའི་སླད་དུ་སྟེ། གང་དེ་ལྟར་ཤེས་རབ་
D11.032.0120a01.01ཀྱི་ཕ་རོལ་ཏུ་ཕྱིན་པ་རྗོད་པ་དང་། འཆད་པ་དང་། འདོགས་པ་དང་། འཇོག་པ་དང་། རྣམ་པར་འབྱེད་པ་དང་། རྣམ་པར་འགྲེལ་པ་དང་། གསལ་བར་བགྱིད་པ་དང་། འཇུག་པར་བགྱིད་པ་དང་། འཆད་པར་བགྱིད་པ་འདི་ནི་ཤེས་རབ་ཀྱི་ཕ་རོལ་ཏུ་ཕྱིན་པ་བཤད་པ་ཡོངས་སུ་
D11.032.0120a02.01དག་པ་ལགས་སོ། །ཤེས་རབ་ཀྱི་ཕ་རོལ་ཏུ་ཕྱིན་པ་བཤད་པ་འདི་ནི་སུས་ཀྱང་བཤད་པ་མ་མཆིས་ལ་བསྟན་པ་ཡང་མ་མཆིས་ཏེ། སུས་ཀྱང་དྲིས་པ་ཡང་མ་མཆིས། སུས་ཀྱང་མངོན་སུམ་དུ་བགྱིད་པ་ཡང་མ་མཆིས་ལགས་སོ། །དེ་ལ་ནི་གང་ཡང་མྱ་ངན་ལས་འདས་པ་མ་
D11.032.0120a03.01མཆིས་ཏེ། ཆོས་བསྟན་པ་འདི་ལ་ནི་ཡོན་གནས་སུ་བགྱི་བ་གང་ཡང་མ་མཆིས་ལགས་སོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། བྱེད་པ་པོ་དང་། བྱེད་པ་པོ་མེད་པའི་ལེའུ་ཞེས་བྱ་སྟེ། བཅུ་དགུ་པའོ།། །།དེ་ནས་བཅོམ་ལྡན་འདས་ལ་ཚེ་དང་ལྡན་
D11.032.0120a04.01པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ཕ་རོལ་ཏུ་ཕྱིན་པ་མཐའ་ཡས་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ནམ་མཁའ་མཐའ་ཡས་པ་ཉིད་ཀྱི་ཕྱིར་རོ། །བཙུན་
D11.032.0120a05.01པ་བཅོམ་ལྡན་འདས་ཕ་རོལ་ཏུ་ཕྱིན་པ་འདི་ནི་མཉམ་པ་ཉིད་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཆོས་ཐམས་ཅད་མཉམ་པ་ཉིད་ཀྱི་ཕྱིར་རོ། །བཙུན་པ་བཅོམ་ལྡན་འདས་ཕ་རོལ་ཏུ་ཕྱིན་པ་འདི་ནི་དབེན་པ་ལགས་སོ། །བཅོམ་ལྡན་འདས་ཀྱིས་བཀའ་
D11.032.0120a06.01སྩལ་པ། མཐའ་ལས་འདས་པ་སྟོང་པ་ཉིད་ཀྱི་ཕྱིར་རོ། །བཙུན་པ་བཅོམ་ལྡན་འདས་ཕ་རོལ་ཏུ་ཕྱིན་པ་འདི་ནི་རྫི་བ་མ་མཆིས་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཆོས་ཐམས་ཅད་དམིགས་སུ་མེད་པ་ཉིད་ཀྱི་ཕྱིར་རོ། །བཙུན་པ་བཅོམ་ལྡན་འདས་ཕ་
D11.032.0120a07.01