完整藏文原文 · 德格版页 当前仅加载第 32 函德格 165a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལྟར་ན་གནས་བརྟན་རབ་འབྱོར་དེ་བཞིན་གཤེགས་པའི་རྗེས་སུ་སྐྱེས་པ་ཡིན་ནོ། །ཇི་ལྟར་དེ་བཞིན་གཤེགས་པའི་དེ་བཞིན་ཉིད་གང་ལ་ཡང་ཐོགས་པ་མེད་པ་དེ་བཞིན་དུ་ཆོས་ཐམས་ཅད་ཀྱི་དེ་བཞིན་ཉིད་ཀྱང་གང་ལ་ཡང་ཐོགས་པ་མེད་དེ། དེ་
D11.032.0165a01.01བཞིན་གཤེགས་པའི་དེ་བཞིན་ཉིད་གང་ཡིན་པ་དང་། ཆོས་ཐམས་ཅད་ཀྱི་དེ་བཞིན་ཉིད་གང་ཡིན་པའི་དེ་བཞིན་ཉིད་དེ་ནི་གཅིག་པ་ཉིད་དེ་གཉིས་སུ་མེད་ཅིང་གཉིས་སུ་དབྱེར་མེད་དོ། །དེ་བཞིན་ཉིད་དེ་ནི་མ་བྱས་པ་སྟེ། དེ་ནི་ནམ་ཡང་དེ་བཞིན་ཉིད་མ་ཡིན་པ་མ་ཡིན་ནོ། །
D11.032.0165a02.01གང་གི་ཕྱིར་དེ་རྟག་ཏུ་དེ་བཞིན་ཉིད་གང་ཡིན་པ་དེའི་ཕྱིར་དེ་གཉིས་སུ་མེད་ཅིང་། གཉིས་སུ་དབྱེར་མེད་དེ། དེ་ལྟར་ན་གནས་བརྟན་རབ་འབྱོར་དེ་བཞིན་གཤེགས་པའི་རྗེས་སུ་སྐྱེས་པ་ཡིན་ནོ། །ཇི་ལྟར་དེ་བཞིན་གཤེགས་པའི་དེ་བཞིན་ཉིད་ཐ་མི་དད་ཅིང་བྱེ་བྲག་མེད་ལ།
D11.032.0165a03.01གཉིས་སུ་མེད་པ་དེ་ལྟར་གནས་བརྟན་རབ་འབྱོར་དེ་བཞིན་གཤེགས་པའི་རྗེས་སུ་སྐྱེས་པ་ཡིན་ནོ། །དེ་བཞིན་གཤེགས་པའི་དེ་བཞིན་ཉིད་གང་ཡིན་པ་དེ་ནི་ཆོས་ཐམས་ཅད་ཀྱི་དེ་བཞིན་ཉིད་ལས་གུད་ན་མེད་ལ། དེ་ནི་ནམ་ཡང་དེ་བཞིན་ཉིད་མ་ཡིན་པ་མ་ཡིན་ཏེ། དེ་ལྟར་
D11.032.0165a04.01ན་གནས་བརྟན་རབ་འབྱོར་དང་ཐ་མི་དད་པའི་ཕྱིར་དེ་བཞིན་གཤེགས་པའི་རྗེས་སུ་སྐྱེས་པ་ཡིན་ནོ། །དེ་བཞིན་གཤེགས་པའི་དེ་བཞིན་ཉིད་གང་ཡིན་པ་དེ་ནི་འདས་པ་མ་ཡིན། མ་འོངས་པ་མ་ཡིན། ད་ལྟར་བྱུང་བ་མ་ཡིན་ལ། དེ་བཞིན་དུ་ཆོས་ཐམས་ཅད་ཀྱི་དེ་
D11.032.0165a05.01བཞིན་ཉིད་ཀྱང་འདས་པ་མ་ཡིན། མ་འོངས་པ་མ་ཡིན། ད་ལྟར་བྱུང་བ་མ་ཡིན་ཏེ། དེ་ལྟར་ན་གནས་བརྟན་རབ་འབྱོར་དེ་བཞིན་གཤེགས་པའི་རྗེས་སུ་སྐྱེས་པ་ཞེས་བྱའོ། །འདས་པའི་དེ་བཞིན་ཉིད་ནི་དེ་བཞིན་གཤེགས་པའི་དེ་བཞིན་ཉིད་ཡིན་ལ། དེ་བཞིན་
D11.032.0165a06.01གཤེགས་པའི་དེ་བཞིན་ཉིད་ནི་འདས་པའི་དེ་བཞིན་ཉིད་ཡིན་ནོ། །མ་འོངས་པའི་དེ་བཞིན་ཉིད་ནི་དེ་བཞིན་གཤེགས་པའི་དེ་བཞིན་ཉིད་ཡིན་ལ། དེ་བཞིན་གཤེགས་པའི་དེ་བཞིན་ཉིད་ནི་མ་འོངས་པའི་དེ་བཞིན་ཉིད་ཡིན་ནོ། །ད་ལྟར་བྱུང་བའི་དེ་བཞིན་ཉིད་ནི་དེ་བཞིན་
D11.032.0165a07.01