完整藏文原文 · 德格版页 当前仅加载第 7 函德格 282a 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་པ། ཤེས་ལྡན་དག་ཁོ་བོ་ཡང་ཁྱེད་དང་ལྷན་ཅིག་མཉན་ཡོད་དུ་འགྲོའོ། །དེ་དག་གིས་སྨྲས་པ། འཕགས་པ་དེ་ལྟར་མཛོད་ཅིག །དེ་དག་གིས་ཐབས་ཡིན་ནོ་ཞེས་བྱས་ནས་འགྱོད་པ་སྐྱེས་ཏེ་དེ་དག་གིས་སྨྲས་པ། འཕགས་
D3.007.0282a01.01པ་བདག་ཅག་ནི་ཚོང་པ་ཤོ་གམ་འདྲལ་བ་དག་ལགས་པས་དུས་སུ་ཡང་མཆི། དུས་མ་ལགས་པར་ཡང་མཆི། ཤུལ་དུ་ཡང་མཆི། ཤུལ་གོལ་བར་ཡང་མཆི་བས་ཁྱོད་ཀྱིས་བདག་ཅག་དང་ལྷན་ཅིག་བཞུད་མི་སྤྱོད་དོ། །དེས་སྨྲས་པ། ཅི་ཁྱེད་ཅག་སྟོང་པར་འདོང་
D3.007.0282a02.01ངམ། འོན་ཏེ་ཁུར་དག་གིས་འདོང་། དེ་དག་གིས་སྨྲས་པ། ཁུར་དག་གིས་མཆིའོ། །དེས་སྨྲས་པ། ཁྱེད་ཅག་ཁུར་དག་གིས་འདོང་ན་ཁོ་བོ་སྟོང་པར་འགྲོ་བ་ཅིའི་ཕྱིར་ཁྱེད་ཀྱི་ཕྱི་བཞིན་འགྲོ་མི་ནུས། དེ་དག་གིས་སྨྲས་པ། གལ་ཏེ་སྤྱོད་ན་བཞུད་ཀྱིས་ཕྱོགས་
D3.007.0282a03.01འདིར་བཞུད་ལ་བདག་ཅག་མ་མཆིས་ཀྱི་བར་དུ་གཞེས་ཤིག །དེ་དེར་སོང་སྟེ་བསྡད་པ་དང་། ཇི་ཙམ་ན་ཚོང་པ་ཤོ་གམ་འདྲལ་བ་དེ་དག་འོངས་ནས་དེ་དེ་དག་དང་ལྷན་ཅིག་འཕགས་སོ། །ཇི་ཙམ་ན་རི་བྲགས་ཤིག་ཏུ་ཤོ་གམ་གྱི་གནས་སུ་ཕྱིན་པ་དང་།
D3.007.0282a04.01ཚོང་པ་ཤོ་གམ་འདྲལ་བ་དེ་དག་ཤོ་གམ་གཅོད་པ་དག་གིས་འཇིགས་པས་ལམ་གོལ་བ་ནས་འགྲོ་བར་བརྩམས་པ་དང་། དགེ་སློང་དེ་ཡང་མདུན་དུ་སོང་ངོ་། །དེ་དག་ལམ་གོལ་བ་ནས་འདོང་བ་ན་དེ་དག་ཤོ་གམ་པ་དག་གིས་མཐོང་ནས། དེ་དག་
D3.007.0282a05.01གིས་སྨྲས་པ། ཀྭའི་ཚོང་པ་ཤོ་གམ་འདྲལ་བ་དག་གར་འདོང་། དེ་དག་གིས་དགེ་སློང་དེ་མདུན་དུ་འགྲོ་བ་མཐོང་ནས། དེ་དག་གིས་སྨྲས་པ། ཤེས་ལྡན་དག་ཚོང་པ་ཤོ་གམ་འདྲལ་བ་འདི་དག་གིས་མ་ཉེས་ཀྱི་ཤཱཀྱའི་བུའི་དགེ་སྦྱོང་མདུན་དུ་འགྲོ་བ་འདིས་ཉེས་
D3.007.0282a06.01ཀྱིས་འདི་གསད་པར་བྱའོ་ཞེས་དེ་དག་གིས་དགེ་སློང་དེ་ཤིན་ཏུ་བརྡེགས་ཏེ་ལྷུང་བཟེད་ཀྱང་བཅག །ཕོར་བུ་དང་། ཁར་བ་དག་ཀྱང་བཅག །ཆོས་གོས་དག་ཀྱང་དྲལ་ཏེ་ཤིའོ་སྙམ་ནས་བོར་རོ། །ཚོང་པ་ཤོ་གམ་འདྲལ་བ་དེ་དག་གིས་དགེ་སློང་དེ་
D3.007.0282a07.01