完整藏文原文 · 德格版页 当前仅加载第 32 函德格 150a 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེ་བ་མེད་པ་དང་། འགག་པ་མེད་པ་དང་། ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་དག་ལ་ནི་འགྲོ་བའམ། འོང་བ་ཅི་ཡང་མི་དམིགས་སོ། །རབ་འབྱོར་ཆོས་ཐམས་ཅད་ནི་སྒྱུ་མ་དང་། སྨིག་རྒྱུ་དང་། ཆུ་ཟླ་དང་། རྨི་ལམ་དང་།
D11.032.0150a01.01མིག་ཡོར་དང་། བྲག་ཅ་དང་། སྤྲུལ་པའི་ཚུལ་ཅན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཀྱང་ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར་སྒྱུ་མ་དང་། སྨིག་རྒྱུ་དང་། ཆུ་ཟླ་དང་། རྨི་ལམ་དང་། མིག་ཡོར་དང་། བྲག་ཅ་དང་།
D11.032.0150a02.01སྤྲུལ་པ་དག་ལ་ནི་འགྲོ་བའམ། འོང་བ་ཅི་ཡང་མི་དམིགས་པའི་ཕྱིར་རོ། །རབ་འབྱོར་ཆོས་ཐམས་ཅད་ནི་དབྲི་བ་མེད་པ་དང་། བསྣན་པ་མེད་པའི་ཚུལ་ཅན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཀྱང་ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན།
D11.032.0150a03.01རབ་འབྱོར་དབྲི་བ་མེད་པ་དང་། བསྣན་པ་མེད་པའི་ཚུལ་ཅན་ལ་ནི་འགྲོ་བའམ། འོང་བ་ཅི་ཡང་མི་དམིགས་པའི་ཕྱིར་རོ། །རབ་འབྱོར་ཆོས་ཐམས་ཅད་ནི་མ་འོངས་པའི་ཚུལ་ཅན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཀྱང་ཚུལ་དེ་ལས་མི་འདའོ། །
D11.032.0150a04.01དེ་ཅིའི་ཕྱིར་ཞེ་ན། རབ་འབྱོར་མ་འོངས་པའི་ཚུལ་ཅན་ལ་ནི་འགྲོ་བའམ། འོང་བ་ཅི་ཡང་མི་དམིགས་པའི་ཕྱིར་རོ། །རབ་འབྱོར་དེ་བཞིན་དུ་སྦྱར་ཏེ། ཆོས་ཐམས་ཅད་ནི་བླང་དུ་མེད་པ་དང་། དོར་དུ་མེད་པའི་བར་གྱི་ཚུལ་ཅན་ཏེ། བྱང་ཆུབ་སེམས་དཔའ་སེམས་
D11.032.0150a05.01དཔའ་ཆེན་པོ་དེ་དག་ཀྱང་ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར་བླང་དུ་མེད་པ་དང་། དོར་དུ་མེད་པ་ལ་ནི་འགྲོ་བའམ། འོང་བ་ཅི་ཡང་མི་དམིགས་པའི་ཕྱིར་རོ། །རབ་འབྱོར་ཆོས་ཐམས་ཅད་ནི་འདྲེ་བ་མེད་པའི་ཚུལ་ཅན་ཏེ། བྱང་ཆུབ་སེམས་དཔའ་སེམས་
D11.032.0150a06.01དཔའ་ཆེན་པོ་དེ་དག་ཀྱང་ཚུལ་དེ་ལས་མི་འདའོ། །དེ་ཅིའི་ཕྱིར་ཞེ་ན། རབ་འབྱོར་འདྲེ་བ་མེད་པ་ལ་འགྲོ་བའམ། འོང་བ་ཅི་ཡང་དམིགས་སུ་མེད་པའི་ཕྱིར་རོ། །རབ་འབྱོར་ཆོས་ཐམས་ཅད་ནི་བདག་མེད་པའི་ཚུལ་ཅན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་
D11.032.0150a07.01