完整藏文原文 · 德格版页 当前仅加载第 32 函德格 263a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་ཆེན་པོའི་གོས་ཀྱི་སྤྱོད་པ་ནི་སྨད་དུ་མེད་པ་ཡིན། རྟག་ཏུ་གཙང་སྦྲ་ཅན་ཡིན་ཞིང་དྲི་ང་བ་མེད་ལ། དེ་ནད་ཉུང་བ་དང་རྡུལ་དང་། དྲི་མ་དང་བྲལ་བ་ཡིན་ཏེ། རབ་འབྱོར་རྣམ་པ་དང་། རྟགས་དང་མཚན་མ་དེ་དག་དང་ལྡན་པའི་བྱང་ཆུབ་སེམས་
D11.032.0263a01.01དཔའ་སེམས་དཔའ་ཆེན་པོ་ནི་ཕྱིར་མི་ལྡོག་པར་སྟོན་ཏོ། །རབ་འབྱོར་གཞན་ཡང་ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེའི་ལུས་ལ་ནི་མིར་གྱུར་པ་རྣམས་ཀྱི་ལུས་ལ་སྲིན་བུའི་རིགས་བརྒྱད་ཁྲི་གང་དག་ཡོད་ཅིང་ལུས་དེ་ཉིད་ལ་ཟ་བ་དེ་དག་མེད་དོ། །
D11.032.0263a02.01དེ་ཅིའི་ཕྱིར་ཞེ་ན། རབ་འབྱོར་བྱང་ཆུབ་སེམས་དཔའ་དེའི་དགེ་བའི་རྩ་བ་གང་དག་ཡིན་པ་དེ་དག་ནི་འཇིག་རྟེན་ཐམས་ཅད་ལས་མངོན་པར་འཕགས་པ་དང་། འཇིག་རྟེན་ཐམས་ཅད་ལས་རབ་མཆོག་ཏུ་གྱུར་པ་ཡིན་ཏེ། དེའི་ཕྱིར་བྱང་ཆུབ་སེམས་དཔའ་དེའི་ལུས་ལ་སྲིན་བུའི་
D11.032.0263a03.01རིགས་དེ་དག་མེད་དོ། །རབ་འབྱོར་ཇི་ལྟ་ཇི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དེའི་དགེ་བའི་རྩ་བ་དེ་དག་ཤིན་ཏུ་རྣམ་པར་འཕེལ་བ་དེ་ལྟ་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཆེས་རྒྱ་ཆེར་ལུས་དང་། ངག་དང་ཡིད་ཡོངས་སུ་དག་པ་ཡོངས་སུ་
D11.032.0263a04.01འཛིན་ཏོ། །གྲང་བ་དང་། དྲོ་བ་དང་། བཀྲེས་པ་དང་། སྐོམ་པ་དང་། ཉི་མ་དང་། རླུང་དང་། ཤ་སྦྲང་གི་རེག་པ་དག་བཟོད་པ་ཡིན་ཏེ། རབ་འབྱོར་རྣམ་པ་དང་། རྟགས་དང་མཚན་མ་དེ་དག་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཕྱིར་མི་
D11.032.0263a05.01ལྡོག་པར་སྟོན་ཏོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་དེའི་ལུས་ཡོངས་སུ་དག་པ་དེ་གང་ལགས། ངག་ཡོངས་སུ་དག་
D11.032.0263a06.01པ་གང་ལགས། ཡིད་ཡོངས་སུ་དག་པ་གང་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར་འདི་ལ་ཇི་ལྟ་ཇི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དེའི་དགེ་བའི་རྩ་བ་དེ་དག་རྣམ་
D11.032.0263a07.01