完整藏文原文 · 德格版页 当前仅加载第 32 函德格 291b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་སྡེ་དང་། ཚིགས་སུ་བཅད་པའི་སྡེ་དང་། ཆེད་དུ་བརྗོད་པའི་སྡེ་དང་། གླེང་གཞིའི་སྡེ་དང་། དེ་ལྟ་བུ་བྱུང་བའི་སྡེ་དང་། སྐྱེས་པ་རབས་ཀྱི་སྡེ་དང་། རྟོགས་པ་བརྗོད་པའི་སྡེ་དང་། རྨད་དུ་བྱུང་བའི་སྡེ་དང་། གཏན་ལ་ཕབ་པ་བསྟན་པའི་སྡེ་རྣམས་ཀྱི་ཆོས་
D11.032.0291b01.01སྟོན་ལ། རིགས་ཀྱི་བུའམ། རིགས་ཀྱི་བུ་མོ་གཞན་ཡང་གང་ལ་ལ་ཞིག་གིས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་བླངས་ཤིང་བཟུང་བ། ཀུན་ཆུབ་པར་བྱས་ཤིང་བླགས་ལ། གཞན་དག་ལ་ཡང་ཆོས་སྟོན་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་རྒྱ་
D11.032.0291b02.01ཆེར་ཡང་དག་པར་སྟོན་ན། དེ་ནི་སངས་རྒྱས་བཅོམ་ལྡན་འདས་རྣམས་དང་། བསོད་ནམས་ཀྱི་ཕུང་པོ་མཚུངས་པར་སྐྱེད་པར་འགྱུར་རོ། །དེ་ཅིའི་ཕྱིར་ཞེ་ན། ཕྱོགས་བཅུའི་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་དག་གི་དེ་བཞིན་གཤེགས་པ་དགྲ་
D11.032.0291b03.01བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱང་འདི་ལས་བྱུང་བ་ཡིན། དེ་བཞིན་གཤེགས་པ་དེ་དག་གི་ཆོ་འཕྲུལ་གསུམ་པོ་དག་ཀྱང་འདི་ལས་བྱུང་བ་ཡིན། དེ་བཞིན་གཤེགས་པ་དེ་དག་གི་མདོའི་སྡེ་དང་། དབྱངས་ཀྱིས་བསྙད་པའི་སྡེ་དང་།
D11.032.0291b04.01ལུང་དུ་བསྟན་པའི་སྡེ་ནས། རྟོགས་པ་བརྗོད་པའི་སྡེ་དང་། གཏན་ལ་ཕབ་པར་བསྟན་པའི་སྡེའི་བར་ཡང་འདི་ལས་བྱུང་བ་ཡིན་པའི་ཕྱིར་རོ། །ཀུན་དགའ་བོ་གཞན་ཡང་ཕྱོགས་བཅུའི་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་དག་གི་དེ་བཞིན་
D11.032.0291b05.01གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ། རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་གིས་མེ་ཏོག་ནས། བ་དན་གྱི་བར་དག་དང་། རོལ་མོའི་སྒྲ་རྣམ་པ་སྣ་ཚོགས་ཀྱིས་བསྟི་སྟང་དུ་བྱས། བླ་མར་བྱས། རིམ་
D11.032.0291b06.01གྲོ་བྱས། མཆོད་པ་བྱས་པ་དང་། གང་གིས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཡི་གེར་བྲིས་སམ། ཡི་གེར་འདྲིར་བཅུག་སྟེ། གླེགས་བམ་དུ་བྱས་པ་ལ་མེ་ཏོག་ནས། བ་དན་གྱི་བར་དག་དང་། རོལ་མོའི་སྒྲ་རྣམ་པ་སྣ་ཚོགས་ཀྱིས་བསྟི་སྟང་དུ་བྱས།
D11.032.0291b07.01