完整藏文原文 · 德格版页 当前仅加载第 7 函德格 21a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། ཁྱིམ་བདག་གིས་སྨྲས་པ། དམ་ཚིག་གིས་གཡར་བར་བགྱི་སྟེ། གལ་ཏེ་བདག་གི་བསོད་སྙོམས་གསོལ་ཏེ་གཤེགས་ན་གཡར་རོ། །དགེ་སློང་རྣམས་ཀྱིས་སྨྲས་པ། ཁྱིམ་བདག་ཁོ་བོ་ཅག་ནི་དོན་མཐུན་ལ་རག་ལས་པ་ཡིན་པས། གལ་ཏེ་དོན་མཐུན་སྡོད་
D3.007.0021a01.01ན་བཟའ་བར་བྱའོ། །ཁྱིམ་བདག་འདི་ན་ཁྲིའམ། ཁྲིའུ་ལྟ་ཡོད་དམ། འཕགས་པ་དག་མ་མཆིས་སོ། །དགེ་སློང་དེ་དག་ལ་ཁྱིམ་པ་དང་། དགེ་ཚུལ་མང་དུ་ཡོད་པས་དེ་དག་གིས་རྩྭ་མང་པོ་བླངས་ཏེ་པུས་མོ་ནུབ་ཙམ་གྱི་གདིང་བ་བཤམས་སོ། །དོན་མཐུན་ནམ་མ་ནངས་པ་ཉིད་དུ་འཕགས་
D3.007.0021a02.01ནས། དགེ་སློང་དེ་དག་གིས་ཀྱང་གདིང་བ་མ་བོར་བར་དོང་ངོ་། །ཁྱིམ་བདག་གིས་བསམས་པ། གལ་ཏེ་འཕགས་པ་དག་བཞུགས་ན་དེ་དག་གི་གདུགས་ཚོད་སྟ་གོན་བྱས་ཇེ་བལྟའོ་སྙམ་ནས་དེ་སོང་བ་དང་། ཇི་ཙམ་ན་དགེ་སློང་དེ་དག་ནམ་མ་ནངས་པ་ཁོ་ནར་དོང་བ་མཐོང་ངོ་། །ཁྱིམ་
D3.007.0021a03.01བདག་དེ་ཆུང་མ་དང་བཅས་པས་གདིང་བ་དེ་དག་འདོར་བ་ན་སྔ་དྲོ་རིལ་གྱིས་ཡོལ་བར་གྱུར་ཏོ། །དགེ་སློང་རབ་ཏུ་མང་པོ་གཞན་དག་དོན་མཐུན་དང་ལྷན་ཅིག་ལྗོངས་རྒྱུར་དོང་བ་ན་རི་བྲགས་དེ་ཉིད་དུ་ཕྱིན་ནས། དེ་ན་དེ་དག་ཁྱིམ་བདག་གི་གན་དུ་སོང་སྟེ་ཁྱིམ་བདག་ཁོ་བོ་ཅག་ལ་གནས་གཡོར་
D3.007.0021a04.01ཅིག་ཅེས་གནས་བརྙས་པ་དང་། ཁྱིམ་བདག་གིས་སྨྲས་པ། འཕགས་པ་དག་དམ་ཚིག་གིས་གཡར་བར་བགྱི་སྟེ། གལ་ཏེ་ཁྱེད་ཅག་རན་གྱི་གདིང་བ་མི་འདིང་ན་གཡར་བར་བགྱིའོ། །ཁྱིམ་བདག་འདི་ན་གང་དུ་ཁོ་བོ་ཅག་ཉལ་བར་བྱ་བའི་ཁྲིའམ། ཁྲིའུ་ལྟ་ཡོད་དམ། འཕགས་པ་དག་མ་
D3.007.0021a05.01མཆིས་སོ། །ཁྱིམ་བདག་ས་སྒྲེ་བོ་ལ་ཇི་ལྟར་ཉལ་བར་བྱ། འཕགས་པ་དག་ཁྱེད་ཅག་ཉིད་ཀྱི་ཚངས་པ་མཚུངས་པར་སྤྱོད་པ་དག་ལྷགས་པར་གྱུར་ནས། དེ་དག་གིས་རན་གྱི་གདིང་བ་བཏིང་ནས་མ་བོར་བར་དོང་ནས་བདག་མཆིས་འབྲང་དང་བཅས་པ་དེ་འདོར་བ་ན་སྔ་དྲོ་རིལ་གྱིས་ཡོལ་བར་གྱུར་ཏོ། །
D3.007.0021a06.01དགེ་སློང་དེ་དག་ས་སྒྲེ་བོ་ལ་མཚན་མོ་འདའ་བར་བྱས་ནས་ནང་པར་སྔར་ལངས་ཏེ་དོང་ངོ་། །དེ་དག་མཐར་གྱིས་རྒྱུ་ཞིང་དོང་བ་ན་མཉན་ཡོད་དུ་ཕྱིན་ནས། དགེ་སློང་རྣམས་ཀྱིས་དེ་དག་མཐོང་ནས་སྨྲས་པ། ཚེ་དང་ལྡན་པ་དག་འོངས་པ་ལེགས་སོ་འོངས་པ་ལེགས་སོ། །ཇི་ལྟ་བདེ་བར་བརྒྱུས་སམ།
D3.007.0021a07.01