完整藏文原文 · 德格版页 当前仅加载第 24 函德格 294a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་འབྲས་བུ་ཡང་ག་ལ་ཡོད། ཕྱིར་{མྱི་,མི་}འོང་བའི་འབྲས་བུ་ཡང་ག་ལ་ཡོད། དགྲ་བཅོམ་པ་ཉིད་ཀྱང་ག་ལ་ཡོད། རང་བྱང་ཆུབ་ཀྱང་ག་ལ་ཡོད། ལམ་གྱི་རྣམ་པ་ཤེས་པ་ཉིད་ཀྱང་ག་ལ་ཡོད། རྣམ་པ་ཐམས་ཅད་
D8.024.0294a01.01མཁྱེན་པ་ཉིད་ཀྱང་ག་ལ་ཡོད། བག་ཆགས་ཀྱི་མཚམས་སྦྱོར་བའི་ཉོན་མོངས་པ་ཐམས་ཅད་སྤངས་པ་ཡང་ག་ལ་ཡོད། །ཤེས་རབ་ཀྱི་ཕ་རོལ་ཏུ་{ཕྱིནད་,ཕྱིན་}པ་སྟོང་ཕྲག་བརྒྱ་པ་ལས། ལེའུ་ལྔ་བཅུ་དགུའོ།། །།
D8.024.0294a02.01། །དེ་ནས་ཚེ་དང་ལྡན་པ་རབ་འབྱོར་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གལ་ཏེ་དེ་ལྟར་དངོས་པོའི་འདུ་ཤེས་ཅན་ལ་མཐུན་པའི་བཟོད་པ་ཡང་མ་མཆིས་པས། འཐོབ་པ་ལྟ་ག་ལ་
D8.024.0294a03.01མཆིས་ཏེ་མ་མཆིས། མངོན་པར་རྟོགས་པ་ལྟ་ཡང་ག་ལ་མཆིས་ཏེ། མ་མཆིས་ན་ཅི་ལགས། བཅོམ་ལྡན་འདས་དངོས་པོ་མ་མཆིས་པའི་འདུ་ཤེས་ཅན་ལ་མཐུན་པའི་བཟོད་པའམ། དཀར་པོ་རྣམ་པར་མཐོང་བའི་སའམ། རིགས་
D8.024.0294a04.01ཀྱི་ས་འམ། བརྒྱད་པའི་སའམ། མཐོང་བའི་ས་འམ། བསྲབས་པའི་སའམ། འདོད་ཆགས་དང་བྲལ་བའི་སའམ། བྱས་པ་རྟོགས་པའི་སའམ། རང་སངས་རྒྱས་ཀྱི་ས་འམ། བྱང་ཆུབ་སེམས་དཔའི་སའམ། སངས་རྒྱས་ཀྱི་
D8.024.0294a05.01ས་འམ། ལམ་བསྒོམ་པ་གང་ལ་བརྟེན་ཅིང་། ཉོན་མོངས་པ་གང་གིས་བསྒྲིབས་པས། བྱང་ཆུབ་སེམས་དཔའི་སྐྱོན་མ་མཆིས་པར་ཆུད་པར་{མྱི་,མི་}འགྱུར་བ་དང་། བྱང་ཆུབ་སེམས་དཔའི་སྐྱོན་མ་མཆིས་པར་མ་ཆུད་པས། རྣམ་པ་
D8.024.0294a06.01ཐམས་ཅད་མཁྱེན་པ་ཉིད་ཐོབ་པར་{མྱི་,མི་}འགྱུར་བ་དང་། རྣམ་པ་ཐམས་ཅད་མཁྱེན་པ་ཉིད་མ་ཐོབ་པས། བག་ཆགས་ཀྱི་མཚམས་སྦྱོར་བའི་ཉོན་མོངས་པ་ཐམས་ཅད་མི་སྤོངས་པའི་སྒྲིབ་པ་ཉན་ཐོས་དང་ལྡན་པའམ། རང་སངས་རྒྱས་
D8.024.0294a07.01