完整藏文原文 · 德格版页 当前仅加载第 7 函德格 50b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་དེ་དག་ཅིག་ལ་གཅིག་གནོད་པར་བྱེད་པར་བརྩམས་པ་དང་། དེ་དག་གིས་སྨྲས་པ། ཤེས་ལྡན་དག་བདག་ཅག་གིས་བདག་ཅག་གི་ནང་ན་གང་བདག་ཅག་ལ་ཆད་པས་གཅོད་པ་དང་། ཕན་འདོགས་པར་ནུས་པ་འགའ་ཞིག་བྱའི་རྒྱལ་པོར་དབང་བསྐུར་བར་བྱ་ན་བདག་ཅག་གིས་
D3.007.0050b01.01གང་ཞིག་བྱའི་རྒྱལ་པོར་དབང་བསྐུར་བར་བྱ། དེ་ན་ཧ་ཅང་ཐག་མི་རིང་བ་ཞིག་ན་འུག་པ་རྒན་པོ་ཞིག་འདུག་ནས་དེ་དག་གིས་སྨྲས་པ། འུག་པ་རྒན་པོ་འདིས་བྱའི་རྒྱལ་པོར་དབང་བསྐུར་བར་བྱའོ། །དེ་དང་ཧ་ཅང་ཐག་མི་རིང་བ་ཞིག་ན་ནེ་ཙོ་རྒན་པོ་ཞིག་འདུག་ནས། དེ་དག་གིས་སྨྲས་
D3.007.0050b02.01པ། རེ་ཞིག་ནེ་ཙོ་རྒན་པོ་འདི་ལ་ཡང་དྲི་བར་བྱའོ་ཞེས་དེ་དག་དེའི་གན་དུ་སོང་སྟེ་དྲིས་པ་དང་། ནེ་ཙོ་རྒན་པོ་དེས་ཚིགས་སུ་བཅད་པ་སྨྲས་པ། བྱ་རྣམས་འུག་པ་དབང་བསྐུར་དུ། །བདག་ནི་མོས་པ་མ་ཡིན་ཏེ། །མ་ཁྲོས་པ་ཡི་བཞིན་ལ་ལྟོས། །ཁྲོས་ན་ཇི་ལྟ་བྱེད་པར་
D3.007.0050b03.01འགྱུར། །དེ་དག་གིས་དེ་དབང་མ་བསྐུར་བར་ནེ་ཙོ་རྒན་པོ་དེ་ཉིད་བྱའི་རྒྱལ་པོར་དབང་བསྐུར་ཏོ། །དགེ་སློང་དག་དེའི་ཚེ་དེའི་དུས་ན་ནེ་ཙོ་རྒན་པོ་གང་ཡིན་པ་དེ་ནི་ཤཱ་རིའི་བུ་འདི་ཡིན་ནོ། །དེའི་ཚེ་དེའི་དུས་ན་འུག་པ་རྒན་པོ་གང་ཡིན་པ་དེ་ནི་འདུན་པ་འདི་ཉིད་ཡིན་ཏེ། དེའི་ཚེ་ན་ཡང་
D3.007.0050b04.01འདིས་དེ་བྱའི་རྒྱལ་པོར་དབང་བསྐུར་བར་བྱས་པ་བཟློགས་ལ་ད་ལྟར་ཡང་འདིས་དེ་ལག་གི་བླར་བསྐོ་བར་བྱས་པ་བཟློག་གོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང་བ་མེད་དོ། །གཙུག་ལག་ཁང་གི་ལྟུང་བྱེད་
D3.007.0050b05.01དེ་ཉི་ཤུ་པ་རྫོགས་{སྷོ,སོ}།། །།སྡོམ་ལ། མ་བསྐོས་ཉི་མ་ནུབ་པ་དང་། །ཟས་དང་ཆོས་གོས་གཉིས་དག་དང་། །དོན་མཐུན་གྲུ་དང་དབེན་པ་གཉིས། །དགེ་སློང་མ་ཡིས་སྦྱོར་བཅུག་པའོ། །བར་སྡོམ་ལ། དགའ་བྱེད་བསྟན་པའི་མདོ་སྡེ་དང་། །དྲུག་སྡེ་ལམ་
D3.007.0050b06.01མདོ་བྱི་རོ་དང་། །མཛོད་གསུམ་འཕགས་འཚོང་འདུ་ཤེས་མེད། །འཚོ་བྱེད་རྟ་དང་སྨོན་ལམ་མོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ། མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་ན་དགེ་སློང་མ་འཕགས་མ་ཉན་ཐོས་
D3.007.0050b07.01