完整藏文原文 · 德格版页 当前仅加载第 32 函德格 124b 版页；藏文 NFD、目录标记与异常页序保留在来源切片中，重复版页行以稳定序号区分。
པ་མེད་པའི་མཚན་ཉིད་ཡིན་ནོ། །ལྷ་དག་དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ནི་མངོན་པར་འདུ་བྱེད་པ་མེད་པའི་མཚན་ཉིད་དང་། སྐྱེ་བ་མེད་པའི་མཚན་ཉིད་དང་། འགག་པ་མེད་པའི་མཚན་ཉིད་དང་། ཀུན་ནས་ཉོན་མོངས་པ་མེད་པའི་མཚན་ཉིད་དང་།
D11.032.0124b01.01རྣམ་པར་བྱང་བ་མེད་པའི་མཚན་ཉིད་དང་། དངོས་པོ་མེད་པའི་མཚན་ཉིད་ཡིན་ནོ། །ལྷ་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ནི་མཚན་ཉིད་དེ་ལྟ་བུ་ཡིན་ཡང་དེ་བཞིན་གཤེགས་པ་འཇིག་རྟེན་གྱི་དོན་དུ་མིང་དང་། བརྡ་དང་། གདགས་པ་དང་། ཐ་སྙད་ཀྱིས་
D11.032.0124b02.01ཐ་སྙད་དུ་འདོགས་པར་མཛད་དེ། ལྷ་དག་དེ་དག་དོན་དམ་པར་ནི་མ་ཡིན་ཏེ། ལྷ་དང་མི་དང་། ལྷ་མ་ཡིན་དུ་བཅས་པའི་འཇིག་རྟེན་གྱིས་དཀྲུག་པར་མི་ནུས་སོ། །དེ་ཅིའི་ཕྱིར་ཞེ་ན། འདི་ལྟར་ལྷ་དང་མི་དང་ལྷ་མ་ཡིན་དུ་བཅས་པའི་འཇིག་རྟེན་ཡང་དེའི་མཚན་ཉིད་
D11.032.0124b03.01ཁོ་ན་ཡིན་པའི་ཕྱིར་རོ། །ལྷ་དག་དེ་བཞིན་དུ་མཚན་ཉིད་ཀྱིས་མཚན་ཉིད་རབ་ཏུ་མི་ཤེས། མཚན་ཉིད་ཀྱིས་མཚན་ཉིད་མེད་པ་ཡང་རབ་ཏུ་མི་ཤེས། མཚན་ཉིད་མེད་པས་མཚན་ཉིད་རབ་ཏུ་མི་ཤེས། མཚན་ཉིད་མེད་པས་མཚན་ཉིད་མེད་པ་ཡང་རབ་ཏུ་མི་ཤེས་ཏེ།
D11.032.0124b04.01ལྷ་དག་དེ་ལྟར་ན་མཚན་ཉིད་དང་། མཚན་ཉིད་མེད་པ་དང་། མཚན་ཉིད་ཀྱི་མཚན་ཉིད་དང་། དེ་དག་གཉི་ག་གང་གིས་ཤེས་པར་འགྱུར་བ་དང་། གང་ཤེས་པར་འགྱུར་བ་མི་སྲིད་པའི་ཕྱིར་རོ། །ལྷ་དག་མཚན་ཉིད་དེ་དག་ནི་གཟུགས་ཀྱིས་མངོན་པར་འདུས་བྱས་པ་མ་
D11.032.0124b05.01ཡིན། ཚོར་བ་དང་། འདུ་ཤེས་དང་། འདུ་བྱེད་རྣམས་ཀྱིས་མངོན་པར་འདུས་བྱས་པ་མ་ཡིན། རྣམ་པར་ཤེས་པས་མངོན་པར་འདུས་བྱས་པ་མ་ཡིན། ནང་སྟོང་པ་ཉིད་ཀྱིས་མངོན་པར་འདུས་བྱས་པ་མ་ཡིན། ཕྱི་སྟོང་པ་ཉིད་ཀྱིས་མངོན་པར་འདུས་བྱས་པ་མ་ཡིན། ཕྱི་
D11.032.0124b06.01ནང་སྟོང་པ་ཉིད་ཀྱིས་མངོན་པར་འདུས་བྱས་པ་མ་ཡིན། དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་གྱིས་མངོན་པར་འདུས་བྱས་པ་མ་ཡིན། དྲན་པ་ཉེ་བར་གཞག་པ་ནས། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱིས་
D11.032.0124b07.01