完整藏文原文 · 德格版页 当前仅加载第 7 函德格 249a 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་ཀྱིས་ནི་ཟིན་པ་དང་། །ཕྱི་རོལ་དུ་ནི་འཕངས་པ་དང་། །གཉི་ག་དང་ནི་ལྡན་པ་ནི། །སྡེ་ཚན་ཡང་དག་བསྡུས་པ་ཡིན། །ཇི་ལྟར་བདག་ཉིད་ཀྱིས་ཟིན་པས་ཤེ་ན། དགེ་སློང་གིས་དུད་འགྲོའི་སྐྱེ་གནས་སུ་གཏོགས་པའི་སེམས་ཅན་ལ་བསད་པའི་སེམས་ཀྱིས་
D3.007.0249a01.01འདི་ལྟར་བརྩམས་པ་འདིས་འདི་དུས་བྱེད་པར་གྱུར་ཅིག་སྙམ་པས་སོར་མོ་གཅིག་གིས་སྣུན་པར་བྱེད་ཅིང་། དེ་ཡང་རྩོམ་པ་དེས་དུས་བྱེད་ན་དགེ་སློང་ལ་ལྟུང་བྱེད་དུ་འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ན་དགེ་སློང་ལ་ལྟུང་བྱེད་དུ་འགྱུར་རོ། །དེས་དེའི་
D3.007.0249a02.01ཚེ་ཡང་མ་ཡིན་ལ་དེས་དེའི་འོག་ཏུ་ཡང་མ་ཡིན་ན་དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་བྱས་སུ་འགྱུར་རོ། །སོར་མོ་གཅིག་གིས་ཇི་ལྟ་བ་དེ་བཞིན་དུ་འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས་སོར་མོ་གཉིས་ཀྱིས་སམ་གསུམ་གྱིས་སམ།
D3.007.0249a03.01བཞིས་སམ། ལྔས་སམ། ཁུ་ཚུར་གྱིས་སམ། གྲུ་མོས་སམ། ཕྲག་པས་སམ། མགོ་བོས་སམ། གློས་སམ། རྐེད་པས་སམ། བརླས་སམ། པུས་མོས་སམ། རྗེ་ངར་གྱིས་སམ། ལོང་བུས་སམ། རྐང་མཐིལ་གྱིས་སམ། ཐ་ན་རྐང་པའི་མཐེ་བོས་སྣུན་པར་
D3.007.0249a04.01བྱེད་ཅིང་དེ་ཡང་རྩོམ་པ་དེས་དུས་བྱེད་ན་དགེ་སློང་ལ་ལྟུང་བྱེད་དུ་འགྱུར་རོ། །དེས་དེའི་ཚེ་མ་ཡིན་ཡང་། དེས་དེའི་འོག་ཏུ་ན་དགེ་སློང་ལ་ལྟུང་བྱེད་དུ་འགྱུར་རོ། །དེས་དེའི་ཚེ་ཡང་མ་ཡིན་ལ་དེས་དེའི་འོག་ཏུ་ཡང་མ་ཡིན་ན་དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་བྱས་སུ་འགྱུར་
D3.007.0249a05.01ཏེ། དེ་ལྟར་བདག་ཉིད་ཀྱིས་ཟིན་པས་སོ། །ཇི་ལྟར་ཕྱི་རོལ་དུ་འཕངས་པས་ཤེ་ན། དགེ་སློང་གིས་དུད་འགྲོའི་སྐྱེ་གནས་སུ་གཏོགས་པའི་སེམས་ཅན་ལ་བསད་པའི་སེམས་ཀྱིས་འདི་ལྟར་རྩོམ་པ་འདིས་འདི་དུས་བྱེད་པར་གྱུར་ཅིག་སྙམ་པས་མདས་སྣུན་པར་བྱེད་ཅིང་དེ་
D3.007.0249a06.01ཡང་རྩོམ་པ་དེས་དུས་བྱེད་ན་དགེ་སློང་ལ་ལྟུང་བྱེད་དུ་འགྱུར་རོ། །དེས་དེའི་ཚེ་མ་ཡིན་ཡང་དེས་དེའི་འོག་ཏུ་ན་དགེ་སློང་ལ་ལྟུང་བྱེད་དུ་འགྱུར་རོ། །དེས་དེའི་ཚེ་ཡང་མ་ཡིན་ལ་དེས་དེའི་འོག་ཏུ་ཡང་མ་ཡིན་ན་དགེ་སློང་ལ་སྦྱོར་བ་སྔ་མ་དེ་ཉིད་ཀྱིས་ཉེས་བྱས་སུ་འགྱུར་རོ། །
D3.007.0249a07.01