完整藏文原文 · 德格版页 当前仅加载第 7 函德格 241b 版页；藏文 NFD、目录标记与异常页序保留在来源切片中，重复版页行以稳定序号区分。
པ་མཐའ་དག་མཛད་ནས། ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་པ་དེའི་ཚེ་ན། རྒྱལ་པོ་ཀྲྀ་ཀཱི་ཞེས་བྱ་བ་རྒྱལ་སྲིད་འབྱོར་པ། རྒྱས་པ། བདེ་བ། ལོ་ལེགས་པ། སྐྱེ་བོ་དང་མི་མང་པོས་གང་བ། ཐབ་མོ་དང་།
D3.007.0241b01.01འཐབ་པ་དང་། འཁྲུགས་ལོང་དང་། ནང་འཁྲུགས་རབ་ཏུ་ཞི་བ། ཆོམ་རྐུན་དང་། མུ་གེ་དང་། ནད་དང་བྲལ་བ། སཱ་ལུ་དང་། བུ་རམ་ཤིང་གི་ཕྲེང་བ་དང་། བ་ལང་དང་། མ་ཧེ་ཕུན་སུམ་ཚོགས་པ་བྱེད་དུ་འཇུད་པ། ཆོས་དང་ལྡན་པ། ཆོས་ཀྱི་རྒྱལ་པོ་
D3.007.0241b02.01ཆོས་ཀྱི་རྒྱལ་སྲིད་བྱེད་དུ་འཇུག་པས་རིན་པོ་ཆེ་སྣ་བཞི་ལས་བྱས་པའི་མཆོད་རྟེན་རྒྱར་དཔག་ཚད་གཅིག་པ། འཕང་དུ་དཔག་ཚད་ཕྱེད་པ་བྱེད་དུ་བཅུག་གོ། །དེ་ན་བུད་མེད་རྒན་མོ་སྐྱབས་སུ་འགྲོ་བ་དང་། བསླབ་པའི་གཞི་བླངས་པ་གཅིག་ཅིག །བཅོམ་ལྡན་འདས་ཡང་དག་
D3.007.0241b03.01པར་རྫོགས་པའི་སངས་རྒྱས་འོད་སྲུང་གི་མཆོད་རྟེན་ལ་བསྙེན་བཀུར་བྱེད་ཅིང་འདུག་གོ། །དེ་ནས་རྒྱལ་པོ་ཀྲྀ་ཀཱི་དཔྱིད་ཀྱི་དུས་ཀྱི་ཚེ་ཤིང་ལྗོན་པ་མེ་ཏོག་ཁ་བྱེ་ཞིང་འབྲས་བུ་རྒྱས་པ། ངང་པ་དང་། ཁྲུང་ཁྲུང་དང་། རྨ་བྱ་དང་། ནེ་ཙོ་དང་། རི་སྐེགས་དང་། ཁུ་བྱུག་དང་།
D3.007.0241b04.01ཤང་ཤང་ཏེའུ་སྒྲ་འབྱིན་པའི་ཚལ་གསེབ་དག་ཏུ། བཙུན་མོའི་འཁོར་དང་ལྷན་ཅིག་སྐྱེད་མོས་ཚལ་གྱི་སར་བྱུང་ནས། རྒྱལ་པོ་དེ་མྱུར་བ་མྱུར་བར་ཡང་བཱ་རཱ་ཎ་སཱིར་ཞུགས་སོ། །བཙུན་མོའི་འཁོར་གྱིས་སྣ་མའི་ཡལ་ག་དག་ལ་མུ་ཏིག་གི་ཆུན་པོ་དཔྱངས་ཏེ་ཁྲུས་བྱ་བར་བརྩམས་
D3.007.0241b05.01པ་དང་། དེས་རྒྱལ་པོ་མྱུར་བ་མྱུར་བར་བཱ་རཱ་ཎ་སཱིར་ཞུགས་པ་ཐོས་ནས། དེ་ཡང་བརྟད་པ་དང་བཅས་པས་མུ་ཏིག་གི་ཆུན་པོ་བརྗེད་དེ་བོར་ནས་བཱ་རཱ་ཎ་སཱིར་ཞུགས་སོ། །བུད་མེད་རྒན་མོ་དེས་མུ་ཏིག་གི་ཆུན་པོ་དེ་མཐོང་ནས། དེས་མུ་ཏིག་གི་ཆུན་པོ་དེ་སྨྱུག་མ་ལ་བཏགས་ཏེ་
D3.007.0241b06.01བཞག་གོ། །བུད་མེད་ཀྱི་ཡུལ་ནི་རྒྱན་ལ་ཉེ་བར་སྤྱོད་པ་ཡིན་པས། དེས་ཕྱི་དེ་ཉིན་པར་རྒྱན་དེ་དྲན་ནས། དེས་རྒྱལ་པོ་ལ་གསོལ་པ་དང་། རྒྱལ་པོས་ཞོ་ཤས་འཚོ་བ་དག་དེར་བཏང་ནས། དེ་དག་གིས་མུ་ཏིག་གི་ཆུན་པོ་སྨྱུག་མ་ལ་བཏགས་པ་དེ་མཐོང་བ་དང་། དེ་
D3.007.0241b07.01