德格《甘珠尔》D8

{མྱེད་,མེད་}པའི་ཚུལ་གྱིས་རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་{མྱེད་,མེད་}པ་དང་། སྨོན་པ་{མྱེད་,མེད་}པ་ཡོངས་སུ་རྫོགས་པར་བྱེད་དོ། །མཚན་མ་{མྱེད་,མེད་}པའི་ཚུལ་གྱིས་མངོན་པར་ཤེས་པ་རྣམས་ཡོངས་སུ་རྫོགས་པར་བྱེད་དོ། །མཚན་མ་{མྱེད་,མེད་}པའི་ཚུལ་གྱིས་ཏིང་ངེ་འཛིན་རྣམས་

ཡོངས་སུ་རྫོགས་པར་བྱེད་དོ། །མཚན་མ་{མྱེད་,མེད་}པའི་ཚུལ་གྱིས་གཟུངས་ཀྱི་སྒོ་རྣམས་ཡོངས་སུ་རྫོགས་པར་བྱེད་དོ། །མཚན་མ་{མྱེད་,མེད་}པའི་ཚུལ་གྱིས་དེ་བཞིན་གཤེགས་པའི་སྟོབས་བཅུ་ཡོངས་སུ་རྫོགས་པར་བྱེད་དོ། །མཚན་མ་{མྱེད་,མེད་}པའི་ཚུལ་གྱིས་

{མྱི་,མི་}འཇིགས་པ་བཞི་ཡོངས་སུ་རྫོགས་པར་བྱེད་དོ། །མཚན་མ་{མྱེད་,མེད་}པའི་ཚུལ་གྱིས་སོ་སོ་ཡང་དག་པར་རིག་པ་བཞི་ཡོངས་སུ་རྫོགས་པར་བྱེད་དོ། །མཚན་མ་{མྱེད་,མེད་}པའི་ཚུལ་གྱིས་བྱམས་པ་ཆེན་པོ་ཡོངས་སུ་རྫོགས་པར་བྱེད་དོ། །མཚན་མ་{མྱེད་,མེད་}པའི་ཚུལ་གྱིས་སྙིང་

རྗེ་ཆེན་པོ་ཡོངས་སུ་རྫོགས་པར་བྱེད་དོ། །མཚན་མ་{མྱེད་,མེད་}པའི་ཚུལ་གྱིས་སངས་རྒྱས་ཀྱི་ཆོས་མ་འདྲེས་པ་{བཅྭོ་,བཅོ་}བརྒྱད་ཡོངས་སུ་རྫོགས་པར་བྱེད་དོ། །དེ་དགེ་བའི་ཆོས་དེ་དག་ཡོངས་སུ་རྫོགས་པར་བྱས་ནས། མཚན་མ་{མྱེད་,མེད་}པའི་ཚུལ་གྱིས་གཞན་ཡང་

དགེ་བའི་ཆོས་དེ་དག་ལ་སྦྱོར་ཏེ། རབ་འབྱོར་གལ་ཏེ་ཆུང་ངུ་ན་སྐྲའི་རྩེ་མོའི་ཆ་ཤས་བཞག་པ་ཙམ་གྱི་ཁྱོན་ཅིག་མཚན་མ་ཡོད་ན་ཡང་། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། ཆོས་མཚན་མ་{མྱེད་,མེད་}

པ་དྲན་པ་{མྱེད་,མེད་}པ། ཡིད་ལ་བྱེད་པ་{མྱེད་,མེད་}པ་དེ་མངོན་པར་རྫོགས་པར་འཚང་རྒྱ་བར་{མྱི་,མི་}འགྱུར་ཏེ། སེམས་ཅན་རྣམས་ཀྱང་དེ་བཞིན་ཉིད་དང་ཟག་པ་{མྱེད་,མེད་}པའི་ཆོས་རྣམས་ལ་གཞོག་པར་{མྱི་,མི་}འགྱུར་རོ། །རབ་འབྱོར་ཟག་པ་{མྱེད་,མེད་}པའི་ཆོས་

ཐམས་ཅད་ནི་མཚན་མ་{མྱེད་,མེད་}པ་དྲན་པ་{མྱེད་,མེད་}པ་ཡིད་ལ་བྱེད་པ་{མྱེད་,མེད་}པ་སྟེ། རབ་འབྱོར་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། ཟག་པ་{མྱེད་,མེད་}པའི་ཆོས་རྣམས་ཀྱིས་སེམས་