完整藏文原文 · 德格版页 当前仅加载第 25 函德格 227a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ཐོགས་པར་འགྱུར་བའི་དངོས་པོ་འམ། གང་ལ་ཐོགས་པར་གྱུར་ནས། ཞུམ་པར་གྱུར་པའམ། ཞུམ་པར་གྱུར་ནས། སྒྱིད་ལུག་པར་འགྱུར་བ་འམ། སྒྱིད་ལུག་པར་གྱུར་ནས། ཚི་ཆད་པར་འགྱུར་བ་འམ་ཚི་ཆད་
D8.025.0227a01.01པར་གྱུར་ནས། ལེ་ལོར་འགྱུར་བའི་དངོས་པོ་ཡང་དག་པར་རྗེས་སུ་མི་མཐོང་སྟེ། ཤ་ར་དྭ་ཏིའི་བུ་སེམས་ཅན་རྣམས་རྨོངས་པས་ཕུང་པོ་ཞེས་བྱ་བ་འམ། ཁམས་ཤེས་བྱ་བྱ་བའམ། སྐྱེ་མཆེད་ཅེས་བྱ་བ་འམ། རྟེན་ཅིང་འབྲེལ་པར་འབྱུང་བ་
D8.025.0227a02.01ཞེས་བྱ་བ་འམ་རྟེན་ཅིང་འབྲེལ་པར་འབྱུང་བའི་ཆོས་ཤེས་བྱ་བར་མངོན་པར་ཞེན་པ་མ་གཏོགས་པར། ཆོས་ཐམས་ཅད་ནི་དངོས་པོ་{མྱེད་,མེད་}པའོ། །སྲོག་{མྱེད་,མེད་}པའོ། །སྲོག་དང་བྲལ་བའོ། །དངོས་པོ་{མྱེད་,མེད་}པའི་ངོ་བོ་ཉིད་དོ། །རང་བཞིན་
D8.025.0227a03.01གྱིས་སྟོང་པའོ། །རང་གི་མཚན་ཉིད་ཀྱིས་སྟོང་པའོ། །དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། ཆོས་ཐམས་ཅད་དངོས་པོ་{མྱེད་,མེད་}པའི་ངོ་བོ་ཉིད་དང་། རང་བཞིན་སྟོང་པ་
D8.025.0227a04.01དང་། རང་གི་མཚན་ཉིད་སྟོང་པར་ཡང་དག་པར་རྗེས་སུ་མཐོང་ནས་སྒྱུ་མའི་མཁན་པོ་ལྟ་བུའི་ལུས་བྱིན་གྱིས་བརླབས་ནས། སེམས་ཅན་རྣམས་ལ་ཆོས་སྟོན་ཏེ། སེམས་ཅན་གང་སེར་སྣ་ཅན་དུ་གྱུར་པ་དེ་དག་ལ་སྦྱིན་པའི་གཏམ་
D8.025.0227a05.01བྱེད་དོ། །ཚུལ་ཁྲིམས་ངན་པ་ཅན་རྣམས་ལ་ཚུལ་ཁྲིམས་ཀྱི་གཏམ་བྱེད་དོ། །གནོད་སེམས་ཅན་རྣམས་ལ་བཟོད་པའི་གཏམ་བྱེད་དོ། །ལེ་ལོ་ཅན་རྣམས་ལ་བརྩོན་འགྲུས་ཀྱི་གཏམ་བྱེད་དོ། །སེམས་གཡེང་བ་རྣམས་ལ་ཏིང་
D8.025.0227a06.01ངེ་འཛིན་གྱི་གཏམ་བྱེད་དོ། །ཤེས་རབ་འཆལ་བ་ཅན་རྣམས་ལ་ཤེས་རབ་ཀྱི་གཏམ་བྱེད་དོ། །གང་གི་ཚེ་སེམས་ཅན་དེ་དག་སྦྱིན་པ་ལ་བཀོད་པར་གྱུར་པ་དང་། ཚུལ་ཁྲིམས་ལ་བཀོད་པར་གྱུར་པ་དང་། བཟོད་པ་ལ་བཀོད་པར་གྱུར་པ་
D8.025.0227a07.01