完整藏文原文 · 德格版页 当前仅加载第 32 函德格 146a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བདག་ཀྱང་ཕ་རོལ་ཏུ་ཕྱིན་པ་དྲུག་ལ་སྤྱོད་ལ། སེམས་ཅན་ཐམས་ཅད་ཀྱང་ཕ་རོལ་ཏུ་ཕྱིན་པ་དྲུག་ལ་ཡང་དག་པར་འཛིན་དུ་འཇུག་ཅིང་འགོད་པར་བྱེད་དེ། རབ་འབྱོར་དེ་ལྟར་ན་བྱང་ཆུབ་སེམས་དཔའ་
D11.032.0146a01.01སེམས་དཔའ་ཆེན་པོ་དག་འཇིག་རྟེན་རྣམས་ལ་ཕན་པར་ཡང་དག་པར་ཞུགས་པ་ཡིན་ནོ། །རབ་འབྱོར་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་རྟེན་རྣམས་ལ་བདེ་བའི་ཕྱིར་ཡང་དག་པར་ཞུགས་པ་ཡིན་ཞེ་ན། རབ་འབྱོར་འདི་ལ་བྱང་ཆུབ་སེམས་
D11.032.0146a02.01དཔའ་སེམས་དཔའ་ཆེན་པོ་བདག་ཀྱང་དགེ་བ་བཅུའི་ལས་ཀྱི་ལམ་དག་ལ་གནས་ལ། དེའི་འོག་ཏུ་སེམས་ཅན་གཞན་རྣམས་ཀྱང་དགེ་བ་བཅུའི་ལས་ཀྱི་ལམ་དག་ལ་འགོད་པར་བྱེད་དེ། རབ་འབྱོར་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་
D11.032.0146a03.01རྟེན་རྣམས་ལ་བདེ་བའི་ཕྱིར་ཡང་དག་པར་ཞུགས་པ་ཡིན་ནོ། །རབ་འབྱོར་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་རྟེན་རྣམས་ཀྱི་གནས་སུ་གྱུར་པ་ཡིན་ཞེ་ན། གནས་པར་འོས་པའི་ཕྱིར་དང་། འཇིགས་པ་མེད་པའི་གྲོང་ཁྱེར་དུ་ཕྱིན་པར་བྱེད་པའི་
D11.032.0146a04.01ཕྱིར་ཏེ། རབ་འབྱོར་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་རྟེན་རྣམས་ཀྱི་གནས་སུ་གྱུར་པ་ཡིན་ནོ། །རབ་འབྱོར་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་རྟེན་རྣམས་ཀྱི་སྐྱོབ་པ་ཡིན་ཞེ་ན། རབ་འབྱོར་འདི་ལ་
D11.032.0146a05.01བྱང་ཆུབ་སེམས་དཔའ་སེམས་དཔའ་ཆེན་པོ་དག་ངན་སོང་གསུམ་དུ་སྐྱེས་པ་དག་མཐོང་ནས། ངན་སོང་དེ་དག་ནས་སྐྱོབ་པར་བྱེད་ཅིང་། ཞི་བའི་གནས་ཀྱང་ཡང་དག་པར་འཛིན་དུ་འཇུག་ལ་འགོད་པར་བྱེད་དེ། རབ་འབྱོར་དེ་ལྟར་ན་བྱང་ཆུབ་སེམས་དཔའ་སེམས་
D11.032.0146a06.01དཔའ་ཆེན་པོ་དག་འཇིག་རྟེན་རྣམས་ཀྱི་སྐྱོབ་པ་ཡིན་ནོ། །རབ་འབྱོར་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དག་འཇིག་རྟེན་རྣམས་ཀྱི་སྐྱབས་སུ་འོས་པ་ཡིན་ཞེ་ན། རབ་འབྱོར་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དག་རྟེན་མེད་པའི་ཆོས་
D11.032.0146a07.01