完整藏文原文 · 德格版页 当前仅加载第 7 函德格 280a 版页；藏文 NFD、目录标记与异常页序保留在来源切片中，重复版页行以稳定序号区分。
བླངས་ནས་མཉན་ཡོད་དུ་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་འཕགས་པ། དེ་ཡང་སྒོ་དང་པོ་ཕྱེ་བ་ཁོ་ན་ནས་བྱུང་སྟེ་སོང་བ་དང་། བུ་མོ་དེས་དགེ་སློང་དེ་མཐོང་ནས་དེས་སྨྲས་པ། འཕགས་པ་གར་བཞུད། དགེ་སློང་དེས་སྨྲས་པ། སྲིང་མོ་མཉན་ཡོད་དུ་འགྲོའོ། །
D3.007.0280a01.01བུ་མོ་དེས་སྨྲས་པ། བདག་ཀྱང་མཉན་ཡོད་དུ་མཆིས། བདག་འཕགས་པ་དང་ལྷན་ཅིག་འགྲོགས་ཏེ་མཆིའོ། །དེ་ལྟར་གྱིས་ཤིག །བུ་མོ་དེ་དགེ་སློང་དེ་དང་ལྷན་ཅིག་འགྲོགས་ཏེ་འགྲོ་བར་བརྩམས་སོ། །ཇི་ཙམ་ན་ཐ་ག་པ་སྤྱི་ཅེར་ར་རོ་བ་སངས་ཏེ་སད་ནས་བུ་མོ་དེ་མི་སྣང་ནས་
D3.007.0280a02.01དེ་བུད་མེད་རྒན་མོའི་གན་དུ་སོང་སྟེ་དྲིས་པ། ཡུམ་བུ་མོ་དེ་མི་སྣང་ངོ་། །རྒན་མོས་སྨྲས་པ། བུ་ཁོ་མོས་དང་པོ་ཉིད་ནས་ཁྱོད་ལ་དེ་བྲོས་པར་གྱུར་ན་མི་རུང་གིས་མ་རྡེག་ཤིག་ཅེས་མ་བྱས་སམ། དེ་བྲོས་ཏེ་སོང་བ་སྙམ་གྱིས་སྒོ་བ་ལ་དྲིས་ཤིག །ཐ་ག་པ་དེ་སོང་སྟེ་སྒོ་བ་ལ་དྲིས་པ། ཀྱེ་ནང་
D3.007.0280a03.01རྗེ་སྒོ་འདི་ནས་བུ་མོ་ཞིག་ཕྱིར་བྱུང་ངམ། སྒོ་བས་སྨྲས་པ། སྒོ་དང་པོ་ཕྱེ་བ་ཁོ་ན་ནས་བྱུང་སྟེ་སོང་ངོ་། །ཐ་ག་པ་དེ་ར་བ་ལ་འཛེགས་ཏེ་ཕྱི་བཞིན་བལྟས་པ་དང་། ཇི་ཙམ་ན་ཐག་རིང་པོ་ཁོ་ན་ནས་སོང་བ་མཐོང་ནས་དེ་མྱུར་བ་མྱུར་བར་བབས་ཏེ་བསྙགས་པ་དང་། ཇི་ཙམ་ན་དགེ་སློང་ཞིག་
D3.007.0280a04.01དང་ལྷན་ཅིག་འགྲོ་བ་མཐོང་ནས། དེས་བསམས་པ། བདག་ནི་གཅིག་པུ་ཡིན་ལ། འདི་གཉིས་ནི་གཉིས་ཡིན་པས་གལ་ཏེ་དེ་གཟུང་ན་འདི་གཉིས་ལོག་སྟེ་བདག་རྡེག་པར་འགྱུར་བ་གང་ཡིན་པ་དེ་ལྟ་བུའི་གནས་ཡོད་པར་འགྱུར་གྱིས། གང་གི་ཚེ་གྲོགས་རྙེད་པར་གྱུར་པ་དེའི་ཚེ་
D3.007.0280a05.01ན་གཟུང་བར་བྱའོ་སྙམ་ནས། དེ་དེ་གཉིས་ཀྱི་ཕྱི་བཞིན་འབྲང་ཞིང་སོང་བ་དང་། ཇི་ཙམ་ན་རི་བྲགས་ཤིག་ཏུ་ཕྱིན་ནས། རི་བྲགས་དེ་ན་ཐ་ག་པ་ལྔ་བརྒྱ་ཙམ་འཁོད་ནས་ཐ་ག་པ་སྤྱི་ཅེར་སོང་སྟེ་སྨྲས་པ། ཤེས་ལྡན་དག་ཁྱེད་ཁོ་བོའི་ཉེ་དུ་ཡིན་ན་ཁོ་བོའི་ཆུང་མ་ཤཱཀྱའི་བུའི་དགེ་སྦྱོང་
D3.007.0280a06.01གིས་ཕྲོགས་ཀྱི་དེ་ལ་གྲོགས་གྱིས་ཤིག་ཅེས་ར་མདའ་ཟློག་ཏུ་བཅུག་གོ། །ཐ་ག་པ་དག་ནི་ཡོངས་སུ་མི་རྟོག་པ་ཡིན་པས་དེ་དག་གིས་ཐགས་ཟངས་ལྔ་བརྒྱ་ཙམ་ཐོགས་ཏེ་རི་བྲགས་ནས་ཕྱིར་བྱུང་ནས་དེ་དག་གིས་དགེ་སློང་དེ་ཤིན་ཏུ་བརྡེགས་ཏེ་ལྷུང་བཟེད་ཀྱང་བཅག །ཕོར་བུ་
D3.007.0280a07.01